Félag Vilhjálms í Panamaskjölunum – Fer úr stjórn Kjarnans

Vilhjálmur Þorsteinsson.
Vilhjálmur Þorsteinsson.
Auglýsing

Vil­hjálmur Þor­steins­son, fjár­fest­ir, fyrrum gjald­ker­i ­Sam­fylk­ing­ar­innar og hlut­hafi í Kjarn­anum átti félag sem skráð var til heim­il­is á Bresku Jóm­frú­areyj­un­um. Félag­ið, sem hét M-Tra­de, var stofnað árið 2001 en ­form­lega afskráð árið 2012. Það fjár­festi m.a. í afleiðu­við­skiptum og var í eigna­stýr­ingu hjá Kaup­þingi í Lúx­em­borg. Nafn félags­ins M-Trade kemur fyrir í skjölum sem lekið hefur verið frá panamísku lög­fræði­stof­unni Mossack Fon­seca. ­Nafn Vil­hjálms sjálfs er þó ekki í skjöl­un­um. Vil­hjálmur átti einnig ann­að dótt­ur­fé­lag á árunum 2009 til 2011 sem skráð var til heim­ilis á Guerns­ey. Það ­fé­lag hafði sama til­gang og M-Trade hafði áður, að stunda önnur við­skipti en ­með hluta­bréf, skulda­bréf eða fast­eign­ir.

Vil­hjálmur upp­lýsti stjórn Kjarn­ans um þetta um liðna helgi þar ­sem framundan er umfjöllun Kast­ljós þar sem m.a. verður fjallað um félög tengd hon­um. Í ljósi þess­ara upp­lýs­inga hefur Vil­hjálmur vikið úr stjórn Kjarn­ans.

Sagði af sér sem gjald­keri Sam­fylk­ing­ar­innar

Í lok mars síð­ast­lið­ins, eftir að opin­berað hafði verið að eig­in­kona Sig­mundar Dav­íðs Gunn­laugs­son­ar, þáver­andi for­sæt­is­ráð­herra, hefð­i átt aflands­fé­lagið Wintris og verið kröfu­hafi í bú föllnu bank­anna var tölu­verð um­fjöllun í fjöl­miðlum um aðra þátt­tak­endur í stjórn­málum sem áttu eignir erlend­is. Einn þeirra var Vil­hjálm­ur, sem þá var gjald­keri Sam­fylk­ing­ar­inn­ar.

Vef­mið­ill­inn Eyjan birti frétt þann 30. mars þar sem því var haldið fram að nafn Vil­hjálms væri í gögnum ICIJ. Hann neit­aði því ­stað­fast­lega.

Auglýsing

Í pistli sem Vil­hjálmur birti dag­inn eft­ir, þann 31. mars, á blogg­svæði Eyj­unnar sagð­ist hann eiga félag í Lúx­em­borg, Meson Hold­ing, og að það félag ætti dótt­ur­fé­lag á Kýp­ur. Vil­hjálmur sagði starf­semi beggja félaga vera full­kom­lega lög­lega og að ætið hafi allir skattar og gjöld verið greidd­ir ­vegna þeirra. Þrátt fyrir þetta teldi hann að það mætti „aug­­ljóst vera að svona flókið eign­­ar­halds- og fjár­­­fest­inga­­dæmi hjá gjald­kera Sam­­fylk­ing­­ar­innar – jafn­­að­­ar­­manna­­flokks Íslands er lítt til þess fallið að fók­usera umræð­una sem nú stendur yfir um aflands­­fé­lög og skatta­­skjól á það sem máli skipt­ir: ­­rík­­is­­stjórn­­ina og stjórn­­­ar­­meiri­hlut­ann í land­inu. Ég hef því ákveðið að segja af mér emb­ætti gjald­kera Sam­­fylk­ing­­ar­innar, og styð stjórn­­­ar­and­­stöð­una ein­­dregið í því að kalla fram ábyrgð rík­­is­­stjórn­­­ar­­flokk­anna á sínu fólki.“

Fer úr stjórn Kjarn­ans

Vil­hjálmur minnt­ist ekki á félag­ið M-Trade í umræddum pistli. Það félag var stofnað í gegnum Mossack Fon­seca árið 2001 en var aflagt árið 2012. Þótt nafn Vil­hjálms sé ekki í þeim gögnum sem ­lekið hefur verið frá lög­manns­stof­unni þá er nafn M-Trade þar hins veg­ar. Vil­hjálmur segir að eftir fall Kaup­þings í októ­ber 2008 hafi Meson Hold­ing ­flutt allar sínar eignir úr eigna­stýr­ingu þar og þar með hafi félagið verið úr ­sög­unni hvað hann varð­ar. Í kjöl­farið hafi Meson Hold­ing leitað fyrir sér með­ ­banka­við­skipti og eigna­stýr­ingu á öðrum stöðum og árið 2009 hafi það haf­ið við­skipti við alþjóð­legan banka sem hafi stofnað dótt­ur­fé­lag fyrir Meson Hold­ing á Guerns­ey. Það félag, Jacinth, starf­aði til júní 2011. Síðan þá seg­ist Vil­hjálmur ekki hafa átt nein félög á aflands­svæð­um.

