Stjórn Arev verð­bréfa­fyr­ir­tækis ákvað að færa stýr­ingu á fé­lag­inu Eld­ey, sem fjár­festir ferða­þjón­ustu­fyr­ir­tækj­um, alfarið yfir til­ ­eign­ar­stýr­ingar Íslands­banka vegna vand­ræða ann­ars sjóðs í stýr­ingu hjá ­fyr­ir­tæk­inu.

Sá sjóð­ur, Arev NII, hefur nú verið tekin úr stýr­ingu hjá ­Arev vegna þess sem álitið er að séu „al­var­legar mis­fellur í rekstri“ og þær mis­fellur til­kynntar til Fjár­mála­eft­ir­lits­ins (FME). Mis­fell­urnar fel­ast í því að tvö félög í eigu eig­anda Arev greiddu ekki inn í sjóð­inn í réttu hlut­fall­i við áskrift­ar­lof­orð sitt.

Eig­and­inn greiddi ekki hluta­fjár­lof­orð

Kjarn­inn greindi frá því um helg­ina að tvö félög sem tengj­­ast Arev verð­bréfa­­fyr­ir­tæki hafi ekki greitt hlutafé inn í sjóð sem Arev stýrir í sam­ræmi við það sem þau lof­uðu að ­ger­a. Þetta sagði Gunnar Sturlu­­son, hæsta­rétt­­ar­lög­­maður og einn eig­anda lög­­manns­­stof­unnar LOGOS, sem er nýr stjórn­­­ar­­for­­maður umrædds sjóðs, Arev NII, ­sem hefur verið tek­inn úr stýr­ingu hjá Arev. LOGOS til­­kynnti auk þess um það stofan álitur „al­var­­legar mis­­­fellur í rekstri Arev NII“ til­ FME.

Kjarn­inn beindi fyr­ir­spurn til Björns Jóhann­es­son­ar, fram­kvæmda­stjóra Arev, og spurði hvort þessar ásak­anir væru rétt­ar. Björn seg­ir í skrif­legu svari að Arev NII hafi í byrjun maí upp­lýst ráð­gjafa­ráð sjóðs­ins um að tvö félög í eigu Jóns Schev­ing Thor­steins­son­ar, eig­anda Arev verð­bréfa­fyr­ir­tæk­is, hefði ekki greitt inn í sjóð­inn í réttu hlut­falli við á­skrift­ar­lof­orð. „Ímaí sl. greiddi annað félag­anna tveggja skuld sína við sjóð­inn en hitt félag­ið, ­Arev Brands Ltd., hefur enn ekki greitt.“

Björn segir að þar sem um sé að ræða félag teng­t ­eig­anda eigna­stýr­ing­ar­að­il­ans, ­Arev verð­bréfa­fyr­ir­tæk­is, hafi stjórn­ verð­bréfa­fyr­ir­tæk­is­ins ekki gert athuga­semdir við slit á eigna­stýr­ing­ar­samn­ing­i við félag­ið.  

Hlut­hafar í Arev NII eru fimmtán tals­ins. Þar af eru ell­efu líf­eyr­is­­sjóð­­ir. Hlut­hafar skuld­bund­u ­sig til að leggja sjóðnum til hlutafé sem ­kallað var eftir jafn­­óðum og fjár­­­fest var sam­­kvæmt ráð­­gjöf Arev verð­bréfa­­fyr­ir­tæk­­is. Alls átti nafn­verð hluta­fjár­ að vera tæp­­lega 660 millj­­ón­ir króna í byrjun des­em­ber síð­­ast­lið­ins, en var það ekki.

Vildu forð­ast áhrif á Eldey

Í des­em­ber 2015 stofn­uðu VÍB, ­eigna­stýr­ing Íslands­banka, og Arev saman hluta­fé­lag sem fjár­festir í ferða­þjón­ustu­fyr­ir­tækj­um. Stefnan var sett á að skrá félag­ið, sem Hrönn Greips­dótt­ir ­stýr­ir, á mark­að. Fyrstu fjár­fest­ingar Eld­eyjar voru kaup á 30 pró­sent hlut í Norð­ur­sigl­ingu á Húsa­vík og 17 pró­sent hlut í félag­inu Gufu, sem á Font­ana á Lauga­vatni.

20. maí síð­ast­lið­inn, hálfu ári eftir að Eldey var stofn­að, var til­kynnt að Hrönn hefði verið ráð­inn í starf fjár­fest­ing­ar­stjóra hjá VÍB. Í frétta­til­kynn­ing­unni kom einnig fram að umsýsla og varsla Eld­eyjar myndi flytj­ast með henni yfir til VÍB.

Kjarn­inn spurði Björn hvað hefði vald­ið því að eigna­stýr­ing Eld­eyjar hefði færst alfarið yfir til Íslands­banka, ein­ung­is ör­fáum mán­uðum eftir að til­kynnt hafði verið um að bæð­i ­Arev og Ís­lands­banki myndu sjá um rekst­ur­inn. Björn segir að stjórn Arev hafi ákveðið það. „Ástæðan er óvissa vegna áður­nefnds máls ­Arev NII slhf. og vild­i ­stjórnin forð­ast að málið hefði áhrif á Eldey TLH hf. eða eig­endur þess. Jafn­fram var FME gerð grein fyrir mál­inu af hálfu stjórn­ar.“