Til­kynnt var um það í dag að tölvu­leik­ur­inn EVE Val­kyrie væri kom­inn út fyrir sýnd­var­veru­leik­ann í Oculus Rift. Owen O'Brien, fram­kvæmda­stjóri þró­unar EVE Val­kyrie fyrir sýnd­ar­veru­leika, segir í færslu á vef CCP að und­an­farin þrjú ár, eða frá því hann fékk í fyrsta sinn inn­sýn í sýnd­ar­veru­leik­ann, hafi hann lítið gert annað en að „horfa upp og nið­ur, fram og til bak­a“. En tíma­mótin sem fylgdu því að prófa sýnd­ar­veru­leik­ann (VR) hafi verið ein­stök og teymi starfs­manna CCP í Newcastle hafi unnið mikið þrek­virki á skömmum tíma. 



„Vel­komin í bylt­ing­una“ er fyr­ir­sögnin á pistl­in­um, í til­efni af útgáfu leiks­ins.



CCP ætlar sér stóra hluti á sviði sýnd­ar­veru­leika, og er skemmst að minn­ast stórrar fjár­mögn­unar sem fyr­ir­tækið fékk 12. nóv­em­ber í fyrra.

Á hlutafa­fund­inum var til­kynnt um fjár­fest­ingu í fyr­ir­tæk­inu upp á 30 millj­ónir Banda­ríkja­dala, eða um fjóra millj­arða króna, sem efla mun starf­semi þess á sviði sýnd­ar­veru­leika (e: Virtual rea­lity, VR). Fjár­fest­ingin er leidd af stærsta fram­taks­sjóði heims; New Enter­prise Associ­ates (NEA), með þátt­töku Novator Partners, fjár­fest­inga­fé­lags í meiri­hluta­eigu Björg­ólfs Thors Björg­ólfs­son­ar. 

Ragna Árna­dótt­ir, aðstoð­ar­for­stjóri Lands­virkj­un­ar, hætti í stjórn­inni á fund­inum og tók Harry Weller, frá NEA, sæti í stjórn­inni.

CCP hefur til­kynnti um útgáfu á tveimur tölvu­leikjum á sviði sýnd­ar­veru­leika síð­asta haust, EVE Val­kyriesem koma út fyrir Oculus Rift á PC næsta vor og fyrir PlaySta­tion VR á PlaySation 4 á fyrri helm­ing næsta árs, og Gunjack sem koma mun út fyrir Gear VR búnað Sam­sung í fyrra.

„Við höfum fylgst með starf­semi CCP um nokkur skeið. Reynsla fyr­ir­tæk­is­ins af útgáfu EVE Online og braut­ryðj­enda­starf þess á sviði sýnd­ar­veru­leika hefur komið fyr­ir­tæk­inu í fremstu röð á þessum vett­vangi, og við viljum vera sam­starfs­að­ilar þess í enn frek­ari land­vinn­ingum á þessu svið­i,“ segir Harry Weller einn af stjórn­endum NEA.

CCP var stofnað árið 1997 í Reykja­vík. Með útgáfu á sínum fyrsta tölvu­leik EVE Online árið 2003 ávann fyr­ir­tækið sér sess sem eitt fram­sækn­asta fyr­ir­tæki tölvu­leikja­geirans og hefur fyr­ir­tækið hlotið fjöl­mörg verð­laun og við­ur­kenn­ingar fyrir leiki sína. Helstu hlut­hafar fyr­ir­tæk­is­ins í dag eru Novator, General Cata­lyst og NEA.

NEA hefur lengi verið í far­ar­broddi í fjár­fest­ingum á sviði hátækni og heilsu­gæslu. Innan tækni­geirans hefur sjóð­ur­inn meðal ann­ars fjár­fest í fyr­ir­tækjum á sviði hug­bún­að­ar­gerð­ar, orku­mála og neyt­enda­lausna á net­inu. Sjóð­ur­inn var stofn­aður árið 1977 og hefur fjár­fest í um 650 fyr­ir­tækjum í sex heims­álf­um. Eignir hans eru metnar á rúmar 17 millj­arða banda­ríkja­dala, eða sem nemur 2.400 millj­örðum króna.