Segir skort á fjarveru Sigmundar Davíðs bitna á allri þjóðinni

Kári Stefánsson segir í opnu bréfi til forsætisráðherra: „Þú værir best geymdur annars staðar og við aðra iðju eins og til dæmis á Flórída að fá útrás fyrir áhuga þinn á skipulagsmálum með því að spila Matador við sjálfan þig.“

Kári
Auglýsing

Kári Stef­áns­son, for­stjóri Íslenskrar erfða­grein­ingar og ­for­svars­maður stærstu und­ir­skrifta­söfn­unar Íslands­sög­unnar, segir skort á fjar­veru Sig­mundar Dav­íðs Gunn­laugs­sonar for­sæt­is­ráð­herra frá Alþingi bitna á allri þjóð­inni. Sig­mundur Davíð væri „best geymdur ann­ars staðar og við aðra iðju eins og til dæmis á Flór­ída að fá útrás fyrir áhuga þinn á skipu­lags­málum með því að ­spila Mata­dor við sjálfan þig.“ Hann segir enn fremur að ­for­sæt­is­ráð­herra sé í stríði við sam­starfs­flokk sinn í rík­is­stjórn­, ­Sjálf­stæð­is­flokk­inn, með til­lögu sinni um bygg­ingu nýs Lands­spít­ala við Víf­il­staði í Garða­bæ, en sú til­laga er í and­stöðu við þá stefnu sem Krist­ján Þór Júl­í­us­son heil­brigð­is­ráð­herra hefur í mál­inu. Þetta er meðal þess sem fram kemur í harð­orðu opnu bréfi sem Kári skrifar til Sig­mundar Dav­íðs og birt­ist í Frétta­blað­inu í dag.

Kári og Sig­mundur Davíð hafa átt í opin­berum orða­skipt­u­m allt frá því að Kári skrif­aði grein í des­em­ber síð­ast­liðnum þar sem hann ­sagð­ist ætla að safna 100 þús­und und­ir­skriftum gegn rík­is­stjórn­inni. Sig­mund­ur Da­víð svar­aði Kára í grein þar sem hann vís­aði ítrekað til hans sem „Topp­ara“. Í byrjun febr­úar birt­ist síðan við­tal við Kára í Reykja­vík Grapevine þar sem hann ­kall­aði for­sæt­is­ráð­herra lít­inn tveggja ára offitu­sjúk­ling. Kári baðst síð­ar­ af­sök­unar á ummæl­unum með eft­ir­far­andi orð­um: Þessi ­skítur á minni ábyrgð. Þessa lotu vann for­sæt­is­ráð­herra 10-0."

Auglýsing

Rekur ýmsar sögur af Sig­mundi Davíð

Með opnu bréfi sínu í dag er ljóst að Kári er að hefja nýja lotu. Þar hrósar hann Sig­mundi Davíð fyrir inn­komu hans í stjórn­mál en segir að það hljóti að hafa verið ungum manni áfall að verða for­sæt­is­ráð­herra. Þá kom­ist hann ekki hærra upp, finn­ist hann ekki eiga skilið að vera á þeim stalli og fari að horfa nið­ur. „Þá fer manni að sund­la,“ segir Kári.

Hann rekur síðan orðróm um sam­skipti Sig­mundar Davíð og ­Bjarna Bene­dikts­son­ar, fjár­mála- og efna­hags­ráð­herra. „Það er til dæmis fleyg sú saga að fyrir um það bil ári hafi Bjarni Ben hringt í þig klukkan þrjú um eft­ir­mið­dag og sagt að hann þyrfti að hitta þig þann dag­inn og þú hafir fall­ist á að gera það um fimm­leytið á skrif­stofu þinni. Þegar Bjarni kom var þig hverg­i að finna vegna þess að þú varst á leið­inni til Flór­ída og hafðir verið í bíln­um á leið­inni til Kefla­víkur þegar sím­talið átti sér stað. Hvers vegna í ósköp­unum sagð­irðu ekki Bjarna að þú værir á leið­inni í frí? Að öllum lík­indum vegna þess að þú varst með sam­visku­bit yfir því að fara. ­Bjána­skap­ur, afreks­maður eins og þú á skilið að taka sér öll þau frí sem hann þarf á að halda. Það er hins vegar ekki skyn­sam­legt að bregð­ast vopna­bróð­ur­ sínum á þennan hátt fyrir ekki meira silf­ur.

