Framkvæmdastjórar tveggja lífeyrissjóða tengjast aflandsfélögum

Nöfn framkvæmdastjóra tveggja lífeyrissjóða er að finna í Panamaskjölunum. Hvor um sig tengjast tveimur aflandsfélögum. Kastljós fjallaði um málið í kvöld.

Kristján Örn Sigurðsson, framkvæmdastjóri Sameinaða lífeyrissjóðsins, og Kári Arnór Kárason, fráfarandi framkvæmdastjóri Stapa lífeyrissjóðs.
Kristján Örn Sigurðsson, framkvæmdastjóri Sameinaða lífeyrissjóðsins, og Kári Arnór Kárason, fráfarandi framkvæmdastjóri Stapa lífeyrissjóðs.
Auglýsing

Félög í eigu tveggja fram­kvæmda­stjóra íslenskra líf­eyr­is­sjóða er að finna í skjölum panamísku lög­fræði­stof­unnar Mossack Fon­seca. Kast­ljós fjall­aði um Panama­skjölin í kvöld í sam­starfi við Reykja­vik Media.

Um er að ræða Kára Arnór Kára­son, nú fyrr­ver­andi fram­kvæmda­stjóri Stapa - líf­eyr­is­sjóðs, og fram­kvæmda­stjóra Sam­ein­aða líf­eyr­is­sjóðs­ins, Krist­ján Örn Sig­urðs­son. Kári Arnór sagði starfi sínu lausu eftir að Kast­ljós spurði hann spurn­inga vegna Panama­skjal­anna.

Hvorki Kári Arnór né Krist­ján Örn til­kynntu stjórnum sjóð­anna sem þeir stýrðu um við­skipti sín.

Auglýsing

Útvortis og Hola

Fram kom í umfjöllun Kast­ljóss að Kári Arnór hafi stýrt líf­eyr­is­sjóði í 23 ár. Fyrst stýrði hann Líf­eyr­is­sjóði Norð­lend­inga, sem sam­ein­að­ist svo Líf­eyr­is­sjóði Aust­ur­lands 2007, undir merkjum Stapa - líf­eyr­is­sjóðs.

Sam­kvæmt gögnum frá Mossack Fon­seca er Kári Arnór eig­andi og pró­kúru­hafi félags­ins Utvortis limited sem skráð var á Tortóla í lok árs 2004. Mar­geir Pét­urs­son, þáver­andi eig­andi og stjórn­andi MP-fjár­fest­inga­banka, hafði milli­göngu um stofnun aflands­fé­lags Kára. Hann var í sam­skiptum við Mossack Fon­seca og bað stof­una um að stofna félag á Jóm­frú­areyjum fyrir Kára Arn­ór, eig­anda þess. Félagið skuli heita Útvortis Limited með 50 þús­und doll­ara í hluta­fé. Það fé á að skrá í félagið Glímu ehf., sem er íslenskt. MP-­banki sá um Útvortis Limited hér á landi og sá um sam­skipti við Mossack Fon­seca. Kári sagð­ist í sam­tali við Kast­ljós hafa gefið félagið upp á skatt­fram­töl­unum til árs­ins 2007. Ekki er gerð grein fyrir Útvortis í árs­reikn­ingum Glímu, en hann var umsvifa­mik­ill fjár­festir á þessum árum hér á landi.

Kári hefur líka setið fyrir hönd Stapa í stjórn verð­bréfa­fyr­ir­tæk­is­ins Íslenskra verð­bréfa, á Akur­eyri. Íslensk verð­bréf hétu áður Kaup­þing Norð­ur­lands til árs­ins 2000, en á þeim tíma sat Kári einnig í stjórn þess, er fram kom í Kast­ljósi.

Kári tengd­ist líka öðru aflands­fé­lagi, Hola Hold­ing. Það var stofnað í Lúx­emburg árið 1999 af Kaup­þingi. Magnús Guð­munds­son, sem afplánar nú dóm vegna Al-t­hani máls­ins, var skráður stjórn­andi félags­ins. Kára Arn­óri voru veitt full yfir­ráð yfir Hola Hold­ing nokkrum dögum eftir stofnun félags­ins. Hlutafé þess nam um þremur millj­ónum íslenskra króna, eign­irnar um 14 millj­ón­ir, en skuldir 11 millj­ónir króna. Tveimur árum síðar voru eign­irnar um 50 millj­ónir en skuldir þess tæpar 70 millj­ón­ir.

Mis­tök að fylgja ekki lögum

Kári sagð­ist við Kast­ljós enga fjár­muni hafa lagt inn í félagið og þátt­taka hans í því hafi ekki tengst beint störfum hans fyrir líf­eyr­is­sjóð­inn. Því hafi hann ekki gefið það upp á skatt­fram­töl­um. En samt sem áður voru lög í gildi þar sem segir að fram­kvæmda­stjóra líf­eyr­is­sjóðs sé óheim­ilt að taka þátt í atvinnu­rekstri nema að fengnu leyfi stjórn­ar. Eign­ar­hlutur í fyr­ir­tæki telst þátt­taka í atvinnu­rekstri nema um sé að ræða óveru­legan hlut sem ekki veitir bein áhrif á stjórn þess. Holu Hold­ing var slitið í des­em­ber 2002. Kári segir við Kast­ljós að þetta hafi verið mis­tök.

