200 þungaðar konur með geðræn vandamál

Sérhæft teymi á Kleppi tekur á móti um 200 þunguðum konum ár hvert með geðræn vandamál. Elísabet Sigfúsdóttir leiðir teymið og segir hún hópinn afar veikan með mikla þörf fyrir hjálp. Við blasir enn frekari niðurskurður á starfseminni vegna fjárskorts.

Elísabet Sigfúsdóttir leiðir sérhæft teymi á Kleppi sem aðstoðar ófrískar konur með geðræn vandamál. Teymið hefur hjálpað um 200 konum á ári, en þarf líklega að draga úr starfseminni vegna niðurskurðar.
Elísabet Sigfúsdóttir leiðir sérhæft teymi á Kleppi sem aðstoðar ófrískar konur með geðræn vandamál. Teymið hefur hjálpað um 200 konum á ári, en þarf líklega að draga úr starfseminni vegna niðurskurðar.
Auglýsing

Sér­hæft teymi á Kleppi tekur árlega móti um 200 ófrískum konum og nýbök­uðum mæðrum sem eiga við geð­rænan vanda að stríða. Oft­ast er um að ræða konur sem glíma við alvar­legan geð­heilsu­vanda á með­göngu og/eða tengsla­vanda við barn sitt. 

Tíðni geð­sjúk­dóma eykst oft hjá konum á með­göngu og við fæð­ingu og talið er að um það bil fimm pró­sent fæð­andi kvenna glími við alvar­leg geð­ræn vanda­mál. Snemmtæk íhlutun getur skipt sköpum í tengsla­myndun móður og barns og komið í veg fyrir flutn­ing vanda­mála frá einni kyn­slóð til ann­arr­ar. Á hverju ári fæð­ast á bil­inu 4.000 til 4.500 börn á Ísland­i. 

Mjög veikur hóp­ur 

Elísa­bet Sig­fús­dótt­ir, félags­ráð­gjafi og teym­is­stjóri FMB, segir þung­lyndi og kvíða algeng­ustu kvill­ana sem mæður glíma við, en einnig koma konur með alvar­lega geð­rofs­sjúk­dóma. Hluti kvenn­anna er með lang­vinnan geð­rænan vanda, koma úr erf­iðum félags­legum aðstæð­um, hafa orðið fyrir áföllum í æsku eins og nauðgun eða verið í neyslu. 

Auglýsing

Þessi hópur þarf oft fjöl­þætt inn­grip og því kemur fyrir að fjöl­skyldur eru með fleiri en einn með­ferð­ar­að­ila. Feður með þung­lyndi, kvíða og fíkni­vanda hafa einnig verið skjól­stæð­ing­ar, til að mynda eftir að maka þeirra hefur verið vísað í teymið. Einum föður hefur verið vísað í teymið án þess að maki hafi verið í með­ferð.

„Við erum með mjög veikan hóp. Þær koma oft úr inn­lögn og hafa verið lengi í með­ferð,” segir Elísa­bet. FMB býður upp á þjón­ustu við mæður og barn í um eitt og hálft ár, frá í kring um 20. viku með­göngu og svo allt fyrsta ár barns­ins. For­gangs­raðað er eftir hverju til­viki og tekið er til­lit til veik­inda mæðra og lengd með­göng­u. 

FMB teymið tekur á móti konum með mökum þeirra, en flestar konurnar koma þó einar í meðferðina. Móðurinni er fylgt eftir í eitt ár eftir að barnið fæðist.

Geð­rænir kvillar hefta tengsla­myndun

Skamm­stöf­unin FMB stendur fyrir „for­eldrar - með­ganga - barn“ og er teymið skil­greint sem þriðja stigs þjón­usta, sem þýðir síð­asta úrræði fyrir sjúk­linga. Kon­urnar sem koma í teymið eru því margar hverjar mjög veik­ar. Fyrsta stigs þjón­usta er heilsu­gæsla og annað stig er ítar­þjón­usta. 

Alvar­leg geð­ræn veik­indi hafa áhrif á hæfni móður til að sinna hlut­verki sínu og tengsla­myndun hennar við unga­barn­ið. Snemmtæk íhlutun getur skipt sköpum í tengsla­myndun móður og barns og komið í veg fyrir flutn­ing vanda­mála frá einni kyn­slóð til ann­arr­ar.

Teymið hefur verið að taka við rúm­lega 200 konum og fjöl­skyldum á hverju ári, en í fyrra fækk­aði þeim niður í um 160 aðal­lega vegna þess að skil­grein­ingar á hópnum eru betri. Sé tekið mið af fjölda fæð­inga og fjölda til­vísanna í teymið árið 2015 má gera ráð fyrir að það sinni því hlut­falli vel, en ljóst er að það vantar upp á þjón­ustu sé miðað við árið 2014.

Draga þurfti úr tilvísunum í fyrra vegna niðurskurðar.

Flestar mæður koma einar

Teymið þjón­ustar konur frá öllu land­inu, en langstærsti hlut­inn er af höf­uð­borg­ar­svæð­inu. Einnig koma konur reglu­lega í með­ferð allt frá Borg­ar­firði og af Aust­ur­landi.  Erf­ið­ara er fyrir konur frá svæðum sem eru lengra í burtu að koma í reglu­lega með­ferð og að sögn Elísa­betar er frekar reynt að veita ráð­gjöf í þeirra umhverf­i. 

