Tveir menn voru hand­teknir og færðir til skýrslu­töku í gær vegna Guð­mund­ar- og Geir­finns­máls­ins svo­kall­aða. Mönn­unum var sleppt að lok­inni yfir­heyrslu en nýr vitn­is­burður liggur fyrir í mál­inu, að því er fram kemur í frétt Morg­un­blaðs­ins í dag.

Menn­irnir voru yfir­heyrðir hvor í sínu lagi vegna rann­sókn­ar­hags­muna og til að koma í veg fyrir að þeir gætu sam­ræmt vitn­is­burð sinn. Báðir eru sagðir hafa komið við sögu lög­reglu áður og afplánað refs­ing­ar.

Settur rík­is­sak­sókn­ari í mál­inu er Davíð Þór Björg­vins­son. Hvorki hann né Frið­rik Smári Björg­vins­son, yfir­maður rann­sókn­ar­deildar lög­regl­un­ar, vildu tjá sig við Morg­un­blaðið um mál­ið.

End­ur­upp­töku­nefnd fer með málið og metur hvort til­efni sé til að málið fari á ný fyrir dóm­stóla. Sex voru dæmd í Hæsta­rétti áið 1980 fyrir aðild sýna að hvarfi Guð­mundar Ein­ars­son og Geir­finns Ein­ars­sonar árið 1974. Síðar hefur verið sýnt fram á að játn­ingar hafi verið knúnar fram með ólög­mætum hætti og hafi því verið falsk­ar.

Kjarn­inn greindi frá því í des­em­ber að nið­ur­stöðu end­ur­upp­töku­nefnd­ar­innar í Guð­mund­ar- og Geir­finns­mál­inu væri ekki að vænta fyrr en á þessu ári.