Engir annarlegir hvatar við söluna á Borgun

Betur hefði verið hægt að standa að sölunni á Borgun og þeir sem að henni komu iðrast þess að það hafi ekki verið gert. Umræðan um söluna hafi þó á köflum verið ósanngjörn. Þetta sagði Tryggvi Pálsson, formaður bankaráðs Landsbankans, á aðalfundi hans.

Hópur fólks mótmælti Borgunarsölunni í höfuðstöðvum Landsbankans nýverið.
Hópur fólks mótmælti Borgunarsölunni í höfuðstöðvum Landsbankans nýverið.
Auglýsing

Engir ann­ar­legir hvatar lágu að baki þeirri ákvörð­un Lands­bank­ans aðselja 31,2 pró­sent hlut sinn í Borgun með þeim hætti sem gert var í nóv­em­ber 2014, heldur ein­vörð­ungu hags­munir Lands­bank­ans eins og þeir voru metnir á þeim tíma. Betur hefði verið hægt að standa að söl­unni og þeir ­sem að henni komu iðr­ast þess að það hafi ekki verið gert. Hlut­ur­inn hefði átt að selj­ast í opnu sölu­ferli og for­svars­menn Lands­bank­ans­hefðu átt að sjá fyr­ir­ ­mögu­lega hlut­deild Borg­unar í sölu­and­virði Visa Europe. Þetta kom fram í ávarpi ­Tryggva Páls­son­ar, frá­far­andi for­manns banka­ráðs Lands­bank­ans, á aðal­fundi hans í gær.

Þar sagði Tryggvi að fár­viðri hefði geisað vegna sölu á hlut ­bank­ans í Borgun í upp­hafi árs. „Fyrir nokkrum mán­uðum síðan vakn­aði á ný heit og á köflum ósann­gjörn umræða þegar í ljós kom að Borgun myndi eign­ast væn­an hlut í sölu­hagn­aði af Visa Europe.  Við hefðum getað staðið betur að sölu hlut­ar­ins haustið 2014.[...]­Mik­il­væg­ast er að engir ann­ar­legir hvatar lágu að baki þeirri ákvörðun bank­ans að selja hlut­inn á þann hátt sem gert var, heldur ein­vörð­ungu hags­munir Lands­bank­ans eins og þeir voru metnir á þeim tíma. Lands­bank­inn er búinn að birta opin­ber­lega þær ­upp­lýs­ingar sem að honum snúa og Fjár­mála­eft­ir­litið og Banka­sýsla rík­is­ins hafa fjallað um það og sagt sitt álit. Framundan er umbeðin úttekt ­Rík­is­end­ur­skoð­un­ar. Bank­inn hefur dregið lær­dóm af þeirri umræðu sem varð í kjöl­far umræddra við­skipta og allt verk­lag þessu tengt er í end­ur­skoð­un. Fyr­ir­ t­veimur vikum síðan breytti Lands­bankinn með sam­hljóða ákvörðun banka­ráðs ­stefnu sinni um sölu eigna og skil­greindi nýja stefnu vegna orð­spors­á­hætt­u.“

Auglýsing

Tryggvi er einn þeirra fimm banka­ráðs­manna í Lands­bank­an­um ­sem höfðu til­kynnt að þeir myndu ekki sækj­ast eftir áfram­hald­andi setu í ráð­in­u eftir aðal­fund.  Ekki reynd­ist þó hægt að kjósa nýtt banka­ráð á aðal­fund­inum í gær þar sem að einn þeirra sem boðið hafð­i ­sig fram, Birgir Björn Sig­ur­jóns­son, fjár­mála­stjóri Reykja­vík­ur­borg­ar, þurfti að draga fram­boð sitt til baka. Í Frétta­blað­inu í dag greinir hann frá­ því að yfir­menn hans hafi talið að það færi ekki saman við starf hans sem fjár­mála­stjóra borg­ar­innar að sitja í banka­ráði Lands­bank­ans. Vegna þessa var ekki hægt að kjósa nýtt banka­ráð á aðal­fund­in­um. Þess í stað þurfti að fresta þeim kosn­ingum til 22. apríl næst­kom­andi. Frá­far­andi banka­ráð mun því starfa nokkrum ­dögum lengur en ætlað hafði ver­ið.

Selt bak­við luktar dyr

Lands­­bank­inn seld­i 31,2 pró­­sent hlut sinn í Borgun til félags í eigu stjórn­­enda fyr­ir­tæk­is­ins og ­með­­fjár­­­festa þeirra þann 25. nóv­­em­ber 2014 fyrir 2,2 millj­­arða króna. Fjár­­­festa­hóp­­ur­inn ­gerði fyrst til­­­boð í hlut­inn í mars 2014. Hlutur Lands­­bank­ans, sem er að mest­u í rík­­i­s­eigu, var ekki seldur í opnu sölu­­ferli. Öðrum mög­u­­lega áhuga­­söm­um ­kaup­endum bauðst því ekki að bjóða í hlut­inn. Kjarn­inn upp­­lýsti um það þann 27. nóv­­em­ber 2014 hverjir hefðu verið í fjár­­­festa­hópnum og hvernig salan hefð­i ­gengið fyrir sig. 