Kári gagn­rýnir Sig­mund Davíð einnig harð­lega fyrir hug­mynd­ir ­for­sæt­is­ráð­herra um við­bygg­ingu við Alþing­is­húsið eftir gam­alli tekn­ing­u Guð­jóns Sam­ú­els­sonar og flutn­ing á umsjón með húsa­friðun yfir í ráðu­neyti hans ­vegna áhuga for­sæt­is­ráð­herra á skipu­lagi og gömlum hús­um. Kári segir m.a. að Guð­jón Sam­ú­els­son beini „óþægi­lega mikið athygl­inni að gömlum tengsl­u­m Fram­sókn­ar­flokks­ins við evr­ópsk stjórn­mála­öfl for­tíð­ar­innar sem við vilj­u­m helst gleyma.



Kári ­nefnir síðan umkvart­anir for­sæt­is­ráð­herra gagn­vart fjöl­miðl­um, en Sig­mund­ur Da­víð hefur ítrekað ásakað fjöl­miðla um árásir og óbil­gjarna umfjöllun frá því að hann  tók við emb­ætt­i ­for­sæt­is­ráð­herra. „Þú hefur æ ofan í æ kvartað undan því að fjöl­miðlar séu ósann­gjarnir við þig og blaða­menn spyrj­i ­þig vondra spurn­inga. Þessi skoðun þín byggir á grund­vall­armis­skiln­ingi. Þeg­ar ­blaða­menn henda í þig hörðum boltum ber þér ekki að líta á það sem ósann­gjarna að­ferð til þess að meiða þig heldur tæki­færi til þess að sýna þjóð­inni að þú ­sért sterkur og fastur fyrir og vitir hvað þú sért að gera og getir tjáð þig um það þannig að það fari ekk­ert á milli mála. Það kastaði þá fyrst tólf­unum þeg­ar þú brást við þeirri gagn­rýni að þú hefðir hagað þér kjána­lega í við­tali við Gísla Mart­ein í sjón­varps­þætti með því að segja að hann hefði gert það lík­a. Gísli Mart­einn er bara lít­ill strákur sem vinnur við sjón­varp en þú ert ­for­sæt­is­ráð­herra lýð­veld­is­ins?

Stríðs­yf­ir­lýs­ing gegn sam­starfs­flokknum

En á­stæða bréfs Kára á sem fyrr rætur að rekja til heil­brigð­is­mála, og mest­a púðrið í því fer að ræða til­lögu sem Sig­mundur Davíð kynnti fyrir viku síðan um að nýr Lands­spít­ali verði byggður við Víf­ils­staði í Garðabæ í stað þess að hann rísi við Hring­braut, líkt og nú er unnið að. Kári segir að það sem mestu máli ­skipti sé að reisa hús yfir spít­al­ann sem fyrst. „Það er akkúrat hér sem glæpur þinn ligg­ur, Sig­mund­ur. Þú lagðir fram Víf­ils­staða­til­lög­una án þess að ræða hana við heil­brigð­is­mála­ráð­herra sem fer ­með þau mál er lúta að Land­spít­al­anum eða fjár­mála­ráð­herra sem hafði yfir­um­sjón ­með smíð fjár­laga sem kveða á um fé til Hring­braut­ar­lausn­ar­inn­ar. Það er með­ öllu for­dæm­is­laust að for­sæt­is­ráð­herra í sam­steypu­stjórn gangi opin­ber­lega gegn ­mik­il­vægum ákvörð­unum fagráð­herra úr sam­starfs­flokki hans í rík­is­stjórn. Það má ­leiða að því rök að þar með sért þú geng­inn í lið með stjórn­ar­and­stöð­unni og ­sitjir beggja vegna borðs, bæði sem for­sæt­is­ráð­herra og ­stjórn­ar­and­stöðu­þing­mað­ur.



