Fleiri konur hafa náð að full­fjár­magna verk­efni í gegnum hóp­fjár­mögn­un­ar­síð­una Karol­ina Fund en karl­ar. Alls eru 51 pró­sent þeirra verk­efna sem hafa ver­ið ­full­fjár­mögnuð leidd af konum en 49 pró­sent af körl­um. Karlar hafa þó safnað hærri ­upp­hæð að með­al­tali en kon­ur, en þeir setja líka setja sér líka hærri mark­mið í söfn­unum sín­um.

Þetta kemur fram í tölum sem Karol­ina Fund hefur lát­ið Kjarn­anum í té. Um er að ræða öll þau verk­efni sem hafa reynt að fjár­magna sig í gegnum vef­inn frá því að hann var settur í loftið í októ­ber 2012. Af þeim 229 verk­efnum sem hafa reynt að hóp­fjár­magna sig á frá byrjun og þar til í lok ­síð­ustu viku í gegnum Karol­ina Fund hefur 175 tek­ist ætl­un­ar­verk­ið, eða 76 ­pró­sent. Því ná þrjú af hverjum fjórum verk­efnum sem sett eru af stað á Karol­ina Fund söfn­un­ar­mark­miði sínu og verða að veru­leika. 

Frá því að sú ­töl­fræði var tekin saman hefur fjár­mögn­uðum verk­efnum fjölgað enn meira, og eru nú 188 tals­ins. Alls hafa 19.323 manns heitið sam­tals 1.036.472 evr­um, um 147 millj­ónum króna á gengi dags­ins í dag, á verk­efni sem birst hafa á Karolina­fund.com.

Tón­list, bækur kvik­myndir og afþrey­ing

Karol­ina fund var stofnað árið 2012. Fyr­ir­tækið er vett­vangur þar sem hægt er að setja inn hug­mynd, finna hæfi­leika til að starfa að hug­mynd­inni og ná í fjár­magn til þess að gera hana að veru­leika. Fjár­mögn­unin gengur þannig fyrir sig að sett eru ­mark­mið um hversu mikið fjár­magn hvert verk­efni þarf að ná til að fjár­magna sig og áhuga­samir geta síðan heitið á verk­efn­in. Ef mark­miðin nást greiða þeir sem hétu á verk­efnin og í flestum til­fellum fá þeir eitt­hvað í stað­inn, t.d. ef verk­efnið er bóka­skrif þá fá þeir ein­tak af bók­inni. Þetta kallast hóp­fjár­mögnun og er stundað víða um heim, til dæmis á þekktum síðum eins og Indigogo og Kickstart­er.

Verk­efnin sem hafa náð að fjár­magna sig með þessum hætti eru alls­kon­ar. Af full­fjár­mögn­uðum verk­efnum eru 35 pró­sent tón­list­ar­verk­efni, 25 ­pró­sent bækur eða tíma­rit, 13 pró­sent listir og afþrey­ing og 11 pró­sent ­kvik­mynd­ir.

Kjarn­inn hefur lengi verið í sam­starfi við Karol­ina fund og birt verk­efni vik­unnar á hverjum laug­ar­deg­i.