Aldur kvenn­anna er frá 18 og til fer­tugs. Allar með­ferð­irnar eru ein­stak­lings­með­ferð­ir, en teymið hefur einnig haft hóp­með­ferð­ar­starf. Flestar mæður koma einar í með­ferð­ina en um 20 pró­sent feðra koma líka alltaf með. Að sögn Elísa­betar koma sumir feður af og til, en um helm­ingur kvenn­anna eru alltaf ein­ar.

„Það er alltaf ákveðin hætta á að kona með geð­rofs­sjúk­dóma fari í geð­rof eftir fæð­ing­u,” segir Elísa­bet. „Ofsa­kvíða­mömmur geta líka farið í geð­rof eftir fæð­ing­u.” 

Kvíði mömmu yfir­fær­ist á barnið

Elísa­bet segir afar mik­il­vægt að koma í veg fyrir kyn­slóða­flutn­ing á erf­ið­leik­um, það er að segja að sjúk­dómar og félags­legir erf­ið­leikar móður haldi ekki áfram hjá barn­in­u. 

„Ef mamma er alltaf kvíðin eða hrædd, sér­stak­lega fyrstu tvö ár barns­ins, þá er barnið útsett fyrir yfir­færslu af líðan mömmu. Rann­sóknir sýna að ef barnið er baðað í stress­hór­mum á með­göngu aukast líkur á lík­am­legum sjúk­dóm­um,” segir hún. „Með­ferð­ar­vinnan okkar miðar að því að styrkja for­eldra í hlut­verki sínu og vinna með það sem for­eldr­arnir sjálfir koma úr. Til dæmis með því að sjá hvað þeir vilja bera áfram til barna sinna og hvað ekki.” 

Geta ekki sinnt öllum vegna fjár­skorts

FMB var stofnað sem gras­rót­arteymi árið 2009 og byrj­aði á göngu­deild Land­spít­al­ans. Anna María Jóns­dóttir geð­læknir átti hug­mynd­ina sem hún fékk að breskri fyr­ir­mynd. Í dag til­heyrir teymið undir göngu­deild geðsviðs en ekk­ert fjár­magn er eyrn­ar­merkt fyrir starf­sem­ina í ár. 

Stöðu­gildum fækk­aði árið 2015 og í kjöl­farið var nauð­syn­legt að þrengja sjúk­linga­hóp­inn tölu­vert með því að taka ekki á móti konum með alvar­legan fíkni­vanda. Er því fylgt skil­yrðum göngu­deildar með sex mán­aða edrú­mennsku.

„Um helm­ingur kvenn­anna er með sögu um fíkn eða mikla neyslu. Við höfum tekið konur inn sem hættu í neyslu eftir að þær átt­uðu sig á því að þær voru ófrískar, en þurftum að hætta því,” segir Elísa­bet. Brýnt sé að bæta við einu og hálfu stöðu­gildi á ný og eins væri rit­ari kær­komin við­bót. Þetta mundi kosta í kring um fimmtán millj­ónir á ári. 

„Það er bara fyrir vel­vilja og skiln­ing yfir­manna okkar að þetta teymi varð til, en síð­asti styrk­ur­inn rann út í fyrra. Við erum í ferli að reyna að finna fjár­magn því við erum ekki svo dýrt teymi en teljum að með vinnu okkar sparist fjár­magn í kerf­inu á móti. Þetta er gríð­ar­lega mik­il­vægt mál­efni sem nær yfir kyn­slóð­ir.” 

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Flest þeirra starfa sem orðið hafa til síðustu mánuði eru í ferðaþjónustu.
Færri atvinnulausir en fleiri fastir í langtímaatvinnuleysi
Í febrúar 2020, þegar atvinnulífið var enn að glíma við afleiðingar af gjaldþroti WOW air og loðnubrest, voru 21 prósent allra atvinnulausra flokkaðir langtímaatvinnulausir. Nú er það hlutfall 38 prósent.
Kjarninn 13. ágúst 2022
Eggert Þór Kristófersson.
Eggert kominn með nýtt forstjórastarf tæpum tveimur vikum eftir að hann hætti hjá Festi
Fyrrverandi forstjóri Festi hefur verið ráðinn til að stýra stóru landeldisfyrirtæki á Suðurlandi sem er í þriðjungseigu Stoða. Hann fékk fimmtánföld mánaðarlaun greidd út við starfslok hjá Festi.
Kjarninn 13. ágúst 2022
Jimmie Åkesson, formaður Svíþjóðardemókratanna.
Gömlu blokkirnar brotna í breyttu pólitísku landslagi
Innreið öfgahægriflokks Svíþjóðardemókrata inn í meginstraum sænskra stjórnmála hefur verið áberandi undanfarið á sama tíma og glæpatíðni vex. Lengi neituðu allir aðrir flokkar að vinna með Svíþjóðardemókrötum – þar til á síðasta ári.
Kjarninn 13. ágúst 2022
Meira úr sama flokkiViðtal
None