Þor­valdur Lúð­vík Sig­ur­jóns­son, fram­kvæmda­stjóri Atvinnu­þró­un­ar­fé­lags Eyja­fjarð­ar, hefur sagt starfi sínu lausu frá og með næstu mán­að­ar­mót­um. Í frétt á heima­síðu félags­ins segir hann að á und­an­förnum árum hafi hann tekið þátt í und­ir­bún­ingi fyr­ir­tækis í flug­tengdri starf­semi, sem liggi nærri áhuga­sviði hans. „ Nú lítur út fyrir að þetta geti orðið að veru­leika og því rétt að hverfa á braut úr núver­andi starfi til að ein­henda mér í verk­efni á nýjum vett­vang­i.  Ég hverf afskap­lega sáttur og þakk­látur á brott, en stuðn­ingur sam­fé­lags­ins hér og góður hugur hefur verið mér mik­il­væg­ur. Þetta er búinn að vera skemmti­legur tími og ég skil við félagið í góðu horfi með spenn­andi verk­efni í far­vatn­in­u."

Þar er einnig haft eftir Unn­ari Jóns­syni, stjórn­ar­for­manni Atvinnu­þró­un­ar­fé­lags­ins, að það væri mik­ill missir af Þor­vald­i. 

Þor­valdur hlaut 18 mán­aða dóm í Stím-­mál­inu svo­kall­aða í hér­aðs­dómi Reykja­víkur í des­em­ber 2015. Stjórn Atvinnu­þró­un­ar­fé­lags­ins lýsti í kjöl­farið yfir fullu traustu á hon­um. Hann var dæmdur fyrir hlut­deild í umboðs­svik­um. Þor­valdur var for­stjóri og eig­andi í fjár­fest­inga­bank­anum Sögu Capi­tal þegar umboðs­svikin áttu að hafa átt sér stað. Það mál er nú í áfrýj­un­ar­ferli.