Breska tón­list­ar­konan PJ Har­vey mun spila á Iceland Airwa­ves há­tíð­inni í haust. Þetta kemur fram í mynd­bandi sem aðstand­endur hátíð­ar­inn­ar, ­sem fer fram 2-6. nóv­em­ber næst­kom­andi, birtu á Youtube í morgun þar sem fyrst­u lista­menn­irnir sem spila munu á hátíð­inni eru kynnt­ir.

Á meðal ann­arra lista­manna sem munu spila er breska hljóm­sveitin Lush, Reykja­vík­ur­dæt­ur, Mr. Silla, Axel Fló­vent, Mammút, Stur­la Atlas og Múm & Kronos Quar­tet.

PJ Har­vey mun gefa út sína fyrstu plötu frá árinu 2011 í apríl næst­kom­andi. Hún mun heita The Hope Six Demolition Project. Síð­asta plata henn­ar, Let Eng­land Shake, hlaut frá­bæra dóma, var valin plata árs­ins af alls 16 tón­list­ar­blöðum eða -síðum og fékk meðal ann­ars hin eft­ir­sóttu Merc­ury verð­laun. Har­vey hefur alls fjórum sinnum verið til­nefnd til verð­laun­anna og hefur unnið þau tvisvar. Engin annar lista­maður hefur verið til­nefndur til þeirra jafn oft. Sól­ó­fer­ill hennar spannar rúm­lega tvo ára­tugi og Roll­ing Stone valdi hana lista­mann árs­ins árið 1995. Ári síðar vakti sam­starf hennar og Nick Cave and The Bad Seeds mikla athygli, en hún söng dúett með Cave í lag­inu Henry Lee á plöt­unni Murder Ballads. Hún var einnig á meðal þeirra sem sungu í í lag­inu Death is Not the End eftir Bob Dylan, sem var að finna á sömu plötu.