Ýmislegt spilaði inn í starfslok Halldórs Bjarkars hjá Arion banka

Halldór Bjarkar Lúðvígsson.
Halldór Bjarkar Lúðvígsson.
Auglýsing

Samið hefur verið um starfs­lok Hall­dór ­Bjark­ars Lúð­vígs­son­ar, fram­kvæmda­stjóra fjár­fest­inga­banka­sviðs ­Arion banka. Hall­dór Bjarkar segir að þetta hafi verið ákvörðun sem hafi verið að gerj­ast í nokkurn tíma. Þegar að úrslausn á aðkomu Arion banka að Bakka­vör, verk­efni sem hann hafði unnið að árum sam­an, lauk í byrjun viku hafi Hall­dór Bjarkar talið að það væri góður tími til að skipta um vett­vang. „Stærst­u úr­lausn­ar­verk­efnin sem ég hef leitt fyrir bank­ann er að mestu lok­ið.“ Kjarn­inn fjall­aði ítar­lega um söl­una á hlut Arion banka og íslenskra líf­eyr­is­sjóða í frétta­skýr­ingu í gær.

Har­aldur Guðni Eiðs­son, ­upp­lýs­inga­full­trúi Arion banka, segir að starfs­lok Hall­dórs Bjarkar hafi ver­ið til umræðu í nokkurn tíma. Ýmis­legt hafi spilað inn í þau en bank­inn vill ekki tjá sig um ein­stök atriði þess. Hall­dór Bjarkar mun láta af störfum á næst­u ­dög­um. Hann segir það eiga eftir að koma í ljós hvað taki við og að starfs­lokin hafi verið sam­komu­lag milli hans og banka­stjóra Arion banka.

Ekki hefur ver­ið á­kveðið hver tekur við starfi hans. 

Auglýsing

Arion braut lög með sölu á bréfum í Högum

Hall­dór Bjarkar hefur síður en svo verið óum­deildur í störfum sín­um, en hann hefur leitt end­ur­skipu­lagn­ingu og ­sölu á þeim fyr­ir­tækjum og eign­ar­hlutum sem Arion banki fékk í vöggu­gjöf eft­ir hrun­ið. Á meðal þeirra eru smá­söluris­inn Hag­ar, Sím­inn, Klakki (áður Exista), N1 og Bakka­vör. Auk þess átti bank­inn stóran hlut í HB Granda og gríð­ar­leg­t ­magn fast­eigna, svo fátt eitt sé nefnt.

Í byrjun des­em­ber var greint frá­ því að Fjár­mála­eft­ir­litið hefði sektað ­Arion banka um 30 millj­ónir króna fyrir að hafa brotið gegn lögum um verð­bréfa­við­skipti. Það gerði bank­inn með því að selja hluta­bréf sín í Hög­um hf. árið 2011 á sama tíma og bank­inn bjó yfir inn­herj­a­upp­lýs­ingum um Haga. ­Arion banki seg­ist sann­færður um að hafa farið að lög­um. 

Salan á hlutum í Sím­anum

Þá vakti sala Arion banka á hlut sínum í Sím­anum til val­ina aðila fyrir almennt útboð hans í fyrra mikla athygl­i og reiði í sam­fé­lag­inu. Fyrst keypti hópur stjórn­enda Sím­ans og með­fjár­fest­ar þeirra fimm pró­sent hlut í félag­inu á gengi sem var mun lægra en útboðs­geng­i ­reynd­ist síðan vera, eða 2,5 krónur á hlut. Sá hópur má ekki selja sinn hlut ­fyrr en í byrjun árs 2017. Skömmu áður en útboðið fór fram fékk síðan hóp­ur ­rík­ustu við­skipta­vina einka­banka­þjón­ustu og mark­aðsvið­skipta Arion banka að kaupa fimm pró­sent hlut. Sá hópur var valin út frá því hversu umfangs­mikil við­skipt­i þeirra voru við bank­ann. Hóp­ur­inn fékk að kaupa hluti í Sím­anum á 2,8 krón­ur. Hann mátti selja hlut­ina 15. jan­úar síð­ast­lið­inn. Þá hafði virði hlut­ar­ins hækkað um 343 millj­ónir króna.

