Gylfi Zoëga, pró­fessor í hag­fræði við Háskóla Íslands, vill að lögð verði komu­gjöld á alla sem koma til­ lands­ins, bæði ferða­menn og lands­menn. Tekj­urnar sem þetta gjald myndi skapa ætti að nota til að byggja upp inn­viði ferða­þjón­ust­unn­ar. Miðað við þann fjölda ­ferða­manna sem heim­sótti Ísland í fyrra, þegar 1.262 þús­und slíkir komu hing­að til lands, og að 450 þús­und Íslend­ingar hafi snúið aftur úr ferða­lögum erlend­is á árinu 2015 væri hægt að mynda tekjur upp á fimm millj­arða króna með því að ­leggja á þrjú þús­und króna komu­gjald. Þetta kemur fram í grein sem Gylfi ­skrif­aði í nýj­ustu útgáfu Vís­bend­ingar sem greint er frá í Frétta­blað­inu í dag.

Gylfi bendir á að á Íslandi hafi ýmsir oft grætt mikið á kostnað almenn­ings­eigna. Þannig sé einnig með­ ­ferða­þjón­ust­una. Verði ekk­ert að gert muni of margir ferða­menn leika inn­viði og ­nátt­úru lands­ins grátt og greinin ekki dafna til lengri tíma lit­ið. Hags­mun­ir einka­fyr­ir­tækja og þjóða fari ekki alltaf sam­an, líkt og sést hafi í  banka­hrun­inu. „Það er umhugs­un­ar­vert að ­banka­hag­kerf­inu sem hrundi hafi ekki verið búin stofn­ana­leg umgjörð sem kom í veg fyrir þau lög­brot og glanna­skap sem síðan hafa komið í ljós. Það er einnig ­merki­legt að þrátt fyrir vax­andi mik­il­vægi ferða­þjón­ustu, sem nú er orð­in ­stærsta útflutn­ings­grein­in, skuli ekki hafa verið veitt meira fjár­magni í upp­bygg­ingu inn­viða og örygg­is­mál tengd þess­ari grein[...]Þegar fyr­ir­tæki í ferða­þjón­ustu neita að leggja á komu­gjald þá þarf engu að síður að setja lög um slíkt. Og ef ferða­mönnum fækkar fyrir vik­ið, þá er það ekki alslæmt.“