Nán­ari mark­mið og áherslur Íslands í lofts­lags­málum verða ekki kynnt fyrr en árið 2016, eftir að samn­inga­ferlið milli Íslands og Evr­ópu­sam­bands­ins (ESB) hefur verið mót­að. Frá þessu var skýrt í umhverf­is­ráðu­neyt­inu í dag. Ísland fylgir lands­mark­miðum Evr­ópu­sam­bands­ins í lofts­lags­málum um 40 pró­sent minnkun los­unar gróð­ur­húsa­loft­teg­unda árið 2030 miðað við árið 1990. Ísland mun því fylgja Evr­ópu­sam­band­inu og Nor­egi á lofts­lags­ráð­stefn­unni í París í des­em­ber.

Aðeins hafa verið óform­leg sam­skipti á milli Íslands og Evr­ópu­sam­bands­ins um það hvernig samið verður innan Evr­ópu um los­un­ar­heim­ildir og því óvíst hversu mikið Ísland þarf að draga úr losun til árs­ins 2030. Nor­egur hefur sama sam­komu­lag við Evr­ópu­sam­bandið og semur um los­un­ar­heim­ildir eftir ráð­stefn­una í Par­ís. Í krafti aðildar Íslands að Evr­ópska efna­hags­svæð­inu þá fylgjum við sömu verk­ferlum og ESB í þessum efn­um.

Flest ríki Evr­ópu­sam­bands­ins eru aðilar að Kyoto-­bók­un­inni um los­un­ar­heim­ildir gróð­ur­húsa­loft­teg­unda og er lík­legt að svipað fyr­ir­komu­lag verði haft innan ESB, á Íslandi og í Nor­egi. Jafn­vel verði hægt verði að versla með los­un­ar­kvóta milli landa. Á þessum vanga­veltum eru fyr­ir­var­ar; koma verður í veg fyrir að los­un­ar­heim­ildir safn­ist saman á fárra höndum og stuðli því að ójöfnum vexti efna­hags milli landa innan sam­bands­ins, svo dæmi sé tek­ið.

Lofts­lags­ráð­stefnan í París fer fram dag­ana 30. nóv­em­ber til 11. des­em­ber. Ísland mun standa fyrir og taka þátt í mörgum við­burðum til hliðar við ráð­stefn­una sjálfa. Opin­ber sendi­nefnd full­trúa úr fjórum ráðu­neytum hér á landi munu fjalla um lofts­lags­samn­ing­inn fyrir Íslands hönd. Fyrir utan ráð­stefnusal­ina hefur fjöldi fólks boðað komu sína. Full­trúi Kjarn­ans mun fylgj­ast með gangi mála og flytja fréttir af ráð­stefn­unni.