Jón Þór Ólafs­son þing­maður Pírata hef­ur ­skapað spil, Þingspil­ið, sem byggir á reynslu hans við að starfa á Alþingi þar sem leik­menn geta spilað for­mann flokks á þingi sem kepp­ist við að koma sem flestum þing­mönnum í eigin vasa. Í spil­inu er til að mynda hægt að styðja við mál­efni, setja lög­bann á hneyksl­is­mál og stinga svo hina for­menn­ina í bak­ið. Jón Þór hefur safnað fyrir útgáfu spils­ins á Karol­ina Fund og þeirri söfnun lýkur um kom­andi helgi.

Þegar hefur safn­ast um 120 pró­sent af þeirri upp­hæð sem þarf til að spilið fari í fram­leiðslu, en til þess þurfti að safn­ast

Náist að safna 150 pró­sent af umbeð­inni upp­hæð munu allir bunkar spila í Þingspil­inu koma í hágæða spila­kassa. Náist að safna yfir 200 pró­sent af því sem óskað var eft­ir, um 1,6 milljón króna, verða spilin sjálf upp­færð og prentuð á hágæða papp­ír. 

Spil­inu er lýst sem leik fyr­ir­ ­fólk sem þolir ekki spill­ingu, nema það fái að spila með.

Jón Þór segir að hann hafi lengi hugsað um leiðir til að leikja­væða stjórn­málin og eftir að Gísli Ein­ars­son, eig­andi spila­versl­un­ar­inn­ar ­Nex­us, benti honum á að vin­sæl­ustu spilin í búð­inni væru partý spil, sem væru fljót­lærð, fljót­spiluð og skemmti­leg, þá small hug­myndin sam­an.

Spilið er korta­spil sem passar í rassvas­ann og hægt að setja það upp og byrja að spila á innan við mín­útu. Það er gert fyrir 3-8 ­spil­ara 14 ára og eldri og tekur 15-30 mín­útur ef spil­aðar eru tvær umferð­ir. „Þingspilið varð til í hita­móki eina des­em­ber nótt fyrir rúmu ári. ­Fyrri hug­myndir höf­undar um stjórn­mála­spil röð­uð­ust svo inn í partý­spila ramman í hita­mókin­u.“

Fyrsta hönn­unin var unnin í síð­asta jóla­fríi Jóns Þórs frá Alþing­is­störf­um. Spilið skrif­aði sig svo eig­in­lega sjálft, að sögn Jóns Þórs, þegar farið var yfir stjórn­mála­sög­una í skop­myndum Hall­dórs Bald­urs­son­ar, sem birt­ast í Frétta­blað­inu. „Hall­dóri fannst hug­myndin góð og gaf grænt ljós á að gera spil­ið. For­menn flokk­anna á þingi sáu svo sitt spil og var skemmt. Einn sagði höf­und ekki alslæman, annar vild­i ­sjálfu af sér með höf­undi og enn annar bað um að sjá hin „For­manna­spil­in“ og var sáttur við ­sam­an­burð­inn.Þema ­spils­ins er að spila stjórn­málin síð­ustu ára í gegnum skop­myndir Hall­dór­s Bald­ur­son­ar. Þetta er eins og að spila Ára­mótaskaup­ið.“

Hér er hægt að taka þátt í fram­leiðslu spils­ins og kaupa ein­tak.