Mögu­leik­anum á því að hryðju­verka­sam­tökin Íslamska ríkið hafi grandað flug­vél í Egypta­landi á laug­ar­dag­inn með 224 far­þegum inn­an­borðs, hefur ekki verið ýtt útaf borð­inu. Hann þykir ólík­leg­ur, sökum þess í hvaða hæð vélin var þegar hún missti hæð, en ekk­ert er þó úti­lok­að.

Eng­inn af þeim 224 sem var um borð í flug­vél rúss­neska flug­fé­lags­ins Kogalyma­via, í flugi númer KGL9268, komst lífs af þegar flug­vélin fórst í Egypta­landi, en hún var á leið frá ferða­manna­staðnum Sharm el-S­heikh við Rauða­hafið til St. Pét­urs­borgar í Rúss­landi. Hún fórst um tutt­ugu og tveimur mín­útum eftir flug­tak, og segja tals­menn Kogalyma­via að allt bendi til þess að vélin hafi ekki farist vegna tækni­bil­un­ar, heldur frekar skyndi­legs höggs eða ann­arra ytri áhrifa. Yfir­völd í Rúss­landi hafa ekk­ert viljað segja um mál­ið, en segja of snemmt að segja til um hvað gerð­ist, þar sem málið sé í rann­sókn, að sögn BBC.

Eftir að vélin fórst lýstu hryðju­verka­sam­tök, sem starf­aða hafa undir vernd­ar­væng Íslamska rík­is­ins, yfir ábyrgð á því að vélin fórst. Sú yfir­lýs­ing hefur hins vegar ekki verið metin trú­verð­ug, hvorki af yfir­völd í Egypta­landi né Rúss­landi. Mik­ill titr­ingur er sagður í Rúss­landi vegna máls­ins, og eru for­svars­menn Kogalyma­via flug­fé­lags­ins sagðir undir mik­illi pressu vegna máls­ins.

Vladímir Pútín, for­seti Rúss­lands, hefur lýst yfir þjóð­ar­sorg í Rúss­landi og fyr­ir­skip­aði strax sjálf­stæða rann­sókn á orsökum þess að vélin fórst. Nær allir um borð voru Rúss­ar, aðal­lega ferða­menn. Þrír ein­stak­lingar frá Úkra­ínu voru um borð, af þeim 217 far­þegum sem voru í vél­inni. Áhöfn vél­ar­innar taldi sjö tals­ins. 

Sam­kvæmt fréttum breska rík­is­út­varps­ins BBC voru 138 konur í vél­inu og sautján börn á aldr­inum tveggja til sautján ára. Aðstæður á vett­vangi slyss­ins voru sagðar skelfi­legar þegar björg­un­ar­menn komu að.