Grein­ing­ar­deild Arion banka spáir því að árs­verð­bólga muni hækka úr 1,8 pró­sent í 2,3 pró­sent, þegar Hag­stofa Íslands birtir nið­ur­stöðu mæl­inga 26. nóv­em­ber næst­kom­andi. „Við spáum að verð­lag í nóv­em­ber, mælt sem vísi­tala neyslu­verðs (VN­V), standi óbreytt frá fyrri mán­uði. Gangi spáin eftir hækkar árs­verð­bólgan úr 1,8% í 2,3%. Hækkun árs­verð­bólg­unnar má helst rekja til þess hve mikil lækkun var í nóv­em­ber á síð­asta ári (0,5% lækkun verð­lags) vegna mik­illar lækk­unar á bens­ín­verði og verði flug­far­gjalda. Við spáum að helsta hækkun í nóv­em­ber verði á hús­næð­isliðnum (+0,10% áhrif á VNV). Aðrir liðir lækka og þá einna helst ferða­lið­ur­inn (-0,04% áhrif á VNV), föt og skór (-0,03% áhrif á VNV) og bensín (-0,02% áhrif á VNV). Einnig lækka tóm­stundir og menn­ing (-0,02% áhrif á VNV) og mat­ar­k­arfan (-0,02% áhrif á VNV)," segir í spá grein­ing­ar­deild­ar­inn­ar.

Seðla­banki Íslands hækk­aði á dög­unum stýri­vexti í 5,75 pró­sent, eða um 0,25 pró­sentu­stig. Pen­inga­stefnu­nefnd bank­ans rök­studdi ákvörð­un­ina öðru fremur með því, að inn­lendar verð­bólgu­horfur hefðu versnað mikið að und­an­förnu, einkum og sér í lagi vegna mik­illa launa­hækk­ana sem væru framund­an, sem væru langt umfram fram­leiðni­aukn­ingu í hag­kerf­inu.