Mynd­bönd með lýs­ingu Guð­mundar Bene­dikts­son­ar, Gumma Ben, á því þegar Ísland komst í 2-1 gegn Aust­ur­ríki og tryggði sér sæti í sextán liða úrslitum Evr­ópu­móts­ins í knatt­spyrnu fara nú eins og eldur í sinu um inter­net­ið. Gummi lýsti leiknum fyrir Sím­ann, sem setti inn mynd­bandið hér að neðan skömmu eftir að leiknum lauk. Margar millj­ónir manna hafa séð hin ýmsu mynd­bönd. 

Það leið ekki á löngu þar til stór­brotin lýs­ing Gumma fór á flug. 

­Fjöl­miðlar um allan heim hafa svo gert lýs­ingu Gumma að frétta­efni. Hin risa­stóra vef­síða Buzz­feed segir við les­endur sína: „þú verður aldrei nokkurn tím­ann eins spenntur og þessi íslenski fót­bolta­lýsand­i“. 

Sports Ill­u­strated segir lýs­ing­una ótrú­lega. „Geðs­hrær­ing, gleði og röð háværra hljóða.“ Hjá CBS frétta­stof­unni í Banda­ríkj­unum er ein­fald­lega sagt að íslenski þul­ur­inn hafi misst vit­ið. „Ég hef ekki hug­mynd um hvað þessi maður er að segja, en það er stór­kost­legt hvort sem er.“ USA Today segir ein­fald­lega að Gummi hafi misst vitið og rödd­ina. „Allir á Íslandi voru spennt­ir, en kannski eng­inn meira en þessi lýsand­i.“ 

„Ef þú hlustar á lýs­ing­una á sig­ur­mark­inu hjá Arn­óri Trausta­syni, þá gæt­irðu haldið að Ísland hefði unnið heims­meist­ara­mót­ið,“ segir NY Daily News. 

Indian Express segir Gumma vera að eign­ast nýja aðdá­endur um allan heim eftir lýs­ing­una. Hún hafi verið „in­stant classic“ og Gummi er þar sagður vera „költ­hetja“ Evr­ópu­móts­ins. Sömu sögu segir ástr­alski fjöl­mið­ill­inn ABC. 

BBC, ESPN, Guar­di­an, Tel­egraph og Danska rík­is­sjón­varpið DR eru meðal þeirra sem hafa einnig fjallað um lýs­ing­una. 

Goal.com virð­ist hins vegar mögu­lega hafa mis­skilið eitt­hvað aðeins, en birtir stór­skemmti­legt mynd­band af íþrótta­f­rétta­mann­inum Hauki Harð­ar­syni fagna mark­inu ógur­lega en hefur lýs­ingu Gumma Ben und­ir.