Bilið milli Hill­ary Clint­on, fram­bjóð­anda Demókrata, og Don­ald J. Trump, fram­bjóð­anda Repúblikana, hefur minnkað tölu­vert á skömmum tíma, og sýnir mæl­ing vefs­ins FiveT­hir­tyEight nú að 48,8 pró­sent styðji Hill­ary en 44,8 pró­sent Don­ald Trump. Stuðn­ing­ur­inn við fram­boð Gary John­son hefur farið vax­andi og mælist 4,6 pró­sent. Svo gæti farið að fram­boð hans geti haft veru­lega mikið að segja um það hvort Hill­ary eða Trump vinni, en talið er að fram­boð hans skaði fyrst og fremst Hill­ary.

Sig­ur­lík­urnar eru þó enn Hill­ary meg­in, en vef­ur­inn metur sig­ur­líkur hennar 71,2 pró­sent og líkur Don­ald Trump 28,8 pró­sent. Ekki eru nema 10 daga síðan lík­urnar voru 87 pró­sent hjá Hill­ary, en á und­an­förnum dögum hefur nei­kvæð umræða, vegna þeirrar ákvörðun alrík­is­lög­regl­unnar FBI að hefja að nýju rann­sókn á tölvu­póstum Hill­ary Clint­on, haft slæm áhrif á fram­boð henn­ar. 

Í New York Times kom fram í gær, að ákvörðun James B. Comey, fram­kvæmda­stjóra FBI, um að til­kynna þing­inu um að rann­sókn hefði verið tekin upp á nýjan leik, hefði sett FBI beint inn í kosn­inga­bar­átt­una á versta tíma. Daniel Rich­mann, pró­fessor í lög­fræði við Col­umbia háskóla, segir í við­tali við blaðið að FBI sé að grafa undan sjálf­stæði stofn­un­ar­innar með þess­ari tíma­setn­ingu, og í versta falli muni það nýt­ast nýjum for­seta. 

Kosið verður í Banda­ríkj­unum 8. nóv­em­ber, eða eftir sex daga. Kjarn­inn hefur haldið úti viku­legu íta­legu hlað­varpi um kosn­ing­arn­ar, Kana­varp­inu, en umsjón­ar­menn þess eru Hjalti Geir Erlends­son, lög­fræð­ing­ur, og Hall­grímur Odds­son hag­fræð­ing­ur. Í nýjasta þætt­inum er fjallað um rann­sókn FBI á tölvu­póstum Hill­ary og starfs­fólki henn­ar, og hvernig staða mála er nú.