Starfsmenn Landsbankans safna undirskriftum til stuðnings bankastjóra

Steinþór Pálsson
Auglýsing

Hópur starfs­manna Lands­bank­ans hafa hafið und­ir­skrifta­söfn­un til stuðn­ings Stein­þóri Páls­syni, banka­stjóra bank­ans. Heim­ildir Kjarn­ans herma að söfn­unin eigi rætur sínar að rekja til almennra starfs­manna hjá Lands­bank­anum sem vilja með þessu sýna sam­stöðu með banka­stjór­an­um, en nýver­ið ­greindi frá­far­andi banka­ráð Lands­bank­ans frá því að Banka­sýsla rík­is­ins hefð­i farið fram á afsögn hans.

Öll spjót hafa staðið að Stein­þóri und­an­farna mán­uði vegna ­Borg­un­ar­máls­ins svo­kall­aða. Það snýst um sölu á 31,2 pró­sent hlut Lands­bank­ans í greiðslu­korta­fyr­ir­tæk­inu Borgun í nóv­em­ber 2014 á 2,2 millj­arða króna. ­Kaup­endur voru hópur stjórn­enda Borg­unar og með­fjár­festar þeirra. Salan hef­ur verið harð­lega gagn­rýnd fyrir að hafa farið fram bak­við luktar dyr í stað þess að sölu­ferlið væri opið og gagn­sætt. Auk þess hefur virði Borg­unar marg­faldast ­síðan að hlut­ur­inn var seld­ur, sér­stak­lega vegna þess að hlut­deild ­fyr­ir­tæk­is­ins í hagn­aði vegna sölu á Visa Europe hleypur á millj­örðum króna.

Sögðu Banka­sýslu rík­is­ins vilja reka Stein­þór

Banka­sýsla rík­is­ins birti nýverið ítar­legt bréf sem það sendi banka­ráði Lands­bank­ans vegna Borg­un­ar­máls­ins. Þar hafn­aði hún nær öllum rök­semd­ar­færslum sem Lands­bank­inn hefur teflt fram sér til varnar í Borg­un­ar­mál­inu hafn­að. Þar var enn frem­ur ­sagt að svör Lands­bank­ans við þeirri gagn­rýni sem sett hefur verið fram á fram­göngu hans hafi „ekki verið sann­fær­and­i“.

Auglýsing

Í kjöl­farið sendu fimm af sjö banka­ráðs­mönnum Lands­bank­ans frá sér til­kynn­ingu þar sem þeir sögð­ust ekki ætla að gefa kost á sér til end­ur­kjörs á næsta aðal­fund­i ­bank­ans, sem hald­inn verður 14. apríl næst­kom­andi. Á meðal þeirra er Tryggvi Páls­son, for­maður banka­ráðs­ins. Ástæðan væri Borg­un­ar­mál­ið. Í yfir­lýs­ing­unni sagð­i m.a. að stjórn­ar­for­maður Banka­sýslu rík­is­ins hafi boðað for­mann banka­ráðs Lands­bank­ans á fund áður en bréf stofn­un­ar­innar vegna Borg­un­ar­máls­ins var sent til Lands­bank­ans föstu­dag­inn 11. mars. Á þeim fundi, sem for­stjóri ­Banka­sýsl­unnar hafi verið við­staddur var þeim skila­boðum komið á fram­færi að það eina sem dugi til sé að ­banka­stjór­anum verði sagt upp störfum auk þess sem for­maður og vara­for­mað­ur­ víki. Sú afstaða stjórnar Banka­sýsl­unnar fékkst síðar stað­fest. Þarna geng­ur ­Banka­sýslan skrefi of langt. Það er hlut­verk banka­ráðs og Fjár­mála­eft­ir­lits­ins að meta hæfi banka­stjór­ans. Við munum ekki taka þátt í skolla­leik sem hvorki ­sam­rým­ist meg­in­reglum félaga­réttar né góðum stjórn­ar­hátt­u­m. Stein­þór Páls­son er ­stefnu­fastur og öfl­ugur stjórn­andi; hreinn og beinn. Hann er leið­togi bank­ans og hefur staðið sig með afbrigðum vel. Við teljum far­sæl­ast að hann stjórn­i ­bank­anum áfram til góðra verka."

Stein­þór send­i ­sjálfur frá sér yfir­lýs­ingu þar sem hann sagð­ist ekki ætla að hætta. Hann muni  sem fyrr starfa með hags­mun­i ­bank­ans að leið­ar­ljósi. 

Banka­sýslan hefur síðar hafnað því að upp­sögn Stein­þórs hafi verið til skoð­unar hjá henni.

Hefnendurnir
Hefnendurnir
Hefnendurnir CLXXX - Bavíaninn sem át móður sína
Kjarninn 21. ágúst 2019
Jón Ólafsson, stofnandi Icelandic Glacial.
Icelandic Glacial stefnir að fjögurra milljarða hlutafjáraukningu
Drykkjarvöruframleiðandinn Icelandic Glacial efnir til hlutafjáraukningar að fjárhæð 31 milljón Bandaríkjadala eða tæplega fjögurra milljarða íslenskra króna sem boðin verður bæði núverandi og nýjum fjárfestum.
Kjarninn 21. ágúst 2019
Forgangsatriði hjá ríkisstjórninni að hlífa fjármagnseigendum
Samkvæmt ASÍ virðist það vera forgangsatriði hjá ríkisstjórninni að hlífa fjármagnseigendum við að greiða sitt til samfélagsins eins og launafólki ber að gera. Á meðan bóli ekkert á skattalækkunum fyrir lágtekjufólk.
Kjarninn 21. ágúst 2019
Fleiri gifta sig utan þjóðkirkjunnar
Helmingur þeirra para sem gekk í hjónaband í síðasta mánuði gifti sig innan þjóðkirkjunnar. Hlutfall kirkjunnar í hjónavígslum hefur farið minnkandi á síðustu árum en um aldarmótin var hlutur þjóðkirkjunnar rúmlega 71 prósent.
Kjarninn 21. ágúst 2019
Kristbjörn Árnason
Barlómur verslunareigenda og veitingamanna fer nú með himinskautum.
Leslistinn 21. ágúst 2019
Vilhjálmur Birgisson
Vill að Landsvirkjun niðurgreiði störf í áliðnaðinum
Formaður Verkalýðsfélags Akraness óttast um starfsöryggi félagsmanna sinna vegna samninga Landsvirkjunar við Elkem Ísland á Grundartanga og Norðurál.
Kjarninn 21. ágúst 2019
Réttindi Íslendinga sem flytja til Bretlands eftir Brexit skerðast
Sendiráð Íslands í London segir að réttindi Íslendinga sem búsettir eru í Bretlandi fyrir Brexit muni ekki skerðast í kjölfar útgöngu. Sendiráðið segir það hins vegar áhyggjuefni hversu fáir Íslendingar hafi sótt um svokallaðan Settled Status.
Kjarninn 21. ágúst 2019
Benedikt Jóhannesson
Meðal svikara, þjófa og ræningja í Evrópusambandinu
Kjarninn 21. ágúst 2019
Meira úr sama flokkiInnlent
None