Stuðningur við forsetaframbjóðendur nær jafnvægi

Guðni Th. Jóhannesson nýtur stuðnings 60 prósent kjósenda í nýrri kosningaspá. Fylgi við frambjóðendur helst nokkuð stöðugt síðan kosningaspáin var gerð síðast fyrir helgi.

Davíð Oddsson og Andri Snær Magnason ræða saman fyrir kosningafund í Háskólanum í Reykjavík á dögunum.
Davíð Oddsson og Andri Snær Magnason ræða saman fyrir kosningafund í Háskólanum í Reykjavík á dögunum.
Auglýsing

Ný kosn­inga­spá sýnir litlar breyt­ingar á fylgi for­seta­fram­bjóð­enda und­an­farna daga og svo virð­ist sem að það sé að ná jafn­vægi eftir rót síð­ustu viku. Guðni Th. Jóhann­es­son, sagn­fræð­ing­ur, er enn sá fram­bjóð­andi sem flestum hugn­ast og hlyti hann 60,4 pró­sent atkvæða ef gengið yrði til kosn­inga nú, sam­kvæmt kosn­inga­spánni sem gerð var í dag. Kosið verður 25. júní.

Fylgi Guðna er nán­ast það sama og það mæld­ist fyrir fjórum dögum síðan þegar það var 60,3 pró­sent. Davíð Odds­son, rit­stjóri Morg­un­blaðs­ins, nýtur stuðn­ings 20,1 pró­sent kjós­enda sam­kvæmt nýj­ustu kosn­inga­spánni. Hann stendur einnig í stað síðan síð­ast, þegar stuðn­ingur við hann mæld­ist 20,3 pró­sent.

Auglýsing

Sömu sögu er að segja um Andra Snæ Magna­son, rit­höf­und, og Höllu Tóm­as­dótt­ur, athafna­konu. Þau mæl­ast með nán­ast sama stuðn­ing og fyrir fjórum dög­um. Í nýj­ustu kosn­inga­spánni mælist Andri Snær með 11,5 pró­sent fylgi og Halla með 4,2 pró­sent.

Aðrir fram­bjóð­endur mundu hljóta minna en eitt pró­sent atkvæða að Sturlu Jóns­syni und­an­skild­um. Hann nýtur stuðn­ings 1,4 pró­sent kjós­enda sam­kvæmt kosn­inga­spánni. Aðrir fram­bjóð­endur eru Ást­þór Magn­ús­son, Elísa­bet Jök­uls­dótt­ir, Hildur Þórð­ar­dóttir og Guð­rún Mar­grét Páls­dótt­ir.

Kosn­­­­inga­­­­spá Kjarn­ans og Bald­­­­urs Héð­ins­­­­sonar er gerð í fyrsta sinn fyrir for­­seta­­kosn­­ing­­ar. Kjarn­inn hefur áður birt nið­­ur­­stöður kosn­­inga­­spálík­­ans­ins fyrir sveit­­ar­­stjórn­­­ar­­kosn­­ing­­arnar 2014 fyrir fylgi fram­­boða í Reykja­vík. Þá verða nið­­ur­­stöður lík­­ans­ins um fylgi stjórn­­­mála­­flokka í fyr­ir­hug­uðum alþing­is­­kosn­­ingum birtar á vef Kjarn­ans í aðdrag­anda kosn­­ing­anna í haust. Í nýj­­­­ustu kosn­­­­inga­­­­spánni fyrir for­­seta­­kosn­­ing­­arnar eru nýj­­­­ustu kann­an­­­­irnar vegn­­­­ar:

  • Skoð­ana­könnun Frétta­blaðs­ins 30. maí (vægi 16,2%)
  • Skoð­ana­könnun Mask­ínu 20. til 27. maí (vægi 15,5%)
  • Skoð­ana­könnun Frétta­­blaðs­ins 23. til 24. maí (vægi 14,2%)
  • Skoð­ana­könnun Fré­lags­vís­inda­­stofn­unar HÍ fyrir stuðn­­ings­­menn Guðna Th. Jóhann­es­­sonar 23. til 25. maí (vægi 21,2%)
  • Skoð­ana­könnun Gallup fyrir stuðn­­ings­­menn Dav­­íðs Odds­­sonar 19. til 25. maí (vægi 17,5%)
  • Skoð­ana­könnun MMR 12. til 20. maí (vægi 15,4%)

Hvað er kosn­­­inga­­­spá­in?

Kosn­­­­inga­­­­spálíkan Bald­­­­urs Héð­ins­­­­sonar miðar að því að setja upp­­­­lýs­ing­­­­arnar sem skoð­ana­kann­­­­anir veita í sam­hengi. Fyr­ir­liggj­andi skoð­ana­kann­­­­anir eru teknar saman og þeim gefið vægi til þess að spá fyrir um úrslit kosn­­­­inga. Kjarn­inn birti Kosn­­­­inga­­­­spá Bald­­­­urs fyrir sveit­­­­ar­­­­stjórn­­­­­­­ar­­­­kosn­­­­ing­­­­arnar og reynd­ist sú til­­­­raun vel. Á vefnum kosn­­­­inga­­­­spá.is má lesa nið­­­­ur­­­­stöður þeirrar spár og hvernig vægi kann­ana var í takt við frá­­­­vik kann­ana miðað við kosn­­­­inga­úr­slit­in.

Áreið­an­­­­leiki könn­un­­­­ar­að­ila er reikn­aður út frá sög­u­­­­legum skoð­ana­könn­unum og kosn­­­­inga­úr­slit­­­­um. Einnig hefur það vægi hversu langt er síðan könn­unin var fram­­­­kvæmd og svo hversu margir svara í könn­un­un­­­­um.

Meira úr sama flokkiInnlent
None