Steinþór ætlar ekki að hætta

FME kannar söluna á Borgun og stjórnendur Landsbankans skoða hvort að kæra eigi stjórnendur vegna hennar. Þá kemur til greina að rifta sölunni.

Steinþór Pálsson, bankastjóri Landsbankans.
Steinþór Pálsson, bankastjóri Landsbankans.
Auglýsing

Stein­þór Páls­son, banka­stjóri Lands­bank­ans, hefur ekki íhugað að ­segja af sér vegna sölu bank­ans á hlut sínum í Borg­un. Hann segir að það sé til­ ­skoð­unar að kæra stjórn­endur Borg­un­ar, sem keyptu hlut­inn, vegna söl­unnar og að Fjár­mála­eft­ir­litið sé einnig að fara yfir mál­ið. Þá sé einnig til skoð­unar að rifta söl­unni á hlutnum ef það sé mögu­legt. Stein­þór segir að honum þyki það ­sér­stakt að stjórn­endur Borg­unar hafi ekki upp­lýst hann og Lands­banka­fólk um hvers virði val­réttur fyr­ir­tæk­is­ins vegna kaupa Visa Inc. á Visa Europe gæt­i verið þegar stjórn­end­urnir kynntu stöðu Borg­unar fyrir Lands­bank­anum þeg­ar ­salan fór fram. Þetta kom fram í við­tali við Stein­þór í Kast­ljósi kvölds­ins.

Þegar Lands­bank­inn seldi 31,2 pró­sent hlut sinn í Borgun í lok nóv­em­ber 2014 var heild­ar­virði fyr­ir­tæk­is­ins metið á um sjö millj­arða króna. Ný­legt mat á fyr­ir­tæk­inu sýnir að virði þess sé allt að 26 millj­arðar króna og ­ljóst að Borgun mun fá millj­arða króna vegna kaupa Visa Inc. á Visa Europe.

Blekk­ing er stórt orð

Stein­þór var spurður að því hvort hann liti svo á að stjórn­end­ur ­Borg­un­ar, sem settu saman hóp­inn sem keypti hlut Lands­bank­ans í fyr­ir­tæk­in­u, hefðu blekkt bank­ann í sölu­ferl­inu. Hann sagði það sterkt orð en að það hefð­i verið eðli­legt ef Lands­bank­anum hefði verið gerð grein fyrir þeirri mögu­leg­u virð­is­aukn­ingu sem fælist í val­rétti Borg­unar þegar staða fyr­ir­tæk­is­ins var kynnt fyrir stjórn­endum bank­ans. Það hafi hins vegar ekki verið gert.

Auglýsing

Stein­þór sagði að Lands­bank­inn hefði leitað til Visa Europe eftir upp­lýs­ingum um málið en fengið tak­mark­aðar upp­lýs­ing­ar. Ekk­ert í þeim hafi bent til þess að Borgun ætti rétt á neinum greiðslum vegna val­rétt­ar­ins.

Helgi Selj­an, umsjón­ar­maður Kast­ljóss, spurði þá Stein­þór hvort Lands­banka­menn hefðu ekki spurt stjórn­endur Borg­unar beint um val­rétt­inn þeg­ar á sölu­ferl­inu stóð. Stein­þór sagði að það hefði verið gert beint og að ekk­ert í kynn­ingum stjórn­enda Borg­unar hefði bent til þess að fyr­ir­tækið gæti feng­ið nokkuð út úr þessu. „Við vorum grand­ar­laus,“ sagði Stein­þór.

Helgi benti þá á að upp­lýs­ing­arnar sem Lands­bank­inn byggði á þegar hlutur hans í Borgun var seldur hafi allar komið frá aðil­unum sem voru að ­kaupa hlut­inn af bank­an­um. Hann spurði Stein­þór af hverju óháðir aðilar hafi ekki verið fengnir til að taka út virði fyr­ir­tæk­is­ins. Stein­þór svar­aði því til­ að slíkir aðilar hefðu ein­ungis getað fengið upp­lýs­ingar hjá sömu aðil­u­m, ­stjórn­endum og stjórn Borg­un­ar.

