Lífeyrissjóðirnir bjóða upp á lang hagstæðustu húsnæðislánin

Húsnæði í Reykjavík
Auglýsing

Gildi líf­eyr­is­sjóður hef­ur, líkt og Líf­eyr­is­sjóðs versl­un­ar­manna, lækkað vexti á þeim lánum sem sjóð­ur­inn veitir sjóðs­fé­lög­um sín­um. Gildi býður nú lægstu föstu verð­tryggðu vexti sína frá upp­hafi og aðr­ir vextir sem sjóð­ur­inn býður upp á eru með þeim lægstu sem í boði eru á hús­næð­is­lána­mark­aðnum í dag.

Mikil hreyf­ing hefur verið á hús­næð­is­lána­mark­aðnum síðan að Líf­eyr­is­sjóður versl­un­ar­manna kynnti mjög umfangs­miklar lækk­anir á þeim kjöru­m ­sem hann býður 150 þús­und sjóðs­fé­lögum sínum í byrjun októ­ber síð­ast­lið­ins. Þau ­kjör, og raunar kjörin sem Gildi býður líka, eru miklu hag­stæð­ari en þau kjör ­sem stóru við­skipta­bank­arnir bjóða. Á verð­tryggðum breyti­legum vöxtum munar til­ að mynda tæp­lega 14 pró­sent á lægstu vöxt­unum (Líf­eyr­is­sjóður versl­un­ar­manna) og þeim hæstu (Arion banki og Lands­bank­inn).

Sam­kvæmt upp­lýs­ingum frá Líf­eyr­is­sjóði versl­un­ar­manna hef­ur orðið „tölu­verð aukn­ing“ í lán­töku hjá sjóðnum síðan að hann til­kynnti um breyt­ing­arn­ar.

Auglýsing

Sprengja inn á hús­næð­is­lána­mark­að­inn

Í októ­ber til­kynnti Líf­eyr­is­sjóður versl­un­ar­manna að hann hefði lækkað vexti á verð­tryggðum líf­eyr­is­sjóðs­lán­um, að sjóðs­fé­lögum bjóð­ist ó­verð­tryggð lán, að láns­hlut­fall hafi verið hækkað í 75 pró­sent og að lán­töku­kostn­aður hafi verið lækk­aður í 0,75 pró­sent.

Sjóðs­fé­lögum Líf­eyr­is­sjóðs versl­un­ar­manna bjóð­ast nú 3,6 ­pró­sent verð­tryggðir fastir vext­ir, 3,15 pró­sent verð­tryggðir breyti­leg­ir vextir og 6,97 pró­sent fastir óverð­tryggðir vextir í 36 mán­uði.

Það eru miklu lægri kjör en við­skipta­bank­arnir bjóða á sam­bæri­legum lán­um. Arion banki býður til að mynda 3,65 pró­sent verð­tryggða vexti og 7,15 pró­sent fasta óverð­tryggða vexti í 36 mán­uði. Lands­bank­inn býð­ur­ ­sömu breyti­legu verð­tryggðu vexti en 7,3 pró­sent fasta óverð­tryggða vexti í 36 ­mán­uði. Íslands­banki býður ekki upp á breyti­lega verð­tryggða vexti en lán­ar þess í stað lán á föstum verð­tryggðum til fimm ára (3,95 pró­sent). Óverð­tryggð­u ­föstu vextir þess banka til 36 mán­aða eru 7,25 pró­sent.

Gildi lækkar sín kjör

Nú hefur Gildi líf­eyr­is­sjóður ákveðið að bjóða upp á lægri fasta verð­tryggða vexti til 36 mán­aða en nokkur annar á mark­aðn­um, eða 3,55 pró­sent. Breyti­legir verð­tryggðir vextir eru mun lægri en hjá bönk­unum (3,2 pró­sent) og breyti­legir óverð­tryggðir vextir 6,75 pró­sent, ­sem er mun lægra en hjá bönk­un­um. Láns­hlut­fall þeirra lána sem bjóð­ast á þessum ­kjörum er þó enn 65 pró­sent þótt hægt sé að fá tíu pró­sent við­bót­ar­lán á hærri ­kjör­um. Líf­eyr­is­sjóður versl­un­ar­manna býður sínum sjóðs­fé­lögum upp á 75 pró­sent lán og bank­arnir sínum við­skipta­vinum upp á 70 pró­sent af verð­mæti eign­ar, en ­bjóða síðan upp á dýr­ari við­bót­ar­lán til þeirra sem þurfa á þeim að halda.

Gildi lækk­aði auk þess lán­töku­kostnað sinn niður í 0,5 ­pró­sent fyrir nokkru síð­an, sem þýðir að hann er helm­ingur þess sem hann er hjá við­skipta­bönk­um lands­ins, þar sem lán­töku­kostn­að­ur­inn er eitt pró­sent. Til ein­föld­unar þýð­ir þetta að lán­taki sem tekur 30 millj­óna króna lán greiðir 150 þús­und krónur í lán­töku­kostnað hjá Gildi en 300 þús­und hjá bönk­un­um.

