Burlington kaupir stóran hlut í Lýsingu - Á nú tæpan helming

Lýsing
Auglýsing

Vog­un­ar­sjóð­ur­inn Burlington Loan Mana­gement, sem er fjár­magn­aður og stýrt af banda­ríska sjóðs­stýr­ing­ar­fyr­ir­tæk­inu Dav­id­son Kempner,hefur keypt 31,8 pró­sent hlut Arion banka í Klakka, sem áður hét Exista. Fyrir átti Burlington 13,2 pró­sent hlut í félag­inu og því nemur eign­ar­hlutur þess nú um 45 pró­sent. Kaupin voru gerð í nafni BLM Fjár­fest­inga ehf., íslensks dótt­ur­fé­lags Burlington. Sjóð­ur­inn er stærsti erlendi kröfu­hafi íslensks atvinnu­lífs.

Klakki er móð­ur­fé­lag fjár­mögn­un­ar­fyr­ir­tæk­is­ins Lýs­ing­ar, sem sér­hæfir sig í að fjár­magna atvinnu­tæki, atvinnu­hús­næði og bif­reiðar fyrir fyr­ir­tæki og ein­stak­linga. Frá þessu er greint í DV í dag.

Þar er rætt við Magnús Schev­ing Thor­steins­son, sem er skráður eini stjórn­ar­maður BLM Fjár­fest­inga, en hann er einnig for­stjóri Klakka og stjórn­ar­for­maður Lýs­ing­ar. Hann stað­festi kaupin en vildi ekki tjá sig um hvert kaup­verðið væri. Arion banki, sem seldi hlut­inn til BLM Fjár­fest­inga, vildi ekki tjá sig um sölu­verðið og sagði það trún­að­ar­mál. Í DV kemur fram að Fjár­mála­eft­ir­litið hefur metið Burlington Loan Mana­gement, auk tengdra aðila, hæft til að fara með allt að 50 pró­sent virkan eign­ar­hlut með óbeinni hlut­deild í Lýs­ingu.

Auglýsing

Stærsti kröfu­hafi íslenska banka­kerf­is­ins

Burlington á gríð­ar­lega mikið af eignum á Íslandi. Þær hefur hann sankað að sér í gegnum árin. Á árinu 2013 jók sjóð­ur­inn til að mynda eignir sínar á Íslandi um 70 pró­sent og í lok þess árs voru 18 pró­sent af fjár­fest­inga­eignum hans á Íslandi. Í lok árs 2014 voru íslensku eign­irnar tíu pró­sent af fjár­fes­inga­eignum hans, en sjóð­ur­inn jók mjög umsvif sín á því ári.

Stærsta ein­staka eign hans eru kröfur í þrotabú Glitn­is, en Burlington er stærsti kröfu­hafi bús­ins. Nafn­virði krafna Burlington í bú bank­ans, sam­kvæmt nýj­ustu upp­lýs­ingum Kjarn­ans um umfang þeirra, er að minnsta kosti vel á þriðja hund­rað millj­arð króna. Burlington mun fá rúm­lega 30 pró­sent af nafn­virði þeirra krafna í kjöl­far þess nauða­samn­ingur Glitnis var stað­festur af dóm­stólum í des­em­ber. Greiðslur til kröfu­hafa munu hefj­ast þegar stöð­ug­leika­fram­lög hafa verið afhent rík­inu, en það ger­ist að öllum lík­indum ekki fyrr í fyrsta lagi seinna í þessum mán­uði.  

Sjóð­ur­inn er einnig einn stærsti kröfu­hafi slita­bús Kaup­þings. Í nóv­em­ber 2012 átti hann kröfur í búið að nafn­virði 109 millj­arðar króna. Til við­bótar hefur Burlington átt fullt af öðrum eignum hér­lend­is. Sjóð­ur­inn á umtals­verðar kröfu í bú Lands­bank­ans, er á meðal eig­anda ALMC (áður Straumur fjár­fest­inga­banki), átti beint 13,4 pró­sent hlut í Klakka (sem seldi stóran hlut í VÍS í fyrra og á allt hlutafé í Lýs­ingu) og keypti 26 millj­arða króna skuldir Lýs­ingar skömmu fyrir ára­mót 2013. Nú hefur hlutur Burlington í Klakka hækkað í 45 pró­sent. Auk þess hefur sjóð­ur­inn verið að kaupa hluti í Bakka­vör í Bret­landi af miklum móð á und­an­förnum árum, en þær eignir eru skráðar sem breskar þótt aðrir stórir eig­endur séu að mestu íslenskir og rætur fyr­ir­tæk­is­ins liggi hér­lend­is.

Meira úr sama flokkiInnlent
None