Rannsókn á millifærslum til Pace í Panama lokið

Embætti sérstaks saksóknara, nú héraðssaksóknari, hefur árum saman rannsakað lánveitingu Fons til Pace í apríl 2007. Rannsókninni er nú lokið og er beðið er ákvörðunar um hvort ákært verði í málinu eða ekki.

Pálmi, jón Ásgeir Hannes
Auglýsing

Rann­sókn á þriggja millj­arða króna lán­veit­ingu frá íslenska fjár­fest­inga­fé­lag­inu Fons, þá í eig­u ­at­hafna­mann­anna Pálma Har­alds­sonar og Jóhann­esar Krist­ins­son­ar, til­ ­fé­lags­ins Pace Associ­ates í apríl 2007 er lokið hjá hér­aðs­sak­sókn­ara, sam­kvæmt heim­ildum Kjarn­ans. Málið hefur verið í rann­sókn hjá emb­ætt­inu árum sam­an. Nú er beðið ákvörð­unar um hvort sak­sótt verði í því eða ekki. Sam­kvæmt frétta­flutn­ingi DV og RÚV árið 2010 runnu millj­arð­arnir þrír að end­ingu í vasa Pálma og athafna­mann­anna Jóns Ásgeirs Jóhann­es­sonar og Hann­esar Smára­son­ar. Þeir hafa ætið neitað því.

Pace Associ­ates er skráð til heim­ilis í Panama og var sett á fót af lög­fræði­stof­unni Mossack Fon­seca, sem nú er í kast­ljósi fjöl­miðla út um allan heim vegna leka á 11,5 milljón skjölum frá henni. Skjölin sýna víð­ferma aflands­fé­laga­eign sem Mossack Fon­seca hefur búið til fyrir við­skipta­vini banka út um allan heim. Um er að ræða stærsta leka heims­sög­unn­ar.

Þegar hefur verið upp­lýst um aflands­fé­laga­eign íslenskra ­stjórn­mála­manna. Sú opin­berun hefur þegar leitt til þess að Sig­mundur Dav­íð G­unn­laugs­son sagði af sér sem for­sæt­is­ráð­herra Íslands vegna aðkomu sinnar að aflands­fé­lag­inu Wintr­is. Auk þess varp­aði hún ljósi á tengsl for­manns og vara­for­manns Sjálf­stæð­is­flokks­ins, Bjarna Bene­dikts­sonar og Ólafar Nor­dal, við aflands­fé­lög.

Auglýsing

Í skjöl­unum eru hins vegar upp­lýs­ingar um alls 800 aflands­fé­lög ­sem tengj­ast 600 Íslend­ing­um. Því er ljóst að mikið magn upp­lýs­inga um aflands­fé­laga­eign, og umfang þeirra eigna sem vistaðar eru í slík­um, eiga enn eftir að koma fram.

The Sunday Times setti í gær í loftið leit­ar­vél sem nær yfir­ 37 þús­und félög sem tengj­ast Mossack Fon­seca og skatta­skjól­inu Panama. Eitt þeirra félaga sem hægt er að finna þar er áður nefnt Pace Associ­ates. Í upp­lýs­ing­unum kemur fram að félagið hafi verið stofnað 20. júní 2005 en lag­t ­niður 26. nóv­em­ber 2010.

Fjöl­miðlaum­fjöll­un ­fyrir sex árum síðan

Félagið Pace var mikið til umfjöll­unar í íslenskum ­fjöl­miðlum árið 2010. Þá fjall­aði DV um það í tengslum við þriggja millj­arða króna lán­veit­ingu fjár­fest­inga­fé­lags­ins ­Fons, þá í eigu athafna­mann­anna Pálma Har­alds­sonar og Jóhann­esar Krist­ins­son­ar, til Pace Associ­ates í apríl 2007.

RÚV sagði fréttir af því árið 2010 að pen­ing­arnir sem lán­aðir voru til Pace hafi á end­anum runnið í vasa Pálma, Jóns Ásgeirs Jóhann­es­sonar og Hann­esar Smára­son­ar. Lána­við­skipt­in ­fóru fram í gegnum Lands­banka Íslands í Lúx­em­borg, en sá banki var í miklu­m við­skiptum við lög­fræði­stof­una Mossack Fon­seca í Panama um stofn­un aflands­fé­laga. Í frétt­inni sagði að lána­samn­ing­ur­inn hafi verið útbú­inn sex ­dögum eftir að milli­færsla fjár­hæð­ar­innar átti sér stað og um hafi verið að ræða svo­kallað kúlu­lán þar sem öll fjár­hæðin var á gjald­daga þremur árum eft­ir ­gerð lána­samn­ings­ins. Í frétt­inni var enn fremur sagt frá því að sama dag og ­gengið var frá lána­samn­ingn­um, þremur árum fyrir gjaldaga, hafi lánið í heild verið afskrifað í bók­haldi Fons.

