Guy Sablon, tals­maður neð­an­jarð­ar­lest­ar­kerf­is­ins í Brus­sel, höf­uð­borg Belg­íu, segir að minnst 15 séu látnir eftir hryðju­verka­árás í Mael­beek neð­an­jarð­ar­lest­ar­stöð­inni í Evr­ópu­hverf­inu í morg­un. AP frétta­stofan greinir frá. Áður var talið að tíu hefðu lát­ist í þeirri spreng­ingu. Þrettán lét­ust í tveimur spreng­ingum á Zaventem flug­vell­inum klukku­stund áður, á háanna­tíma. Alls eru þá 28 látnir í árás­un­um, sam­kvæmt erlendum fjöl­miðl­um, en afar mis­vísandi fregnir eru þó af tölu lát­inna. Margir tugir eru særð­ir. Sam­kvæmt Sky News voru spreng­ing­arnar á flug­vell­inum við inn­rit­un­ar­borð Amer­ican Air­lines. 

Fjöldi Íslend­inga í Brus­sel hefur merkt sig örugga á sam­fé­lags­miðlum í morg­un. Utan­rík­is­ráðu­neytið beinir því til fólks í Brus­sel að nota frekar sam­fé­lags­miðla og SMS til að láta vita af sér þar sem gríð­ar­legt álag er á sím­kerf­in­u. 

Bæði flug­vell­inum og neð­an­jarð­ar­lest­ar­kerf­inu öllu hefur verið lokað og borgin er nán­ast lok­uð, að sögn Hall­gríms Odds­son­ar, frétta­rit­ara Kjarn­ans í Brus­sel. Höf­uð­stöðvar NATO eru einnig lok­að­ar, sem og nær allar aðrar opin­berar bygg­ing­ar. 

Búið er að hækka við­bún­að­ar­stig í Brus­sel vegna árásanna. Öll söfn verða lokuð í dag og fólk er beðið um að halda sig heima við eða innan dyra ef það er í vinn­u. 

Eng­inn hefur lýst árásinni á hendur sér enn sem komið er. Fyrir fjórum dögum hand­tók lög­reglan í Belgíu Salah Abdeslam, mann­inn sem skipu­lagði hryðju­verka­árás­irnar í París í fyrra.