Vil­hjálmur segir að það hefði ver­ið ­skyn­sam­legra og hrein­skipt­ara af sér að hafa greint frá eign sinni á þessum ­fé­lögum þegar hann birti blogg­pistil á Eyj­unni í lok mars síð­ast­lið­inn.

Vil­hjálmur hefur verið hlut­hafi í Kjarn­an­um frá haust­mán­uðum 2014, á 15,98 pró­sent hlut í fyr­ir­tæk­inu, og hefur setið í stjórn þess. Hann á þann hlut í gegnum félag sitt Mið­eind ehf. og það félag er í eigu Meson Hold­ing A.S., sem skráð er í Lúx­em­­borg. Í ljósi upp­lýs­inga um aflands­fé­laga­eign Vil­hjálms hefur ver­ið á­kveðið að Vil­hjálmur víki úr stjórn og tók sú úrsögn gildi í dag.

Eig­endur Kjarn­ans eru:

  • HG80 ehf. (í eigu Hjálm­­ars Gísla­­son­­ar) 16,55%
  • Mið­eind ehf. (í eigu Vil­hjálms Þor­­steins­­son­­ar) 15,98%
  • Magnús Hall­­dór­s­­son 13,79%
  • Þórður Snær Júl­í­us­­son 12,20%
  • Birna Anna Björns­dóttir 9,39%
  • Hjalti Harð­­ar­­son 9,25%
  • Milo ehf. (Í eigu Gumma Haf­­steins­­sonar og Eddu Haf­­steins­dótt­­ur) 5,69%
  • Fagri­­skógur ehf. (í eigu Stefán Hrafn­kels­­son­­ar) 5,69%
  • Ágúst Ólafur Ágústs­­son 5,69%
  • Birgir Þór Harð­­ar­­son 2,9%
  • Jónas Reynir Gunn­­ar­s­­son 2,9%

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Helga Vala Helgadóttir, þingmaður Samfylkingarinnar.
„Birtingarmynd af eindæma skilningsleysi stjórnvalda“
Þingmaður Samfylkingarinnar segir að félags- og barnamálaráðherra hafi tekist að hækka flækjustigið svo mikið varðandi sérstakan styrk til íþrótta- og tómstundastarfs barna frá tekjulágum heimilum að foreldrar geti ekki nýtt sér styrkinn.
Kjarninn 23. janúar 2021
Jón Baldvin Hannibalsson
Fimm hundruð milljarða spurningin – Í næstu kosningum
Kjarninn 23. janúar 2021
Freyja Haraldsdóttir
Baráttunni ekki lokið á meðan fólk gleymist og situr eftir
Freyja Haraldsdóttir segist vera þakklát fyrir að vera bólusett og að heilbrigðisyfirvöld hafi sett hópinn sem hún tilheyrir í forgang. Hún bendir þó á að fatlað fólk með aðstoð heima hafi gleymst í bólusetningarferlinu.
Kjarninn 23. janúar 2021
Húsnæðismarkaðurinn hefur verið á fleygiferð undanfarna mánuði. Ódýrt lánsfjármagn er þar helstu drifkrafturinn.
Bankar lána metupphæðir til húsnæðiskaupa og heimilin yfirgefa verðtrygginguna
Viðskiptabankarnir lánuðu 306 milljarða króna í ný húsnæðislán umfram upp- og umframgreiðslur í fyrra. Fordæmalaus vöxtur var í töku óverðtryggðra lána og heimili landsins greiddu upp meira af verðtryggðum lánum en þau tóku.
Kjarninn 23. janúar 2021
Guðmundur Andri Thorsson, þingmaður Samfylkingarinnar.
„Mig langar að halda áfram“
Guðmundur Andri Thorsson ætlar að bjóða fram krafta sína fyrir Samfylkinguna fyrir næstu kosningar.
Kjarninn 23. janúar 2021
Snjallúr geta greint merki um sýkingar mjög snemma.
Snjallúr geta fundið merki um COVID-sýkingu
Vísindamenn við Stanford-háskóla hafa fundið upp aðvörunarkerfi í snjallúr sem láta notandann vita ef merki um sýkingu finnast í líkamanum.
Kjarninn 23. janúar 2021
Gylfi Zoega, hagfræðiprófessor við Háskóla Íslands
Segir einkavæðingu banka viðkvæma jafnvel við bestu aðstæður
Gylfi Zoega segir mikla áhættu fólgna í því að kerfislega mikilvægir bankar séu í einkaeigu í nýjasta tölublaði Vísbendingar.
Kjarninn 23. janúar 2021
Ungur drengur bíður eftir mataraðstoð í Jóhannesarborg. Útbreiðsla faraldursins í Suður-Afríku hefur valdið því að öll þjónusta er í hægagangi.
Vísindamenn uggandi vegna nýrra afbrigða veirunnar
Þó að litlar rannsóknir á rannsóknarstofum bendi til þess að mótefni fyrri sýkinga af völdum kórónuveirunnar og að vörn sem bóluefni eiga að veita dugi minna gegn suðurafríska afbrigðinu en öðrum er ekki þar með sagt að sú yrði niðurstaðan „í raunheimum”.
Kjarninn 23. janúar 2021
Meira úr sama flokkiInnlent
None