Arion ­banki varði framan af ákvörðun sína um að selja báðum þessum hópum hluti í Sím­anum áður en útboð fór fram. Hall­dór Bjarkar skrif­aði grein í Morg­un­blaðið 13. októ­ber þar sem ­kall­aði gagn­rýni á hana „eftirá­speki“. Í grein­inni sagði m.a. „Þeir sem ­gagn­rýna mik­inn hagnað af þess­ari fjár­fest­ingu horfa fram hjá því að ekki er um inn­leystan hagnað að ræða og ómögu­legt að sjá fyrir hvert hluta­bréfa­verð­ið verð­ur.“

Við­ur­kenndu mis­tök eftir mikla gagn­rýni

Tíu dögum síðar send­i ­Arion banki frá sér til­kynn­ingu þar sem bank­inn við­ur­kenndi að gagn­rýni á söl­una til vild­ar­við­skipta­vina hefði verið rétt­mæt. Bank­inn sagði að ekki hafi verið að „veita við­skipta­vinum afslátt frá verð­inu held­ur[...]að gefa þeim kost á að kaupa nokkru stærri hlut en ella[...]Sú gagn­rýni að ekki hafi allir setið við sama borð hefur ekki farið fram­hjá stjórn­endum bank­ans. Ekki var heppi­legt að selja til við­skipta­vina bank­ans svo skömmu fyrir útboðið á gengi sem svo reynd­ist nokkuð lægra en nið­ur­staða útboðs­ins. Bank­inn van­mat hina miklu eft­ir­spurn sem raun varð á. Þessi til­högun er til skoð­unar í bank­anum og verður tekið mark á gagn­rýn­inn­i“.­Arion banki taldi hins veg­ar, og telur enn, að salan á fimm pró­sent hlut til stjórn­enda Sím­ans og með­fjár­festa þeirra hafi verið rétt­mæt.

Á milli þess sem að grein Hall­dórs Bjark­ars í Morg­un­blað­inu birt­ist og frétta­til­kynn­ing Arion banka þar ­sem mis­tök voru við­ur­kennd var send út hafði salan á hlutum í Sim­anum verið harð­lega ­gagn­rýnd í sam­fé­lag­inu. Bjarni Bene­dikts­son, fjár­mála- og efna­hags­ráð­herra sagð­i ­söl­una vera klúður sem engin þol­in­mæði væri fyrir í sam­fé­lag­inu. Aðrir við­skipta­vinir í einka­banka­þjón­ustu og mark­aðsvið­skiptum hjá bank­an­um, sem fengu ekki að kaupa í Sím­anum á sér­kjörum, voru ekki ­síður ósáttir með að hann sé að mis­muna sínum eigin við­skipta­vinum með­ þessum hætti.

Sam­komu­lag milli Hall­dórs Bjark­ars og banka­stjór­ans

Hall­dór Bjarkar hef­ur einnig verið tölu­vert í sviðs­ljós­inu vegna þess að hann hefur verið lyk­il­vitn­i í nokkrum málum sér­staks sak­sókn­ara gegn fyrrum æðstu stjórn­endum Kaup­þings. Í sýknu­dómi hér­aðs­dóms í svoköll­uðu CLN-­máli, sem féll í vik­unni, kom meðal ann­ars fram að ó­sam­ræmi hefði verið á milli skýrslu­gjafar Hall­dórs Bjarkar á meðan að á rann­sókn máls­ins stóð og svo hins vegar fyrir dómi og að það ósam­ræmi yrði að hafa í huga þegar sönn­un­ar­gildi frá­sagnar hans væri met­ið. Þá ásak­aði Hreið­ar­ Már Sig­urðs­son, fyrrum for­stjóri Kaup­þings og einn sak­born­inga í CLN-­mál­in­u, Hall­dór Bjarkar um að hafa stundað inn­herj­a­við­skipti í hrun­inu við mál­flutn­ing ­máls­ins. Hall­dór Bjarkar hefur neitað þeim ávirð­ingum stað­fast­lega og sagt þær rangar. Heim­ildir Kjarn­ans herma að aðkoma eða frammi­staða Hall­dórs Bjark­ar­s ­sem vitnis í ofan­greindum málum hafi ekk­ert að gera með starfs­lok hans.

