Smá­söluris­inn Hag­ar, sem rekur meðal ann­ars Bónus og Hag­kaup, ætlar að skila neyt­endum þeim fjár­munum sem félag­inu voru dæmdir í Hæsta­rétti í jan­úar vegna ólög­mætrar gjald­töku rík­is­sjóðs af inn­fluttum land­bún­að­ar­vör­u­m. Alls var Högum dæmdar 245 millj­ónir króna auk vaxta en félagið hefur enn ekki ­fengið greiðsl­una þrátt fyrir að dómur Hæsta­réttar hafi fallið 21. jan­úar síð­ast­lið­inn.

Í frétt á heima­síð­u Haga vegna þessa segir að afstaða félags­ins til þess hvernig fjár­mun­unum verð­i ráð­stafað hafi ávallt legið fyr­ir. „Þeim fjár­munum verður skilað til­ við­skipta­vina félags­ins í gegnum lægra vör­ur­verð. Við­skipta­vinir félags­ins mun­u njóta þess­ara fjár­muna í lægra vöru­verði en félagið þarf að fara yfir álita­mál um fram­kvæmd­ina, meðal ann­ars m.t.t. sam­keppn­islaga.  Félagið mun kynna ­sér­stak­lega með hvaða hætti vöru­verð verður lækkað til við­skipta­vina Bónus og Hag­kaups.“

Hæsti­réttur dæmd­i ­ís­lenska ríkið til að end­ur­greiða þremur aðil­um: Hög­um, Inn­nes og ­Sæl­kera­dreif­ingu alls 509 millj­ónir króna auk vaxta vegna toll­kvóta sem félög­in greiddu fyrir til að geta flutt inn til lands­ins land­bún­að­ar­af­urð­ir. Hæsti­rétt­ur komst að þeirri nið­ur­stöðu að gjald­taka rík­is­ins hefði verið ólög­mæt, að ­fyr­ir­tækin hefðu orðið fyrir tjóni vegna hennar og að álagn­ingin hefði haft ­nei­kvæð áhrif á rekstur fyr­ir­tækj­anna.