Segja stjórnendur Borgunar ekki svara spurningum um hvað þeir vissu

stein..t.jpg
Auglýsing

Lands­bank­inn segir að stjórn­endur Borg­unar hafi ekki upp­lýst ­sig um að fyr­ir­tækið ætti rétt til greiðslna vegna val­réttar í tengslum við ­sam­runa Visa Inc. og Visa Europe ef hann yrði virkj­að­ur. Þær greiðslur mun­u lík­ast til hlaupa á millj­örðum króna og spila stóra rullu í því að heild­ar­virð­i ­Borg­un­ar, sem var metið á um sjö millj­arða króna þegar Lands­bank­inn seldi 31,2 ­pró­sent hlut sinn í fyr­ir­tæk­inu í nóv­em­ber 2014, er nú talið vera allt að 26 millj­arðar króna.

Lands­bank­inn vill fá að vita hvort að stjórn­endur Borg­unar hafi vitað um mögu­legan rétt til greiðslna þegar bank­inn seldi þeim, og með­fjár­festum þeirra, hlut sinn í fyr­ir­tæk­inu á 2,2 millj­arða króna fyrir rúmu ári síð­an. Stjórn­endur Borg­unar hafi í raun ekki svarað þeim spurn­ing­um ­sem Lands­bank­inn hafi leitað svara hjá þeim um í þeim yfir­lýs­ingum sem þeir hafi sent frá sér. Því hefur Lands­bank­inn, sem er ­nán­ast að öllu leyti í rík­i­s­eigu, farið fram á að stjórn­endur Borg­unar geri það í síð­asta lagi í dag. 

Auglýsing

Spurn­ing­arnar eru lagðar fram í bréfi sem sent var á for­stjóra og stjórn­ar­for­mann Borg­unar á föstu­dag. Það má lesa hér. Stein­þór Páls­son, banka­stjóri Lands­bank­ans, er skrif­aður fyrir bréf­inu.

Gæti farið í lög­fræði­legan feril

Um liðna helgi var greint frá því að Lands­bank­inn hefði sent bréf til Borg­unar þar sem far­ið var fram á það við stjórn­endur fyr­ir­tæk­is­ins að þeir svari því hvaða ­upp­lýs­ingar hafi legið fyrir hjá fyr­ir­tæk­inu eða stjórn­endum þess um hvað það ætti rétt á að fá í sinn hlut ef Visa Inc. myndi kaupa Visa Europe, áður en Lands­bank­inn seldi þeim og með­fjár­festum þeirra hlut sinn í fyr­ir­tæk­inu. Auk þess hefur Lands­bank­inn farið fram á að vita hversu stór hluti hennar verð­i rak­inn til rekstr­ar­sögu fyr­ir­tæk­is­ins áður en Lands­bank­inn seldi 31,2 pró­sent hlut sinn. .

Lands­bank­inn gaf stjórn­endum Borg­unar frest þangað til á þriðju­dag til að svara spurn­ing­um ­bank­ans. Stein­þór Páls­son, banka­stjóri Lands­bank­ans, sagði í sam­tali við RÚV um helg­ina að hann tryði því að menn hefðu starfað af heil­indum í sölu­ferl­in­u.„Það er það sem maður trú­ir, en við viljum sann­reyna það með þess­ari beiðni okk­ar til þeirra. En í öllum þessum sam­tölum okkar við Visa Europe, við Borg­un, við Va­litor og Arion banka líka, þá kom þetta aldrei upp að það væri hægt að ætl­a að þarna væru verð­mæti á ferð­inn­i.“

Ef það komi í ljós að upp­lýs­ingum hafi verið haldið frá Lands­bank­anum í sölu­ferl­inu á hlut hans í Borgun muni bank­inn ­leita réttar síns.„Þá er málið mjög alvar­legt, þá fer þetta bara í lög­fræði­legan fer­il. Þá munum við gæta okkar hags­muna með þeim aðferðum sem hægt er,“ segir Stein­þór í sam­tali við frétta­stofu RÚV.

Sögðu bank­ann hafa haft aðgang að öllum gögnum

Stjórn­endur Borg­unar sendu frá sér yfir­lýs­ingu vegna ­spurn­inga Lands­bank­ans í gær. Þar segir að Lands­bank­inn hafi haft aðgang að öllum gögnum í tengslum við sölu á hlut bank­ans í fyr­ir­tæk­inu í nóv­em­ber 2014. Útbúið hafi verið sér­stakt gagna­her­bergi þar sem Lands­bank­inn og aðrir aðilar máls höfðu fullan aðgang að ítar­legum upp­lýs­ing­um um Borgun og rekstur félags­ins. „Þar lágu fyrir upp­lýs­ingar um aðild og eign­ar­hlut Borg­unar í Visa Europe sem og ­upp­lýs­ingar um val­rétt­ar­á­kvæði milli Visa Inc. og VISA Europe.“ Þetta kem­ur fram í yfir­lýs­ingu sem Borgun hefur sent frá sér.

