Auður Finn­boga­dóttir er hætt sem stjórn­ar­for­mað­ur­ ­Sam­keppn­is­eft­ir­lits­ins. Atvinnu­vega- og nýsköp­un­ar­ráðu­neytið veitti henni lausn frá setu í stjórn stofn­un­ar­innar með bréfi sem dag­sett var 18. apríl 2016. Dag­inn eft­ir, þann 19. apr­íl, var Auður kosin í stjórn Íslands­banka.

Ragn­heiður Elín Árna­dótt­ir, iðn­að­ar- og við­skipta­ráð­herra, ­skip­aði nýja stjórn Sam­keppn­is­eft­ir­lits­ins þann 1. des­em­ber 2015. Auður var skip­uð ­for­maður stjórn­ar­innar í stað Krist­ínar Har­alds­dóttur sem baðst lausnar frá­ ­stjórn­ar­setu. Skip­unin átti að gilda til 26. ágúst 2017. Fjórum og hálf­um ­mán­uði eftir að hafa verið skipuð í starfið var Auður hins vegar til­nefnd af ­Banka­sýslu rík­is­ins sem nýr stjórn­ar­maður í Íslands­banka. Hún hlaut síðan kjör ­sem slíkur 19. apríl 2016.

Íslands­banki er nú kom­inn að öllu leyti í eigu íslenska ­rík­is­ins í kjöl­far þess að hluta­bréf slita­bús Glitnis í bank­anum voru afhend ­rík­inu sem stöð­ug­leika­fram­lag. Banka­sýslan, sem mun fara með eign­ar­hlut rík­is­ins í bank­an­um, skip­aði því sjö aðal­menn í stjórn Íslands­banka í apr­íl, þar af fimm nýja. Auður var einn þeirra.Sam­keppn­is­eft­ir­litið heim­il­aði yfir­­­töku íslenska rík­­is­ins á Íslands­­­banka þann 11. mars síð­ast­lið­inn, með skil­yrðum sem aðilar máls­ins hafa sæst á að fylgja. 

Ekki er búið að skipa nýjan mann í stjórn­ ­Sam­keppn­is­eft­ir­lits­ins í stað Auð­ar. Þangað til gegnir Eyvindur G. Gunn­ars­son ­stöðu stjórn­ar­for­manns og vara­menn taka sæti í þriggja manna stjórn­ ­stofn­un­ar­inn­ar.