Í jan­úar var greint frá því að kaup Visa Inc. á Visa Europe gætu skilað Borgun og öðru íslensku greiðslu­korta­­fyr­ir­tæki, Valitor, á annan tug millj­­arða króna. Visa Inc. mun lík­­­ast til greiða um þrjú þús­und millj­­arða króna fyrir Visa Europe og það fé mun skipt­­ast á milli þeirra útgef­enda Visa-korta í Evr­­ópu sem eiga rétt á hlut­­deild í Visa Europe. Lands­­bank­inn átti hlut í bæði Borgun og Valitor. Þeg­ar ­bank­inn seldi hlut sinn í Borgun gerði hann ekki sam­komu­lag um hlut­­deild í sölu­and­virði Visa Europe. Þegar hann seldi hlut sinn í Valitor í apríl 2015 ­gerði hann sam­komu­lag um við­­bót­­ar­greiðslu vegna þeirrar hlut­­deildar Valitor í sölu­and­virði Visa Europe. Stjórn­­endur Borg­unar hafa sagt að þeir hafi fyrst ­fengið upp­­lýs­ingar um hugs­an­­legan ávinn­ing fyr­ir­tæk­is­ins vegna söl­unar á Þor­láks­­messu 2015.

Borgun býst við því að fá 33,9 millj­­ónir evra, um 4,8 millj­­arða króna, í pen­ingum þeg­ar Visa Inc. greiðir fyrir Visa Europe. Auk þess fær Borg­un, líkt og aðr­ir ­leyf­­is­hafar innan Visa Europe, afhent for­­gangs­hluta­bréf í Visa Inc. að verð­­mæt­i 11,6 millj­­ónir evra, eða um 1,7 millj­­arðar króna. Auk þess mun Visa Inc. greiða ­leyf­­is­höfum afkomu­tengda greiðslu árið 2020 sem mun taka mið af afkomu ­starf­­semi Visa í Evr­­ópu á næstu fjórum árum, en hlut­­deild ­Borg­unar af þeirri fjár­­hæð mun ráð­­ast af við­­skiptaum­­svifum Borg­unar sem hlut­­fall af heild­­ar­við­­skiptaum­­svifum allra selj­enda hluta­bréf­anna á þessum 4 árum.

Sam­kvæmt þessu mun Borgun fá um 6,5 millj­­arða króna auk afkomu­tengdar greiðslu árið 2020 vegna sölu Visa Europe.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ferðamaður að koma inn á sóttkvíarhótel í Melbourne.
Fólk yfir fimmtugu fær ekki lengur bóluefni Pfizer
Til að hraða bólusetningum í Ástralíu hefur verið gripið til þess ráðs að gera bóluefni AstraZeneca að fyrsta kosti hjá fimmtíu ára og eldri. Yngra fólk og framlínustarfsmenn munu áfram fá efnið frá Pfizer.
Kjarninn 23. apríl 2021
S4S starfrækir fjölda skóbúða í Kringlunni og Smáralind, þar á meðal Steinar Waage.
Nýttu hlutastarfaleið fyrir tugi starfsmanna en stefna nú að 230 milljóna arðgreiðslu
S4S sem rekur fjölda skóbúða nýtti hlutastarfaleiðina fyrir 52 starfsmenn í mars og apríl í fyrra. Í ársskýrslu S4S segir að faraldurinn hafi haft „verulega jákvæð áhrif á sölu félagsins“ en stjórnin leggur til að 230 milljónir verði greiddar í arð.
Kjarninn 23. apríl 2021
Eyrún Magnúsdóttir
Þess vegna þarf að segja fréttir
Kjarninn 23. apríl 2021
Ásgeir Jónsson seðlabankastjóri.
Seðlabankastjóri segir að Íslandi sé að miklu leyti stjórnað af hagsmunahópum
Ásgeir Jónsson er mjög ósáttur með það að Samherji hafi kært fimm starfsmenn bankans og skilur ekki af hverju málinu sé ekki vísað frá. Hann segir að peningastefna Seðlabanka Íslands sé velferðarstefna.
Kjarninn 23. apríl 2021
Amazon-frumskógurinn er stærsti regnskógur veraldar.
Greiða háar fjárhæðir til að fá að vernda regnskóg
Þeir fá hvorki timbur, jarðefni né uppskeru af fjárfestingu sinni. Það eina sem þeir fá fyrir að setja 1 milljarð bandaríkjadala í verkefnið er heiður og virðing og vonandi bjartari framtíð fyrir sig og sína.
Kjarninn 22. apríl 2021
Atli Þór Fanndal
„Þrátt fyrir stöku mótmæli“
Kjarninn 22. apríl 2021
Ásgeir Jónsson seðlabankastjóri
AGS mælir með þrengri skilyrðum á húsnæðislánum
Seðlabankinn ætti að beita þjóðhagsvarúðartækjum sínum til að takmarka hlut íbúðalána hjá bönkunum eða tryggja endurgreiðslugetu lánanna, að mati Alþjóðagjaldeyrissjóðsins.
Kjarninn 22. apríl 2021
Saga Japans
Saga Japans
Saga Japans – 35. þáttur: Nunnusjóguninn I
Kjarninn 22. apríl 2021
Meira úr sama flokkiInnlent
None