Michael Moore reyndi að heimsækja hvítflibbafanga á Kvíabryggju

Ísland er í aðalhlutverki í nýjustu heimildarmynd Michael Moore. Þar er m.a. fjallað um uppgjör Íslands við efnahagshrunið og fangelsismál á Íslandi.

Michael Moore fyrir utan Keflavíkurflugvöll þegar hann yfirgaf landið í maí 2015.
Michael Moore fyrir utan Keflavíkurflugvöll þegar hann yfirgaf landið í maí 2015.
Auglýsing

Ísland leikur stórt hlut­verk í nýrri heim­ild­ar­mynd ­kvik­mynda­gerð­ar­manns­ins Mich­ael Moore, sem sýnd hefur verið á kvik­mynda­há­tíð­u­m í haust og var frum­sýnd völdum hluta almenn­ings á Þor­láks­messu. Hún verður í sýn­ingu í eina viku til að vera gjald­geng til Ósk­arsverð­launa næsta árs en verður svo tekin aftur úr sýn­ingu þangað til í febr­ú­ar. Mynd Moore heitir Where to Invade next og með henni vildi Moore að kynna það besta í Evr­ópu fyrir sam­löndum sín­um. Í mynd­inni ferð­ast Moore til­ Ís­lands, Finn­lands, Nor­egs, Ítalíu og fleiri landa til að stela góðum hug­mynd­um land­anna sem virka við sam­fé­lags­upp­bygg­ingu í þeim til­gangi að flytja þær með­ ­sér aftur til Banda­ríkj­anna. Myndin er ein þeirra heim­ild­ar­mynda sem kemur til­ ­greina þegar til­nefn­ingar til Ósk­arsverð­launa fyrir bestu heim­ild­ar­mynd á næst­u verð­launa­há­tíð.



Moore dvaldi hér­lendis í maí síð­ast­liðnum og hvíldi mik­il ­leynd yfir ástæðum þess að kvik­mynda­gerð­ar­mað­ur­inn var staddur hér­lend­is. Hann hitti þó margt fólk og á meðal þeirra sem Moore fund­aði með á meðan að á t­veggja daga dvöl hans stóð voru Jón Gnarr, fyrrum borg­ar­stjóri Reykja­vík­ur­, Birgitta Jóns­dótt­ir, þing­maður Pírata, fjár­festir­inni Halla Tóm­as­dótt­ir, Mar­grét Krist­manns­dótt­ir, Haf­dís Jóns­dóttir í World Class, Vig­dís Finn­boga­dótt­ir, ­fyrrum for­seti Íslands og Ólafur Þór Hauks­son, sér­stakur sak­sókn­ari. Egg­ert Skúla­son, rit­stjóri DV, greindi frá því í þætt­inum Viku­lok­unum á Rás 2 á með­an að  Moore var hér­lendis að hann hefð­i vakið hann með sím­tali þá um morg­un­inn og til stæði að þeir ættu fund síð­ar­ ­sama dag. Sam­kvæmt upp­lýs­ingum Kjarn­ans varð aldrei af þeim fundi.

Reyndu að ná tali af útrás­ar­vík­ingum

Mikil leynd hvíldi yfir ástæðum þess að Moore kom til Íslands­ og héldu ýmsir íslenskir fjöl­miðlar því upp­haf­lega fram að hann væri að vinna að heim­ild­ar­mynd um íslenska heil­brigð­is­kerfið. Það reynd­ist ekki rétt.

Auglýsing

Hér­lendis kynnti Moore, og fjöl­mennt teymi hans, sér meðal ann­ars stöðu jafn­rétt­is­mála, póli­tískan akti­visma sem hef­ur skilað grund­vall­ar­breyt­ingum í stjórn­mál­um, fang­els­is­mál og upp­gjör Íslands við efna­hags­hrun­ið. Í tveimur síð­ar­nefndu hlut­unum fólst meðal ann­ars að Moor­e ræddi við Ólaf Þór Hauks­son, sér­stakan sak­sókn­ara, auk þess sem fram­leiðsluteymi hans reyndi að fá við­tal við þá banka­menn sem hlutu dóma í Al Than­i-­mál­inu sem nú afplána langa fang­els­is­dóma á Kvía­bryggju og vildu fá að heim­sækja hið opna fang­elsi. Sam­kvæmt heim­ildum Kjarn­ans vildu þeir ekki ræða við ­kvik­mynda­gerð­ar­mann­inn og reynt var að koma í veg fyrir að aðstoð­ar­fólk hans ­færi að Kvía­bryggju til að mynda. Sú við­leitni skil­aði þó ekki árangri. Þá ­reyndi teymi Moore að ná sam­bandi við aðra íslenska banka- og við­skipta­menn sem léku stórt hlut­verk í risi og falli íslenska efna­hagsund­urs­ins á árunum fyr­ir­ og eftir banka­hrun.

Moore er einn þekkt­asti heim­ild­ar­gerð­ar­maður í heimi og hefur vakti fyrst athygli fyrir mynd­ina á Roger and Me, sem fjallað áhrif þess að General Motors lok­aði verk­smiðjum sínum í heima­borg Moore, Flint í Michig­an-­fylki. Hann hlaut síðan Ósk­arsverð­laun fyrir heim­ild­ar­mynd­ina Bowl­ing ­for Col­umbine, sem fjall­aði um hræði­leg fjöldamorð tveggja skóla­pilta í bæn­um Col­umbine og byssu­menn­ing­una í Banda­ríkj­un­um.



