Meniga hefur samið við Sant­ander Group bank­ann, einn stærsta banka evru­svæð­is­ins, um við­skipta­vinir bank­ans geti notað fjár­mála­hug­búnað fyr­ir­tæk­is­ins til að hafa betri stjórn á fjár­mál­un­um.

Um er að ræða stærsta samn­ing í sögu Meniga. Sant­ander er einn stærsti banki evru­svæð­is­ins að mark­aðsvirði og er með starf­semi í tíu löndum í Evr­ópu og Suð­ur- og Norð­ur­-Am­er­ík­u. 

Meniga var stofnað árið 2009 og hefur vaxið hratt á starfs­tíma sínum og sótt nálægt 800 millj­ónum króna til fjár­festa, bæði inn­lendra og erlendra. Um 100 starfs­menn starfa hjá fyr­ir­tæk­inu, sem er með höf­uð­stöðvar sínar í Turn­inum í Kópa­vogi.

Yfir 25 millj­ónir ein­stak­linga í sextán löndum hafa nú aðgang að hug­bún­aði bank­ans, en mark­miðið með notkun bún­að­ar­ins er að hjálpa not­endum að hafa stjórn á fjár­mál­un­um. 

Georg Lúð­víks­son, for­stjóri og einn stofn­enda Meniga, segir í við­tali við CNBC að fjár­mála­þjón­usta á vefnum sé að ganga í gegnum miklar breyt­ingar þessi miss­er­in, og í þeim felist mikil tæki­færi fyrir Meniga og þær lausnir sem fyr­ir­tækið hefur fram að færa. 

Hann sagði ítar­lega frá stofnun Men­inga á fundi í Háskóli Íslands, árið 2013, og tal­aði þar um að fyr­ir­tækið væri eig­in­legt afkvæmi efna­hags­hruns­ins.