Tveir framboðslistar klárir í Norðausturkjördæmi

Framboðslistar Vinstri grænna og Pírata í Norðausturkjördæmi hafa nú litið dagsins ljós. Framhaldsskólakennari frá Akureyri leiðir lista Pírata eftir kosningu flokksmanna. Björn Þorláksson segir klíkuskap hafa ráðið því að hann hafnaði neðarlega á lista.

Einar Brynjólfsson framhaldsskólakennari leiðir lista Pírata í Norðausturkjördæmi.
Einar Brynjólfsson framhaldsskólakennari leiðir lista Pírata í Norðausturkjördæmi.
Auglýsing

Tveir stjórn­mála­flokkar hafa til­kynnt fram­boðs­lista sína fyrir kom­andi Alþing­is­kosn­ingar og eru þeir báðir í Norð­aust­ur­kjör­dæmi. Vinstri græn stilltu á lista og var hann sam­þykktur á félags­fundi á Mývatni fyrir viku síð­an. Í dag urðu nið­ur­stöður úr próf­kjöri Pírata í kjör­dæm­inu svo ljós. VG mæld­ist með 16,8 pró­senta fylgi í nýjasta Þjóð­ar­púlsi og Píratar með 28,3 pró­sent. 

78 flokks­menn kusu í net­kosn­ingu í próf­kjöri Pírata í Norð­aust­ur­kjör­dæmi. Fjórtán voru í fram­boði og leiðir Einar Aðal­steinn Brynj­ólfs­son fram­halds­skóla­kenn­ari á Akur­eyri, list­ann.  Guð­rún Ágúst Þór­dís­ar­dóttir rekstr­ar­fræð­ingur er í öðru sæti og Hans Jóns­son í því þriðja. Kristín Amalía Atla­dóttir er í fjórða sæti og Gunnar Ómars­son í fimmta. 

Sakar Pírata um klíku­skap

Björn Þor­láks­son, fyrr­ver­andi rit­stjóri, gaf kost á sér í for­ystu­sætið en hann hafn­aði í sjö­unda sæti list­ans. Á Face­book síðu sinni sagði Björn í dag, eftir að úrslit urðu ljós, að klíku­skapur hafi ráðið því að hann hafn­aði svo neð­ar­lega. Hann segir Pírata hafa kosið sér slaka þing­manna­sveit.

Auglýsing

„Nokkrir tugir manna tóku sig saman þar sem þeim staf­aði ógn af mér varð­andi eigin drauma um þing­sæti, í stað þess að spyrja: Er hann okkur kannski liðs­auki? Ekki mikil höfnun það, mik­ill stuðn­ingur á lands­vísu og fyrir hann er ég þakk­lát­ur, enda veit almenn­ingur hvar hann hefur mig,“ skrifar Björn. Hann segir að það hafi verið sitt val að „svíkja lit hins fag­lega hlut­leysis blaða­manns­ins,“ og telur að sér verði „senni­lega fyr­ir­gefið póli­tíska hlið­ar­sporið,“ enda séu Píratar fyrst og fremst and­ófs­afl sem styðji rót­tæka kerf­is­breyt­ingu. „Hitt skiptir einnig máli varð­andi traust og trúnað að lítil búbla hér í norð­lensku hér­aði situr nú uppi með sjálfa sig og eigin rang­hug­mynd­ir,“ skrifar Björn. 

Lítil end­ur­nýjun hjá VG

Efstu tutt­ugu sætin á lista VG í Norð­aust­ur­kjör­dæmi hafa verið skipuð og er Stein­grímur J. Sig­fús­son, þing­maður og fyrr­ver­andi for­maður flokks­ins, þar í fyrsta sæti. Bjarkey Olsen Gunn­ars­dóttir alþing­is­maður er í öðru og Björn Valur Gísla­son, stýri­maður og vara­for­maður VG, í því þriðja. Ingi­björg Þórð­ar­dótt­ir, fram­halds­skóla­kenn­ari á Nes­kaups­stað, er í fjórða sæti list­ans og Óli Hall­dórs­son, for­stöðu­maður og sveit­ar­stjórn­ar­full­trúi Norð­ur­þings, í fimmta. 

Meira úr sama flokkiInnlent
None