Árið 2004 kom svo út myndin Fahren­heit 9/11, sem fjallar um ­Banda­ríkin í kjöl­far árásanna sem áttu sér stað 11. sept­em­ber 2001. Sér­stöku ­ljósi var beint að George W. Bush, for­seta lands­ins, og sam­bandi fjöl­skyld­u hans við Osama Bin Laden, sem bar ábyrgð á árás­un­um. Myndin var gríð­ar­lega ­um­deild en feyki­vin­sæl og fékk meðal ann­ars æðstu verð­laun ­kvik­mynda­há­tíð­ar­innar í Cann­es, Gullpálmann. Fahren­heit 9/11 er enn þann dag í dag sú heim­ild­ar­mynd sem hefur halað inn mestar tekjur í sög­unni, en í ágúst 2012 hafði hún tekið inn meira en 200 millj­ónir dala, um 26,4 millj­arða króna. Árið 2005, þegar athyglin vegna Fahren­heit 9/11 var sem mest, var Moore á lista ­tíma­rits­ins Time yfir 100 áhrifa­mesta fólk í heimi.

Þekkt­ustu myndir sem Moore hefur gert síðan eru Sicko og Capital­ism: A love story. Hann hefur auk þess skrifað fjöl­margar bækur og gert ­þrjár sjón­varps­þátt­arað­ir.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Eitt og annað ... einkum danskt
Eitt og annað ... einkum danskt
Hygge
Kjarninn 9. ágúst 2022
Rúmlega þriðjungur heimila á ekkert eftir í veskinu í lok mánaðar
Næstum átta af hverjum tíu í lægstra tekjuhópnum nær ekki að leggja neitt fyrir, gengur á sparnað eða safnar skuldum í yfirstandandi dýrtíð. Hjá efsta tekjuhópnum geta næstum níu af hverjum tíu enn lagt fyrir, sumir umtalsvert.
Kjarninn 9. ágúst 2022
Eilífðarefnin finnast í regnvatni alls staðar um heiminn. Uppruni þeirra er oftast á vesturlöndum en það eru fátækari íbúar heims sem þurfa að súpa seyðið af því.
Regnvatn nánast alls staðar á jarðríki óhæft til drykkjar
Okkur finnst mörgum rigningin góð en vegna athafna mannanna er ekki lengur öruggt að drekka regnvatn víðast hvar í veröldinni, samkvæmt nýrri rannsókn.
Kjarninn 8. ágúst 2022
Fleiri farþegar fóru um Flugstöð Leifs Eiríkssonar í júlí síðastliðinum en í sama mánuði árið 2019.
Flugið nær fyrri styrk
Júlí var metmánuður í farþegaflutningum hjá Play og Icelandair þokast nær þeim farþegatölum sem sáust fyrir kórónuveirufaraldur. Farþegafjöldi um Keflavíkurflugvöll var meiri í júlí síðastliðnum en í sama mánuði árið 2019.
Kjarninn 8. ágúst 2022
Verðfall á mörkuðum erlendis er lykilbreyta í þróun eignarsafns íslenskra lífeyrissjóða. Myndin tengist fréttinni ekki beint.
Eignir lífeyrissjóðanna lækkuðu um 361 milljarða á fyrri hluta ársins
Fallandi hlutabréfaverð, jafn innanlands sem erlendis, og styrking krónunnar eru lykilþættir í því að eignir íslensku lífeyrissjóðanna hafa lækkað umtalsvert það sem af er ári. Eignirnar hafa vaxið mikið á síðustu árum. Í fyrra jukust þær um 36 prósent.
Kjarninn 8. ágúst 2022
Uppþornað stöðuvatn í norðurhluta Ungverjalands.
Enn ein hitabylgjan og skuggalegur vatnsskortur vofir yfir
Það er ekki aðeins brennandi heitt heldur einnig gríðarlega þurrt með tilheyrandi hættu á gróðureldum víða í Evrópu. En það er þó vatnsskorturinn sem veldur mestum áhyggjum.
Kjarninn 8. ágúst 2022
Þrjár af hverjum fjórum krónum umfram skuldir bundnar í steypu
Lektor í fjármálum segir ekki ólíklegt að húsnæðisverð muni lækka hérlendis. Það hafi gerst eftir bankahrunið samhliða mikilli verðbólgu. Alls hefur hækkun á fasteignaverði aukið eigið fé heimila landsins um 3.450 milljarða króna frá 2010.
Kjarninn 8. ágúst 2022
Fylgistap ríkisstjórnarflokkanna minna en nær allra annarra stjórna eftir bankahrun
Einungis ein ríkisstjórn sem setið hefur frá 2009 hefur mælst með meira fylgi tíu mánuðum eftir að hún tók við völdum en hún fékk í kosningunum sem færði henni þau völd. Sú ríkisstjórn beið afhroð í kosningum rúmum þremur árum síðar.
Kjarninn 8. ágúst 2022
Meira úr sama flokkiInnlent
None