Bjarn­i Ben og Krist­ján Þór fréttu af til­lög­unni þinni með því að lesa um hana í dag­blöð­um. Til­lagan, sem í efni sínu var í það minnsta allt í lagi, var sett fram sem nokk­urs konar stríð­yf­ir­lýs­ing gegn sam­starfs­flokki þínum í rík­is­stjórn­inni og þeim aðilum sem veita heil­brigð­is­­málum for­ystu í land­in­u. Sá eini úr þeirra hópi sem ég veit að þú tal­aðir við áður en þú hent­ir ­sprengj­unni var land­læknir sem ráð­lagði þér gegn þessu. Það er lík­legt að með­ þessu hafir þú aukið á þá erf­ið­leika sem við verðum að yfir­stíga til þess að ­húsið rísi fljótt. Hinn mögu­leik­inn er sá að menn ákveði ein­fald­lega að hunsa ­þig í þessu máli, for­sæt­is­ráð­herr­ann sjálfan, og haldi áfram eins og ekk­ert hafi í skorist. Það væri býsna auð­mýkj­andi fyrir ungan for­sæt­is­ráð­herra.“

Ætti að spila Mata­dor við sjálfan sig á Flór­ída

Kári ­segir síðan að honum skilj­ist að Sig­mundur Davíð tali sjaldan við nokkurn mann, ekki einu sinni eigin þing­menn og greini­lega ekki sam­ráð­herra sína. „Sagan segir líka að þú sitjir löngum stundum einn í myrku her­bergi í Alþing­is­hús­inu. Það getur heldur ekki talist gott vegna þess að myrkrið er ekki bara fjar­vera ljóss heldur líka eitt­hvað vont sem leggst á sál­ina og sviptir hana kær­leika sem er eitt af þeim tækjum sem for­sæt­is­ráð­herra verður að nota í sínu dag­lega starfi.

Sú meinta til­hneig­ing Sig­mundar Dav­íðs að ein­angra sig hafi ­gert það að verkum að gár­ung­arnir séu farnir að segja eft­ir­far­andi brand­ara: „Á ­fyrstu tveimur árum þínum í for­sæt­is­ráð­herra­stóli kvart­aði stjórn­ar­and­stað­an oft undan fjar­veru þinni úr þing­sal og því að þú væri gjarnan í fríi og það næð­ist ekki í þig. Sann­ist hér hið forn­kveðna að eng­inn veit hvað átt hef­ur ­fyrr en misst hef­ur. Nú þjá­ist nefni­lega ekki bara stjórn­ar­and­staðan og ­stjórnin heldur þjóðin öll af skorti á fjar­veru þinni. Þú værir best geymd­ur ann­ars staðar og við aðra iðju eins og til dæmis á Flór­ída að fá útrás fyr­ir­ á­huga þinn á skipu­lags­málum með því að spila Mata­dor við sjálfan þig. Þetta er ekki ­nema svona rétt mátu­lega fyndið en segir svo­lítið um það hvers konar aug­um ­sam­fé­lagið lítur þig þessa dag­ana.

Í nið­ur­lagi bréfs­ins ráð­leggur Kári Sig­mundi Davíð að fara í sjó­sund og finn­ast gaman að vera for­sæt­is­ráð­herra.

Myndin er frá mótmælunum í Hong Kong í júní.
Evrópuþingið gagnrýnir aðstæður í Hong Kong
Bæði yfirvöld í Hong Kong og Beijing hafa gagnrýnt Evrópuþingið fyrir ályktunina og segja hana vera hræsni af hálfu þingsins.
Kjarninn 19. júlí 2019
Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Meira úr sama flokkiInnlent
None