Ekki íhugað að hætta

Ljóst er að traust almenn­ings og stjórn­mála­manna í garð Lands­bank­ans hefur beðið mikla hnekki vegna Borg­un­ar­máls­ins. Bjarni Bene­dikts­son, fjár­mála- og efna­hags­ráð­herra, skrif­aði bréf til stjórnar Banka­sýslu rík­is­ins í síð­ustu viku. Þar stóð m.a.: Það er mat ráð­herra að umræða und­an­far­inna vikna vegna sölu Lands­bank­ans á hlut sínum í Borgun sé til þess fallin að skaða bank­ann.  Því sé nauð­syn­legt áður en lengra er haldið í því ferli að hvað­eina er máli skiptir og varðar sölu Lands­bank­ans á Borgun verði upp­lýst og málið afgreitt með þeim hætti að traust til bank­ans og stjórn­enda hans verði trygg­t."

Stein­þór sagð­ist ­sam­mála því sem Bjarni sagði í bréf­inu og að það tap á trausti sem átt hafi sér stað sé mjög alvar­leg staða. Hann sagð­ist hins vegar ekki hafa íhugað að hætta störfum og kall­aði eftir því að fólk horfði á heild­ar­mynd­ina, ekki afmarkað til­vik eins og söl­una á Borg­un. Undir hans stjórn­ hefði Lands­bank­inn farið frá því að starfa á skil­yrtu starfs­leyfi og að vera í mögu­lega miklum vand­ræðum vegna geng­is­lána­end­ur­greiðslna í að vera með yfir 250 millj­arða króna í eigið fé þrátt fyrir að vera búinn að greiða umtals­verð­an arð. Á þessu ferða­lagi hafi bank­inn selt hluta­bréf með um 50 millj­arða hagn­að­i. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Forstjórar í Kauphöll voru með 4,7 milljónir á mánuði að meðaltali
Í Kauphöll Íslands ráða 20 karlar 20 félögum. Meðallaun þeirra í fyrra voru rúmlega sjö sinnum hærri en miðgildi heildarlauna landsmanna á árinu 2018.
Kjarninn 10. apríl 2020
Berglind Rós Magnúsdóttir
Umhyggjuhagkerfið og arðrán ástarkraftsins
Kjarninn 9. apríl 2020
Þórdís Kolbrún Reykfjörð Gylfadóttir.
Engin ákvörðun verið tekin um að halda Íslandi lokuðu þar til að bóluefni finnst
Ummæli Lilju D. Alfreðsdóttur, um að bóluefni við kórónuveirunni sé forsenda þess að hægt sé að opna Ísland að nýju fyrir ferðamönnum, hafa vakið athygli. Nú hefur ráðherra ferðamála stigið fram og sagt enga ákvörðun hafa verið tekna um málið.
Kjarninn 9. apríl 2020
Kristín Ólafsdóttir og Vilborg Oddsdóttir
Ekki gleyma þeim!
Kjarninn 9. apríl 2020
Landspítalinn fékk 17 fullkomnar öndunarvélar frá 14 íslenskum fyrirtækjum
Nokkur íslensk fyrirtæki, sem vilja ekki láta nafns síns getið, hafa gefið Landspítalanum fullkomnar öndunarvélar og ýmsan annan búnað. Með því vilja þau leggja sitt að mörkum við að styðja við íslenskt heilbrigðiskerfi á erfiðum tímum.
Kjarninn 9. apríl 2020
180⁰ Reglan
180⁰ Reglan
180° Reglan – Kvikmyndagerð í skugga COVID-19
Kjarninn 9. apríl 2020
Fleiri náðu bata í gær en greindust með virk COVID-smit
Þeim sem eru með virk COVID-smit á Íslandi fækkaði um 23 á milli daga. Það fækkaði einnig um tvo á gjörgæslu.
Kjarninn 9. apríl 2020
Hjálmar Gíslason
Eftir COVID: Leiðarljós við uppbyggingu
Kjarninn 9. apríl 2020
Meira úr sama flokkiInnlent
None