Royal Bank of Scotland (RBS) tap­aði 134 millj­ónum punda á þriðja árs­fjórð­ungi, eða sem nemur um 26 millj­örðum króna. Þetta er við­snún­ingur frá sama tíma í fyrra, þegar bank­inn hagn­að­ist um 1,1 millj­arða punda, eða tæp­lega 210 millj­arða króna. 

Frá því að breska ríkið bjarg­aði rekstri bank­ans, með 46 millj­arða punda fram­lagi haustið 2008, hefur bank­inn gengið í gegnum mikið hag­ræð­ing­ar­skeið og erf­ið­leika. Meira en tíu þús­und störf hjá bank­anum hafa verið aflögð á heims­vísu og nið­ur­skurð­ur­inn nemur meira en þremur millj­örðum punda árlega í rekstri. 

Sam­kvæmt til­kynn­ingu frá bank­an­um, sem Reuters vitnar til í dag, þá eru frek­ari erf­ið­leikar framundan þar sem bank­inn á enn eftir að gera upp gamlar syndir sínar gagn­vart yfir­völd­um, þrátt fyrir að breskir skatt­greið­endur eigi bank­ann að mestu, eða 73 pró­sent. Bank­inn hefur þegar lagt til hliðar 4,5 millj­arða punda, vegna mögu­legra sekta­greiðslna, þar sem rann­sóknir eru enn í gangi vegna meintra lög­brota bank­ans, einkum á mark­aði meða vaxta­álög á milli­banka­mark­að­i.