Vísi­tölur helstu hluta­bréfa­mark­aða í heim­inum hafa að mestu leyti náð sömu stöðu og var á mörk­uð­um, áður en „sjokk“ áhrifin af Brex­it-­kosn­ing­unum komu fram. FTSE vísi­talan hækk­aði um 2,21 pró­sent í dag, DAX vísi­talan þýska um 1,75 pró­sent, og Nas­daq vísi­talan í Banda­ríkj­unum hefur hækkað 1,94 pró­sent, sam­kvæmt fréttum Wall Street Journal.

Pundið kostar nú 167 krón­ur, en það kost­aði tæp­lega 180 krónur fyrir kosn­ing­arn­ar. Krónan hefur því styrkst umtals­vert gagn­vart pund­inu að und­an­förnu.

Pundið hefur styrkst lítið eitt gagn­vart Banda­ríkja­dal, en er ennþá mun veik­ara en það var, fyrir atkvæða­greiðsl­una. Sem kunn­ugt er fór hún þannig, að 52 pró­sent Breta kusu með því að Bret­land yfir­gæfi Evr­ópu­sam­bandið en 48 pró­sent vildu að Bret­land yrði ennþá hluti af því. 

Þrátt fyrir að hluta­bréfa­vísi­tölur hafi jafnað sig, að með­al­tali, þá er mark­aðsvirði margra stórra fyr­ir­tækja í Bret­landi ennþá mun lægra en það var fyrir atkvæða­greiðsl­una. Sér­stak­lega á þetta við um banka og trygg­ing­ar­fé­lög. 

Hart var deilt um nið­ur­stöð­una í Brex­it-­kosn­ing­unum á Evr­ópu­þing­inu í gær, og var Nigel Fara­ge, for­ystu­maður UKIP, breska sjálf­stæð­is­flokks­ins, sak­aður um að beita lygum og blekk­ingum í aðdrag­anda kosn­ing­anna, og gekk einn svo langt að segja hann hafa borið fram „nas­ista­á­róð­ur“.

Ekki liggur fyrir enn­þá, hvert verður póli­tískt fram­hald máls­ins í Bret­landi, en David Camer­on, frá­far­andi for­sæt­is­ráð­herra, hefur þó til­kynnt um afsögn sína. Sam­kvæmt sátt­mála ESB hafa aðild­ar­þjóðir tvö ár til að yfir­gefa sam­band­ið, eftir að hafa form­lega til­kynnt um að þau ætli að yfir­gefa sam­band­ið. Ekk­ert liggur fyrir um það enn, hvernig staðið verður að útgöng­u. 

Ang­ela Merkel, kansl­ari Þýska­lands, hefur sagt að engar óform­legar við­ræður muni eiga sér stað um nein mál, er varð­andi hugs­an­lega útgöngu, heldur ein­ungis ef það kemur form­lega frá breskum stjórn­völd­um, að vilji sé til útgöng­u. 

Íslensk stjórn­völd eru að fylgst grannt með þróun mála, sam­kvæmt því sem Lilja Alfreðs­dótt­ir, utan­rík­is­ráð­herra, hefur sagt. Íslands á mik­illa hags­muna að gæta þegar kemur að við­skiptum við Bret­land. Voru- og þjón­ustu­út­flutn­ingur nam 120 millj­örðum í fyrra til Bret­lands, og þá komu um 19 pró­sent erlendra ferða­manna til Íslands frá Bret­land­i.