Sig­urður Ingi Jóhanns­son, sjáv­ar­út­vegs- og land­bún­að­ar­ráð­herra, og Bjarni Bene­dikts­son, fjár­mála- og efna­hags­ráð­herra, ­skrif­uðu í dag undir nýja búvöru­samn­inga við íslenska bændur fyrir hönd íslenska rík­is­ins. Samn­ing­ur­inn er til tíu ára og bindur því næstu tvær rík­is­stjórnir hið minnsta hvað varð­ar­ ­út­gjöld til land­bún­að­ar­mála. Útgjöld rík­is­ins munu hækka um rúmar níu hund­ruð millj­ónir króna á árinu 2017 vegna þess en eiga síðan að fara stig­lækk­andi út ­samn­ings­tím­ann. Á síð­asta ári samn­ings­ins eiga útgjöld rík­is­ins að verða lægri en þau verða í ár.

Í fyrra, árið 2015, voru greiðsl­urnar 12,7 millj­arðar króna og miðað við það verða stuðn­ings­greiðslur skatt­greið­enda við íslenskan land­búnað um 14 millj­arðar króna á árinu 2017.

Ástæður auk­ins kostn­aðar eru, sam­kvæmt tilkynn­ingu frá­ ­sjáv­ar­út­vegs- og land­bún­að­ar­ráðu­neyt­inu, helst þær að tíma­bundið fram­lag vegna „inn­leið­ingar á nýjum reglu­gerðum um vel­ferð ­dýra hafa mik­inn kostnað í för með sér, stuðn­ingur við átak í tengslum við inn­flutn­ing á nýju erfða­efni af holda­nauta­stofni til að efla fram­leiðslu og bæta gæði á nauta­kjöti, auk­inn stuðn­ingur við líf­ræna ræktun og fram­lög til að skjóta ­stoðum undir aukna fjöl­breytni í land­bún­aði.“

Með und­ir­ritun samn­ings­ins verða tölu­verðar breyt­ingar á starfs­um­hverfi bænda. Stefnt verður að því að leggja af kvóta­kerfi í mjólk­ur­fram­leiðslu og sauð­fjár­rækt og að losa um gild­andi styrkja­fyr­ir­komu­lag þannig að bændur verði ekki bundnir við fram­leiðslu á mjólk eða kjöti líkt og verið hef­ur.