Bank­arnir þurfa að eiga meira eigið fé

Við­skipta­bank­arnir hafa ekki brugð­ist við þessum breyt­ing­um ­með þeim hætti að lækka þau kjör sem þeir bjóða sínum við­skipta­vinum upp á niður í það sem líf­eyr­is­sjóð­irnir hafa verið að bjóða.  Þeir hafa borið fyrir sig tvenns konar ástæð­ur­ ­sem skerði sam­keppn­is­stöðu þeirra gagn­vart öðrum lán­veit­endum á mark­aðn­um. Í fyrsta lagi eru þeir skyldugir sam­kvæmt lögum til að eiga mun ­meira eigið fé en líf­eyr­is­sjóð­ir. Í lok árs 2014 var eigið fé Íslands­banka, ­Arion banka og Lands­banka sam­an­lagt tæpir 600 millj­arðar króna. Það er reynd­ar nokkuð umfram eig­in­fjár­kröfu Fjár­mála­eft­ir­lits­ins, sem eru að jafn­aði yfir 19 ­pró­sent. Líf­eyr­is­sjóð­irnir þurfa ekki að sitja á svona miklu eigin fé. Raun­ar eiga þeir ekk­ert eigið fé. Þeirra hlut­verk er að taka við yfir hund­rað millj­örðum krónum sem lands­mönnum er gert að greiða í þá árlega og ávaxta það fé í minnsta lagi um 3,5 pró­sent verð­tryggt á ári.

Lána­kjör verri vegna banka­skatts

Í öðru lagi þurfa stóru við­skipta­bank­arnir að greiða banka­skatt og sér­stakan fjár­sýslukatt. Efna­hags­svið ­Sam­taka atvinnu­lifs­ins áætlar greiðsla þeirra sé ígildi um 15 pró­sent af þeim vaxta­mun sem bank­arnir inn­heimtu árið 2014.

Stjórn­endur bank­anna segja í einka­sam­tölum að þeir gætu boðið almenn­ingi betri kjör ef þeir væru ekki að ­borga þessa skatta. Banka­skatt­ur­inn er til að mynda 0,376 pró­sent skattur á allar skuldir bank­anna. Því sé hann bein­línis álag ofan á útlán. Með öðrum orð­u­m er almenn­ingur að borga banka­skatt­inn - sem not­aður hefur verið til að skila ­rík­is­sjóði afgangi und­an­farin ár – að minnsta kosti að hluta. 

Sam­tals greidd­u ­Arion banki, Íslands­banki og Lands­bank­inn átta millj­arða króna í banka­skatt í fyrra.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Björn Leví Gunnarsson, þingmaður Pírata.
Björn Leví: Bann við tjáningu skaðlegra en tjáningin sjálf
Tveir þingmenn Pírata og Sjálfstæðisflokksins ræddu á þingi í dag hvort réttlætanlegt væri að gera það refsivert að afneita helförinni.
Kjarninn 27. janúar 2021
Arnheiður Jóhannsdóttir
Endurreisum ferðaþjónustuna með nýjum áherslum
Kjarninn 27. janúar 2021
Hækka veðhlutfall og lækka vexti
Gildi lífeyrissjóður hefur ákveðið að hækka veðhlutfall sjóðfélagalána og lækka breytilega vextir sjóðsins um 10 til 20 punkta í næstu viku.
Kjarninn 27. janúar 2021
Til ársins 2040 þarf líklega um 36 þúsund íbúðir í heild til að mæta metinni undirliggjandi íbúðaþörf landsins, að mati HMS.
Áform um 950 hlutdeildarlánaíbúðir á landsvísu þegar samþykkt
Fram kemur í nýrri skýrslu um stöðu húsnæðismarkaðarins að HMS hafi samþykkt áform um byggingu alls 950 hagkvæmra íbúða til þessa. 362 þessara íbúða verða á höfuðborgarsvæðinu.
Kjarninn 27. janúar 2021
Helgi Hrafn Gunnarsson er fyrsti flutningsmaður tillögunar.
Vilja banna veðsetningu kvóta og binda gjaldtöku fyrir afnot auðlinda í stjórnarskrá
17 stjórnarandstöðuþingmenn hafa lagt fram breytingartillögu við stjórnarskrárfrumvarp forsætisráðherra. Þeir vilja að auðlindaákvæðið verði í samræmi við breytingartillögu stjórnskipunar- og eftirlitsnefndar við frumvarp um nýja stjórnarskrá.
Kjarninn 27. janúar 2021
Sameiginlega sýnin um þéttara borgarsvæði er að teiknast upp
Í nýrri þróunaráætlun höfuðborgarsvæðisins 2020-2024 er gert ráð fyrir að 66 prósent nýrra íbúða sem klárast á tímabilinu verði árið 2040 í grennd við hágæða almenningssamgöngur, þar af 86 prósent nýrra íbúða í Kópavogi.
Kjarninn 27. janúar 2021
Sumarhús gengu kaupum og sölum fyrir tæpa 10 milljarða á Íslandi í fyrra.
Íslendingar keyptu sumarhús fyrir næstum 10 milljarða árið 2020
Metár var á markaði með sumarhús í fyrra. Viðskipti hafa aldrei verið fleiri og aldrei hefur jafn miklu fé verið varið til kaupanna, samkvæmt tölum frá Þjóðskrá. Svipað var uppi á teningnum í Noregi, á þessu ári veiru og vaxtalækkana.
Kjarninn 27. janúar 2021
Íslandsbanki gerir ráð fyrir viðspyrnu um leið og ferðamönnum fjölgar aftur hér á landi
Meira atvinnuleysi og minni fjárfestingar en áður var talið
Íslandsbanki telur nú að atvinnuleysi muni vera 9,4 prósent í ár, sem er töluvert meira en hann gerði ráð fyrir í fyrrahaust. Einnig telur bankinn að fjárfesting hins opinbera í kjölfar kreppunnar muni ekki aukast jafnmikið og áður var talið.
Kjarninn 27. janúar 2021
Meira úr sama flokkiInnlent
None