Hall­dór Bjarkar tók við starfi fram­kvæmda­stjóra fjár­fest­ing­ar­banka­sviðs Arion banka í sept­em­ber 2011.Á árunum 2010 til 2011 var hann fram­kvæmda­stjóri fyr­ir­tækja­þjón­ustu Arion banka. Árið 2009 vann hann fyrir skila­nefnd Kaup­þings sem fram­kvæmda­stjóri yfir eigna­safni bank­ans á Norð­ur­lönd­um. Á árunum 2005 til 2008 starf­aði Hall­dór á útlána­sviði Kaup­þings þar sem hann bar ábyrgð á útlánum á Norð­ur­lönd­un­um.

Aðspurður um hvort að ákvörðun Fjár­mála­eft­ir­lits­ins í des­em­ber eða ­gagn­rýnin vegna sölu Arion banka á hlutum í Sím­anum hafi vigtað inn í starfs­lok hans segir Hall­dór Bjarkar ýmsa þætti hafa haft áhrif. Starfs­lokin hafi ver­ið ­sam­komu­lag milli hans og Hösk­uldar Ólafs­son­ar, banka­stjóra Arion banka. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Logi Einarsson, formaður Samfylkingarinnar.
Hlutverk Samfylkingar að leiða saman öfl til að mynda græna félagshyggjustjórn að ári
Formaður Samfylkingarinnar segir að skipta þurfi um kúrs, snúa skútunni frá hægri og hrista af Íslandi gamaldags kreddur um það hvernig ríkisfjármál virki og hvernig verðmæti verði til.
Kjarninn 1. október 2020
Katrín Jakobsdóttir, forsætisráðherra.
„Við erum ýmsu vön hér á hjara veraldar“
Forsætisráðherra segir að hvetja þurfi til einkafjárfestingar og að stjórnvöld muni tryggja með jákvæðum hvötum að kraftur hennar styðji við græna umbreytingu, kolefnishlutleysi og samdrátt gróðurhúsalofttegunda.
Kjarninn 1. október 2020
Þórólfur Guðnason sóttvarnalæknir.
Játning Þórólfs: Er á „nippinu“ að herða aðgerðir
„Ég játa að ég er alveg á nippinu [að herða aðgerðir] og er búinn að vera þar lengi,“ segir Þórólfur Guðnason sóttvarnalæknir, „og það þarf ekki mikið út af að bregða svo ég taki upp blaðið.“
Kjarninn 1. október 2020
Nína Þorkelsdóttir
Hvað er lagalæsi og af hverju skiptir það máli?
Kjarninn 1. október 2020
Píratar eru með svokallaðan flatan strúktúr í flokksstarfi sínu. Kastað var upp á að Jón Þór Ólafsson tæki við embætti flokksformanns.
Helgi Hrafn verður þingflokksformaður og Jón Þór nýr formaður Pírata
Helgi Hrafn Gunnarsson hefur verið kjörinn nýr þingflokksformaður Pírata og kastað hefur verið upp á að Jón Þór Ólafsson verði nýr formaður flokksins, en því embætti fylgja engar formlegar skyldur eða vald.
Kjarninn 1. október 2020
Saga Japans
Saga Japans
Saga Japans – 21. þáttur: Fyrsti Samúræinn
Kjarninn 1. október 2020
Síðustu daga hefur fjölgað í hópi þeirra sem þurfa á sjúkrahús innlögn að halda vegna COVID-19.
Þrettán á sjúkrahúsi með COVID-19 – tveir í öndunarvél
Sjúklingum sem lagðir hafa verið inn á Landspítalann með COVID-19 hefur fjölgað úr tíu í þrettán frá því í gær. Smitsjúkdómadeild hefur verið breytt í farsóttareiningu og unnið er að skipulagi á lungnadeild svo unnt verði að taka við fleiri COVID-sjúkum.
Kjarninn 1. október 2020
Lilja Alfreðsdóttir er mennta- og menningarmálaráðherra og fer með málefni fjölmiðla í ríkisstjórn Íslands.
Framlög til RÚV skert um 310 milljónir en aðrir fjölmiðlar fá 392 milljóna stuðning
Ríkisstjórnin boðar styrki til einkarekinna fjölmiðla á næsta ári. Frumvarp um slíka verður lagt fram í þriðja sinn í haust. Ráðherra telur að síðustu greiðslur til þeirra hafi verið sanngjörn útfærsla.
Kjarninn 1. október 2020
Meira úr sama flokkiInnlent
None