Einar Sveins­son, einn þeirra fjár­festa sem tóku þátt í kaupum á 31,2 pró­sent hlut Lands­bank­ans í Borg­un, segir að hann hafi aldrei rætt þau við­skipti við Bjarna Bene­dikts­son, fjár­mála- og efna­hags­ráð­herra, áður en gengið var frá þeim.

Þetta kemur fram í Frétta­blað­inu í dag.

Einar er föð­ur­bróðir Bjarna og þeir stund­uðu saman við­skipti árum saman þar til að Bjarni hætti afskiptum að við­skipta­líf­inu til að ein­beita sér að stjórn­málum í des­em­ber 2008. Félag Ein­ars, Pei ehf., á sam­væmt opin­berum upp­lýs­ingum 19,71 pró­sent hlut í eign­ar­halds­fé­lag­inu Borg­un, sem keypti hlut­inn í Borgun af Lands­bank­anum á 2,2 millj­arða króna í nóv­em­ber 2014. Því má ætla að Pei, sem er end­an­lega í eigu félags í Lúx­em­borg sem Einar á, hafi greitt um 430 millj­ónir króna fyrir sinn hlut í Borgun í upp­hafi. Til við­bótar keypti Eign­ar­halds­fé­lagið Borgun tæp­lega 2,8 pró­sent hlut af félagi tólf stjórn­enda Borg­unar í ágúst 2015 á rúm­lega 300 millj­ónir króna. Sam­tals á félagið í dag 29,38 pró­sent hlut í Borg­un. Miðað við nýlegt verð­mat KPMG á fyr­ir­tæk­inu er heild­ar­virði þess 19-26 millj­arðar króna og hlutur Eign­ar­halds­fé­lags­ins Borg­unar því um 5,6-7,6 millj­arða króna virði. Hlutur Pei, félags Ein­ars Sveins­sonar, er því met­inn á allt að 1,5 millj­arð króna og virði hans hefur því auk­ist um allt að einn millj­arð króna á rúmum fjórtán mán­uð­um.

Hélt ekki að skyld­leiki við Bjarna myndi vekja upp tor­tryggni

Í Frétta­blað­inu segir að skyld­leiki Ein­ars við Bjarna hafi vakið tor­tryggni. Einar segir í blað­inu í dag að hann hafi ekki látið frænda sinn vita af því að hann hygð­ist taka þátt í þessum við­skipt­um. Raunar hafi hann aldrei rætt málið við Bjarna. Einar segir að hann hafi ekki haft áhyggjur af því að skyld­leiki hans við Bjarna yrði til þess að málið yrði gert tor­tryggi­legt og að hann hafi fyrst fengið upp­lýs­ingar um við­skiptin í nóv­em­ber 2014, eða í sama mán­uði og gengið var frá þeim.

Bjarni hefur gagn­rýnt söl­una á hlut Lands­bank­ans í Borgun harð­lega í opin­berri umræðu und­an­far­ið.Í síð­ustu viku sendi Bjarni bréf til stjórnar Banka­sýslu rík­is­ins, stílað á Lárus Blön­dal for­mann stjórn­ar, vegna umræðu um sölu Lands­bank­ans á hlut hans í Borg­un. Í bréf­inu segir Bjarni að komin sé upp „al­var­leg“ staða þar sem Lands­bank­inn sé stærsta fjár­mála­fyr­ir­tæki lands­ins og verð­mætasta félag íslenska rík­is­ins. Nauð­syn­legt sé að hafa eig­enda­stefnu í gildi sem byggi á gagn­sæi og traustum ferlum, þegar kemur að eigna­sölu.