„Stjórn­ar­ráðið hefur verið með­vitað um að utan­að­kom­andi árásir sem þessar gætu átt sér  stað og meðal ann­ars þess vegna hafa upp­lýs­ingar sem ávallt eru aðgengi­legar almenn­ingi á opnum upp­lýs­inga- og frétta­vefjum verið kirfi­lega aðskildar frá öðrum gögnum ráðu­neyta. Við höfum verið og erum sífellt að vinna að því að efla gagna­ör­yggi enn frekar og það er nú sem fyrr gert með hópi sér­fræð­inga á þessu sviði. Það er miður að þessi upp­lýs­inga­vefur hafi legið niðri tíma­bundið vegna þessa“ segir Ragn­hildur Arn­ljóts­dótt­ir, ráðu­neyt­is­stjóri í for­sæt­is­ráðu­neyt­inu, vegna tölvu árása Anonymous-­sam­tak­anna, sem Kjarn­inn greindi frá í gær­kvöldi. 

Sam­tökin sögðu ástæður árásanna vera hval­veiðar Íslend­inga. 

Árásin beind­ist að net­þjónum vefja ráðu­neyta í Stjórn­ar­ráði Íslands, en engin gögn voru í hættu, sam­kvæmt til­kynn­ingu stjórn­valda. Vef­irnir voru lok­aðir fyrir umferð og heim­sóknum þar til ljóst var að ástandið var komið aftur í eðli­legt horf, á tíunda tím­anum í morg­un, en fimm vef­síður voru lok­aðar eftir árás­irn­ar.