Enn skráður fyrir félagi í Panama­skjöl­unum

Eins og áður segir greindi Kast­ljós einnig frá aflands­fé­lagi Krist­jáns Arnar Sig­urðs­son­ar, fram­kvæmda­stjóra Sam­ein­aða líf­eyr­is­sjóðs­ins, sem hann hefur stýrt frá árinu 2005. Hann er tengdur tveimur félögum sem er að finna í Panama­skjöl­un­um; Mika Assett og Fulcas Inc. Mika var stofnað af Lands­bank­anum í Lúx­emburg árið 2007. Krist­ján Örn var með umboð og pró­kúru í félag­inu, sem er skráð á Panama. Fram kom í Kast­ljósi að svo virð­ist sem það hafi verið flutt frá Lands­bank­anum yfir til Nor­dea-­bank­ans við hrun Lands­bank­ans og svo verið lagt niður að beiðni Nor­dea árið 2014. Pró­kúra og stjórn Krist­jáns Arnar á félag­inu var þá gild til árs­loka 2010.

Krist­ján Örn sagði við Kast­ljós að Mika hafi verið stofnað árið 2008 til að ávaxta fjár­muni en ekki til að borga lægri skatta. Hann hafi þó ákveðið að hætta við að nota það. Hann sagð­ist ekki muna hversu mikið hann borg­aði fyrir upp­setn­ing­una á Mika. Hann við­ur­kenndi að hann hafi ekki látið stjórn líf­eyr­is­sjóðs­ins vita.

Fulcas Inc. var stofnað af Nor­dea árið 2009. Krist­ján Örn var líka skráður pró­kúru­hafi þess og þar með raun­veru­legur eig­andi í jan­úar 2009. Fulcas Inc er enn starf­andi. Krist­ján Örn sagð­ist í svari sínu til Kast­ljóss að um hafi verið að ræða ein­stök við­skipti og nauð­syn­legt hafi verið að stofna félagið til að geta farið í þau við­skipti. En ekk­ert varð af þeim við­skipt­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Brynjar sakar Pírata um popúlisma – Björn Leví segir Brynjar vera latan og gera ekkert
Tveir þingmenn, annar úr Sjálfstæðisflokki og hinn frá Pírötum, tókust hart á á samfélagsmiðli í gær. Sá fyrrnefndi ásakaði hinn um popúlisma. Sá síðarnefndi sagði hinn vera latan og reyna að gera sem minnst.
Kjarninn 30. september 2020
Ríkisbankarnir tveir á meðal stærstu eigenda Icelandair Group
Þeir 23 milljarðar hluta sem seldust í hlutafjárútboði Icelandair fyrr í mánuðinum voru teknir til viðskipta í Kauphöllinni í dag. Icelandair hefur uppfært lista yfir 20 stærstu hluthafa félagsins.
Kjarninn 30. september 2020
Seðlabankinn hyggst selja 66 milljónir evra í október
Í næsta mánuði ætlar Seðlabankinn að selja um 3 milljónir evra hvern viðskiptadag til að auka dýpt á gjaldeyrismarkaðnum.
Kjarninn 30. september 2020
Á öðrum ársfjórðungi varð 97 prósenta tekjusamdráttur í rekstri móðurfélagsins sem sinnir rekstri Keflavíkurflugvallar.
Isavia tapaði 7,6 milljörðum á hálfu ári
Tap opinbera hlutafélagsins Isavia nam 7,6 milljörðum á fyrstu sex mánuðum ársins. Sveinbjörn Indriðason forstjóri segir að jafnvel sé útlit fyrir að flugumferð fari ekki af stað fyrr en í lok fyrsta ársfjórðungs á næsta ári.
Kjarninn 30. september 2020
Gunnar Hólmsteinn Ársælsson
Baneitraðir Rússar
Kjarninn 30. september 2020
Ben van Beurden, framkvæmdastjóri Royal Dutch Shell
Allt að níu þúsund uppsagnir hjá Shell á næstu tveimur árum
Olíufyrirtækið Shell hyggst leggjast í endurskipulagningu á næstu árum og segja upp allt að níu þúsund starfsmanna sinna. Eitt af nýju verkefnum fyrirtækisins er kolefnisförgun í Noregshafi.
Kjarninn 30. september 2020
Gauti Jóhannesson (D) og Stefán Bogi Sveinsson (B) leiða flokkana tvo sem mynda meirihluta.
Sjálfstæðisflokkur og Framsókn vinna saman í Múlaþingi
Sjálfstæðisflokkur og Framsóknarflokkur hafa komist að samkomulagi um myndun meirihluta í Múlaþingi, nýja sameinaða sveitarfélaginu á Austurlandi.
Kjarninn 30. september 2020
Jón Sigurðsson, stjórnarformaður Stoða.
Stoðir töpuðu tæpum hálfum milljarði króna á fyrri hluta ársins 2020
Stoðir, sem eru einn umsvifamesti einkafjárfestirinn á íslenska markaðnum, á eignir upp á tæpa 25 milljarða króna og skuldar nánast ekkert. Verði af sameiningu TM og Kviku munu stoðir verða stærsti einkafjárfestirinn í báðum einkareknu bönkum landsins.
Kjarninn 30. september 2020
Meira úr sama flokkiInnlent
None