Sig­urður Ein­ars­son, fyrrum stjórn­ar­for­maður Kaup­þings, hefur verið sviptur rétti til þess að bera fálka­orð­una, sem Ólafur Ragn­ar Gríms­son, for­seti Íslands, sæmdi hann 1. jan­úar 2007. Þetta gerði Ólaf­ur Ragn­ar, sem er stór­meist­ari íslensku fálka­orð­unn­ar, á grund­velli 13. grein­ar ­for­seta­bréfs um hina íslensku fálka­orðu frá 31. des­em­ber 2005. Þar stend­urað stór­meist­ari ­geti, að ráði orðu­nefnd­ar, „svipt hvern þann, sem hlotið hefur orð­una en síð­ar­ ­gerst sekur um mis­ferli, rétti til að bera hana.“ Frá þessu er greint í Morg­un­blað­inu.

Sig­urður hlaut fjög­urra ára fang­els­is­dóm í Al T­han­i-­mál­inu svo­kall­aða í Hæsta­rétti í febr­úar síð­ast­liðn­um. Hann var einnig sak­felldur í stóra mark­aðs­mis­notk­un­ar­máli Kaup­þings í hér­aði fyrr á þessu ári og hlaut þar eins árs við­bót­ar­refs­ingu. Nú stendur yfir aðal­með­ferð í svoköll­uðu CLN-­máli fyrir hér­aðs­dómi. Þar er Sig­urður einnig á meðal ákærðra. Hann af­plánar nú dóm á Kvía­bryggju.

Guðni Ágústs­son, for­maður orðu­nefnd­ar, segir við Morg­un­blaðið að nefndin hafi lagt svipt­ing­una til við for­set­ann. „Eftir að við höfðum kynnt okkur hvernig með mál sem þetta er farið á Norð­ur­lönd­um, komum­st við í orðu­nefnd að þeirri nið­ur­stöðu að við vildum svipta Sig­urð rétt­inum til­ þess að bera orð­una og lögðum til við for­seta Íslands að hann svipti hann rétt­in­um til þess að bera hana.“ Þetta hafi gerst fyrir nokkrum vikum síð­an. Hann telj­i þetta jafn­gilda því að svipta Sig­urð orð­unni.

Sig­urður var sæmdur heið­urs­merki fálka­orð­unnar „fyrir for­ystu í útrás íslenskrar fjár­mála­starf­semi“ eins og segir í umsögn á vef Stjórn­ar­tíð­inda. 

Í fyrsta sinn sem nokkur er sviptur rétt­inum

Guðni segir við RÚV að þetta hafi aldrei verið gert áður - að maður hafi verið sviptur rétt­inum til að bera fálka­orð­una. Hann upp­lýsti að Sig­urði hafi verið til­kynnt um þessa ákvörðun nefnd­ar­innar bréfleið­is.

Ein­ing var innan orðu­nefndar um að svipta Sig­urð rétt­inum til að bera fálka­orð­una. Auk Guðna sitja Ell­ert B. Schram, fyrr­ver­andi þing­mað­ur, Rakel Olsen, fram­kvæmda­stjóri, Ólafur Egils­son, fyrr­ver­andi sendi­herra, Þór­unn Sig­urð­ar­dótt­ir, leik­stjóri, og Örn­ólfur Thors­son, orðu­rit­ari í nefnd­inn­i. Guðni segir að þetta sé það sem orðu­nefndin geti gert, svipt menn rétt­inum til að bera fálka­orð­una. Engar reglur segi til um að menn þurfi í fram­hald­inu að skila orð­unni strax.