Evgeny Lebedev, eig­andi og útgef­andi breska dag­blaðs­ins the Inden­pendent, hefur til­kynnt að prentun og útgáfu blaðs­ins, og helg­ar­blaðs­ins Independent on Sunday, verði hætt á næst­unni. Síð­asta ein­takið af the Independent mun koma út 26. mars næst­kom­andi.  Þar ­með lýkur 30 ára sögu blaðs­ins. 

Sam­kvæmt frétt the Guar­dian um málið segir Lebedev að breyt­ing­arnar séu liður í því að færa áherslur the Independent frá prenti til­ staf­rænnar miðl­un­ar. Prent­miðlar séu í hnignun en staf­ræn miðlun í miklum vexti. Frétta­vef­síða the Independent, sem verður rekin áfram, er nú ­með 58 millj­ónir mán­að­ar­lega not­endur og sam­kvæmt Lebedev skilar hún hagn­að­i. Hann reiknar með því að tekjur hennar muni vaxa um 50 pró­sent á þessu ári. „Dag­blaða­iðn­að­ur­inn er að breyt­ast og sú breyt­ing er drifin áfram af les­end­um. Þeir eru að sýna okkur að fram­tíðin sé staf­ræn. Með þess­ari ákvörðun þá varð­veitum við Independent vöru­merkið og hún gerir okkur kleift að fjár­festa áfram í hágæða ­rit­stjórn­ar­efni sem laðar sífellt fleiri les­endur að vef­síð­unum okk­ar.“

Á næst­unni verða umsvif the Independent á vef­inu aukin mikið til­ að reyna að gera Independent.co.uk að alþjóð­legu staf­rænu frétta­vöru­merki. Auk þess verður sett í loftið áskrift­ar-app. Ekki  hefur verið til­greint hversu margir þeirra 150 starfs­manna sem starfa á prent­miðlum Independent missa vinn­una.

Lebedev hefur fjár­fest gríð­ar­lega í breskum fjöl­miðlum á und­an­förnum árum. Frá því í sept­em­ber 2014 hefur hann keypt miðla fyrir um 100 millj­ónir punda, um 18,5 millj­örðum króna. Þar af fóru um 65 millj­ónir punda, um tólf millj­örðum króna, í að kaupa the Independent og tengda miðla. 

Lebedev sendi starfs­fólki sínu bréf vegna breyt­ing­anna. Það má lesa hér.