Fátt getur nú komið í veg fyrir að for­seta­fram­bjóð­end­urnir Hill­ary Clinton og Don­ald Trump endi tvö í bar­áttu sinni um Hvíta húsið í næstu kosn­ing­um. Trump sigr­aði örugg­lega í for­vals­kosn­inum rebúp­likana­flokks­ins í öllum þeim fimm ríkjum sem kosið var í í gær. Sigur Clinton var ekki alveg jafn sæt­ur, en hún sigr­aði í fjórum ríkjum en keppi­nautur henn­ar, Bernie Sand­ers, tók Rhode Island. Eftir að úrslitin voru til­kynnt í nótt sagð­ist Sand­ers ekki ætla að draga sig í hlé fyrr en for­valið er á enda. Clinton þakk­aði Sand­ers fyrir drengi­legan leik og góða sam­keppn­i. 

Trump mun að öllum lík­indum hljóta útnefn­ingu rebúp­likana­flokks­ins á flokks­þingi þeirra í júní. Að minnsta kosti til­kynnti hann kjós­endum sínum það þegar úrslitin voru ljós í nótt Ted Cruz, einn helsti keppi­nautur Trump, fékk ein­ungis einn kjör­mann eftir nótt­ina. Hann er því dott­inn úr kapp­hlaup­in­u. 

Clinton jók for­skotið sem hún hefur á Sand­ers enn á ný í nótt. Minna er þó á munum hjá þeim heldur en hjá þeim Trump og Cruz. 

Kosið var í Conn­ect­icut, Delaware, Mar­y­land, Penn­­syl­van­íu og Rhode Is­land. Banda­ríkja­menn kjósa sér nýjan for­seta í nóv­em­ber næst­kom­and­i.