Þar segir einnig að Borg­un hafi aldrei búið aldrei yfir upp­lýs­ingum um hvort, hvenær né á hvaða verði Visa E­urope yrði selt, fyrr en salan var gerð opin­ber þann 2. nóv­em­ber 2015. Vænt hlut­deild Borg­unar í sölu­and­virði á VISA Europe hafi ekki orðið ljós fyrr en 21. des­em­ber sama ár. „­Fyrir þann tíma hafði Borgun engar for­sendur til­ þess að meta eign­ar­hlut sinn í Visa Europe á annan hátt en gert var.“

Borgun seg­ist enn fremur að fyr­ir­tækið muni veita Lands­bank­an­um allar þær upp­lýs­ingar sem hann óski eftir sem teng­ist sölu­ferli hlut­ar Lands­bank­ans í Borgun vegna fyr­ir­spurna Banka­sýslu rík­is­ins og ann­arra op­in­berra aðila.

Þurfa að svara í dag

Í til­kynn­ingu sem Lands­bank­inn birti í gær­kvöldi á heima­síðu sinni segir að við sölu á hlut sínum í Borgun hafði Lands­bank­inn enga vit­neskju um að Borgun ætt­i ­yf­ir­höfuð rétt til greiðslna vegna val­réttar í tengslum við sam­runa Visa Inc. og Visa Europe, kæmi til þess að hann yrði virkj­að­ur.

Bank­inn segir að í yfir­lýs­ing­u ­Borg­unar sem send hafi verið fjöl­miðlum í gær hafi spurn­ingum Lands­bank­ans um ­málið ekki verið svar­að. „Þar kemur ekki fram hvort Borgun eða stjórn­endur þess hafi vitað að fyr­ir­tækið ætti rétt til greiðslna vegna val­rétt­ar­ins. Engin svör hafa borist beint til Lands­bank­ans en bank­inn væntir þess að þau ber­ist[...]­þriðju­dag­inn 9. febr­ú­ar, líkt og óskað var eft­ir.“

Svör Borg­unar við fyr­ir­spurn Lands­bank­ans verða meðal ann­ars notuð til að svara þeim spurn­ingum sem Banka­sýsla rík­is­ins hefur beint til bank­ans vegna Borg­un­ar­máls­ins. Lands­bank­inn til­tekur í bréfi sínu til Borg­unar að svörin verði mögu­lega gerð opin­ber.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þórólfur Guðnason sóttvarnalæknir.
Ekki talin þörf á að skima tónleikagesti aftur síðar í vikunni
Þórólfur Guðnason sóttvarnalæknir segir að það sé ekki alveg öruggt, en þó mjög líklegt, að ef einhver tónleikagestur hafi smitast í Hörpu á föstudag myndi smitið finnast í skimun í dag. Ekki er talin þörf á tvöfaldri skimun hópsins.
Kjarninn 8. mars 2021
Færeyska Kringvarpið birtir annað kvöld heimildaþátt sem ber nafnið Teir ómettiligu og fjallar m.a. um hvernig rannsókn á meintum brotum Samherjasamstæðunnar í Namibíu teygir sig til Færeyja.
Íslenskir rannsakendur hafa aflað upplýsinga um þrjú félög tengd Samherja í Færeyjum
Færeyski skatturinn staðfestir við Kringvarpið að íslenskir rannsóknaraðilar hafi óskað eftir liðsinni vegna rannsóknar á Samherjaskjölunum. Félögin sem íslensk yfirvöld spurðust fyrir um eru öll í slitameðferð.
Kjarninn 8. mars 2021
Ólafur Arnalds
Ljósglæta í þokumóðu sauðfjárstyrkja
Kjarninn 8. mars 2021
Taka þurfi af vafa um nýtingarrétt á náttúruauðlindum í stjórnarskrárfrumvarpi
Að mati ASÍ þarf að gera breytingar á frumvarpi um stjórnarskrárbreytingar til þess að taka af allan vafa um nýtingarrétt auðlinda náttúru Íslands. Sambandið sér hvorki ástæðu til að stytta kjörtímabil forseta né takmarka embættistíma.
Kjarninn 8. mars 2021
Tvær milljónir barna í Englandi sneru aftur í skólann í morgun.
Börn í Englandi aftur í skólann en hluti ítalskra barna sendur heim
Faraldurinn sendir ýmist kaldar eða hlýjar kveðjur um Evrópu nú í upphafi nýrrar viku. Í sumum löndum er verið að aflétta takmörkunum en í öðrum er enn verið að herða.
Kjarninn 8. mars 2021
Samtal við samfélagið
Samtal við samfélagið
Samtal við samfélagið – Skiptir máli hvernig fæðingarorlofi er háttað?
Kjarninn 8. mars 2021
Lítið eftir af veiðigjöldunum þegar búið er að standa straum af eftirliti og rannsóknum
Heildarútgjöld ríkissjóðs vegna eftirlits og rannsókna vegna fiskveiða og -vinnslu munu líklega nema um 7 milljörðum króna á þessu ári. Árin 2015-2020 voru álögð veiðigjöld að meðaltali 7,4 milljarðar á verðlagi ársins 2020.
Kjarninn 8. mars 2021
Fjöldi fólks sem var á tónleikum í Hörpu á föstudagskvöld verður skimaður í dag.
107 í sóttkví – sjö í einangrun
Á næstu klukkustundum mun það skýrast hvort að tekist hafi að koma í veg fyrir hópsýkingu í kringum tvo einstaklinga sem greindust með veiruna og voru utan sóttkvíar. Nokkrir dagar geta liðið frá smiti og þar til veiran finnst í fólki við sýnatöku.
Kjarninn 8. mars 2021
Meira úr sama flokkiInnlent
None