Anonymous-­sam­tökin eru að und­ir­búa hrinu netárása á Íslamska ríkið í kjöl­far hryðju­verk­anna í París á föstu­dag­inn sem urðu 129 manns að bana. Frá þessu greindi maður með Guy Fawkes-grímu í mynd­bandi sem hlaðið var á vef­inn í gær. Frá þessu er meðal ann­ars greint á vef Reuters.

Mað­ur­inn með grímuna segir skæru­liða Íslamska rík­is­ins sem frömdu voða­verkin í París vera „mein­dýr“ og að Anonymous-­sam­tökin myndu elta þá og finna. „Fyrir þessar árásir verður að hefna,“ segir hann á frönsku.

„Við erum að hefja okkar stærstu aðgerðir allra tíma gegn ykk­ur. Þið getið búist við mörgum vef­á­rás­um. Við lýsum yfir stríði. Und­ir­búið ykkur undir það.“ Mað­ur­inn með grímuna lýsir því ekki nánar hvað árás­irnar munu hafa í för með sér eða hvaða vefi sam­tökin hyggj­ast ráðst á. „Við gleymum ekki og við fyr­ir­gefum ekki.“

Kjarn­inn greindi frá því í dag að Anonymous-­sam­tökin hefðu ráð­ist á þekktar íslenskar vef­síður vegna hval­veiða Íslend­inga og lýst yfir ábyrð á því á Twitt­er. Árás­irnar ollu miklum trufl­unum á net­þjón­ustu stjórn­ar­ráðs­ins, Sím­ans og Mbl.­is.