Bernie Sand­ers, sem hefur sóst eftir útnefn­ingu Demókra­ta­flokks­ins sem for­seta­fram­bjóð­andi í Banda­ríkj­un­um, seg­ist ætla að kjósa Hill­ary Clinton í for­seta­kosn­ing­unum þar í landi í nóv­em­ber. Clinton hefur verið með mikið for­skot á Sand­ers í kapp­hlaup­inu um útnefn­ingu Demókrata síðan það hófst.

„Já,“ sagði Sand­ers þegar hann var spurður að því í við­tali á MSNBC-­sjón­varp­stöð­inni í Banda­ríkj­un­um, hvort hann muni greiða Clinton atkvæði sitt í kosn­ing­unum í nóv­em­ber. „Ég held að það rétta í stöð­unni sé að gera allt sem í mínu valdi stendur til að fella Don­ald Trump.“

Það verði hræði­legt ef Trump verði kjör­inn for­seti. „Við þurfum ekki for­seta sem elur á for­dóm­um, gerir lítið úr Mexík­óum og kon­um, og trúir ekki á lofts­lags­breyt­ing­arn­ar, jafn­vel þó allir vís­inda­menn bendi á að hér sé um alheims­vanda­mál,“ sagði Sand­ers.

Sand­ers hefur hins vegar ekki gef­ist upp þó Clinton hafi mikið for­skot. Hann hefur sótt á í þeim ríkjum sem kosið hefur verið í und­an­farið en vantar samt ennþá um það bil þús­und kjör­menn til að hljóta útnefn­ing­una. Það eru aðeins 75 kjör­menn enn í boði. Hann við­ur­kennir að það sé nær ómögu­legt fyrir hann að hljóta útnefn­ing­una.

Sand­ers tjáði sig einnig um Brexit og ákvörðun Breta að segja sig úr Evr­ópu­sam­band­inu. „Ég hef áhyggjur af því að sam­starf á alþjóða­vett­vangi sé að brotna nið­ur,“ sagði Sand­ers. „En það sem þessi nið­ur­staða sýnir er að efna­hags­kerfi heims­ins er ekki að virka fyrir alla.“