Nýtt sjúkra­hús má byggja á betri stað en við Hring­braut, segir í skýrslu rann­sókn­ar­stofn­unar atvinnu­lífs­ins við Háskólan á Bif­röst. Nið­ur­stöður skýrsl­unnar voru kynntar á morg­un­verð­ar­fundi Sam­taka atvinnu­lífs­ins um nýtt sjúkra­hús í morg­un.

Í skýrsl­unni segir að hag­kvæmara og skyn­sam­legra sé út frá skipu­lags­sjón­ar­miðum að byggja nýtt sjúkra­hús nærri miðju höf­uð­borg­ar­svæð­is­ins og að þar sé hægt að byggja sjúkra­hús sam­bæri­leg þeim sem byggð eru á Norð­ur­lönd­um.

Með því að hætta við að byggja við núver­andi bygg­ingar við Hring­braut yrði hægt að byggja nútíma­legri spít­ala í hærri bygg­ingu en nú er gert ráð fyr­ir. „Það mun leiða til lægri bygg­ing­ar­kostn­að­ar, minna rasks og hrað­ari fram­kvæmda­tíma,“ segir í skýrls­unni. Um leið væri hægt að minnka umfang vissra bygg­inga án þess að draga úr gæðum starf­sem­innar og spara sex til sjö millj­arða króna.

Um eign­ar­hald bygg­ing­anna og á dýr­ari lækn­inga­tækjum kemst rann­sókn­ar­stofn­unin að þeirri nið­ur­stöðu að því sé betur komið fyrir hjá sér­stöku opin­beru hluta­fé­lagi. Hluta­fé­lagið mundi svo leigja spít­al­anum aðstöðu og tæki. Til þess að lækka kostnað gæti Land­spít­al­inn einnig falið öðrum að sjá um ein­staka þætti starf­sem­inn­ar; í skýrsl­unni eru nefnd atriði eins og öldr­un­ar­þjón­ustu, eld­hús, þvotta­hús og mynd­grein­ing­um.

Skýrsl­una má lesa hér af vef Sam­taka atvinnu­lífs­ins.