Höfð­uðu meið­yrða­mál og unnu

Jón Ásgeir og Pálmi höfð­uðu meið­yrða­mál gegn frétta­mann­inum sem sagði frétt­ina og unnu þau á end­anum fyrir Hæsta­rétti. Frétta­mað­ur­inn, Svavar Hall­dórs­son, sagði í Face­book-­stöðu­upp­færslu í kjöl­far dóms í mál­inu sem Jón Ásgeir höfð­aði: "Fréttin er sönn, til eru ­gögn fyrir öllum efn­is­at­riðum umræddrar við­skiptafléttu og málið er til­ ­rann­sóknar á fleiri en einum stað í kerf­inu (eins og stað­fest er í yfir­lýs­ing­u ­Sér­staks sak­sókn­ara). Sá hluti frétt­ar­innar sem fjall­aði um hvernig yfir­völd ­töldu raun­veru­lega í pott­inn búið, byggð­ist hins vegar á trún­að­ar­upp­lýs­ing­um frá heim­ild­ar­mönnum sem ekki geta komið fram. Þeirra trún­aði mun ég ekki bregðast! Jóni Ásgeiri tókst engan vegin að sýna fram á að neitt rangt við frétt­ina – enda er þetta allt rétt."

Heim­ildir Kjarn­ans herma að rann­sókn máls­ins sé nú lokið og að það bíði ákvörð­unar sak­sókn­ara um hvort ákært verði í mál­inu eða ekki.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Stóru viðskiptabankarnir þrír tilkynntu allir vaxtalækkanir í vikunni sem leið.
Bankarnir taka aftur forystu í húsnæðislánum
Stýrivaxtalækkanir, lækkun bankaskatts og afnám sveiflujöfnunarauka hafa haft áhrif á vaxtakjör sem og getu bankanna til að lána fé. Með tilliti til verðbólgu verða hagstæðustu vextirnir til húsnæðiskaupa nú hjá bönkum í stað lífeyrissjóða.
Kjarninn 31. maí 2020
Barnabókin „Ævintýri í Bulllandi“
Mæðgur dunduðu sér við að skrifa barnabók á meðan að COVID-faraldurinn hélt samfélaginu í samkomubanni. Þær safna nú fyrir útgáfu hennar á Karolina fund.
Kjarninn 31. maí 2020
Þorri landsmanna greiðir tekjuskatt og útsvar. Hluti greiðir hins vegar fyrst og fremst fjármagnstekjuskatt.
Tekjur vegna arðgreiðslna jukust í fyrra en runnu til færri einstaklinga
Alls voru tekjur vegna arðs 46,1 milljarður króna í fyrra. Þeim einstaklingum sem höfðu slíkar tekjur fækkaði á því ári. Alls eru 75 prósent eigna heimila landsins bundnar í fasteignum.
Kjarninn 31. maí 2020
Maskína leiðrétti framsetningu Moggans á göngugatnakönnun
Maskína, sem vann könnun á viðhorfum til varanlegra göngugatna fyrir hóp kaupmanna sem berst gegn göngugötum í miðborginni, sendi frá sér leiðréttingu á fimmtudag eftir að bjöguð mynd af niðurstöðunum var dregin fram í Morgunblaðinu.
Kjarninn 31. maí 2020
Auður Jónsdóttir
Þú verður að deyja fyrir samfélagið!
Kjarninn 31. maí 2020
Stefán Ólafsson
Atvinnuleysisbætur eru alltof lágar
Kjarninn 31. maí 2020
Inger Støjberg, þáverandi ráðherra innflytjendamála í dönsku stjórninni, sést hér á fundi í Brussel 25. janúar árið 2016. Þann sama dag sá hún fréttir sem gerðu hana hoppandi illa og urðu kveikjan að þeim embættisfærslum sem nú eru til rannsóknar.
Að tala tungum tveim og draga kanínu úr hatti
Danskir stjórnmálaskýrendur sem fylgjast með rannsókn á embættisfærslum Inger Støjberg, fyrrverandi ráðherra, segja hana hafa talað tungum tveim í yfirheyrslum vegna rannsóknarinnar. Minnisblað sem enginn hafði áður heyrt minnst á dúkkaði skyndilega upp.
Kjarninn 31. maí 2020
Donald Trump á blaðamannafundi í vikunni, þar sem hann undirritaði forsetatilskipun sem ætlað er að refsa einkafyrirtækjum fyrir að ritskoða efni á internetinu.
Trump steig á endanum yfir línuna sem Twitter hafði dregið í sandinn
Árið 2018 byrjaði Twitter að þróa lausn til að bregðast við því að stjórnmálamenn töluðu með misvísandi eða meiðandi hætti á miðlinum. Í þessari viku beitti miðilinn þessu meðali sínu gegn Donald Trump í fyrsta sinn. Og sá varð reiður.
Kjarninn 30. maí 2020
Meira úr sama flokkiInnlent
None