Arion banki og European Invest­ment Fund, EIF, hafa und­ir­ritað svo­nefndan InnovFin ábyrgð­ar­samn­ing sem miðar að hag­stæðum lán­veit­ingum til lít­illa og með­al­stórra fyr­ir­tækja er hyggj­ast inn­leiða nýj­ungar í starf­semi sinn­i. 

Þetta kemur fram í sam­eig­in­legri til­kynn­ingu Arion banka og EIF.

InnovFin samn­ing­ur­inn gerir Arion banka kleift að veita þessum fyr­ir­tækjum lán á næstu tveimur árum sem eru studd með ábyrgð frá Fjár­fest­ing­ar­sjóði Evr­ópu í sam­ræmi við Horizon 2020, rann­sókna- og nýsköp­un­arramma­á­ætlun Evr­ópu­sam­bands­insm (ES­B). Áætlað er að stuðn­ingur ESB við íslensk nýsköp­un­ar­fyr­ir­tæki leiði af sér lána­safn að and­virði 107 milljón evra eða um 13 millj­arða króna, að því er segir í til­kynn­ing­unni. 

EIF ábyrgist helm­ing láns­fjár­hæðar hvers láns, sem Arion banki veit­ir, sam­kvæmt samn­ingn­um.

Fram­kvæmda­stjóri Fjár­fest­ing­ar­sjóðs Evr­ópu, Pier Luigi Gili­bert, segir í til­kynn­ingu að það sé gleði­legt fyrir sjóð­inn að und­ir­rita fyrsta samn­ing sem þennan á Íslandi. „Þetta er jafn­framt fyrsti InnovFIn samn­ing­ur­inn sem Fjár­fest­ing­ar­sjóður Evr­ópu gerir í EFTA ríki. 107 millj­ónir evra er veru­leg upp­hæð fyrir íslensk fyr­ir­tæki og við erum sann­færð um að lána­safn­ið, sem Arion banki ætlar að byggja upp, stutt  ábyrgðum InnovF­in, muni efla nýsköpun á Ísland­i,“ segir Gili­bert.

Baká­byrgð ESB nýt­ist vel

Fram­kvæmda­stjóri ESB í mál­efnum rann­sókna, vís­inda og nýsköp­un­ar, Car­los Moedas, segir að baká­byrgð ESB muni koma sér vel fyrir íslensk fyr­ir­tæki. „Ís­lensk fyr­ir­tæki, sem leggja áherslu á nýsköp­un, geta nú notið góðs af ábyrgðum ESB sem geta alls numið 107 millj­ónum evra í takt við Horizon 2020, rann­sókna- og nýsköp­un­arramma­á­ætlun ESB. Samn­ing­ur­inn, sem var und­ir­rit­aður í dag, mun hjálpa fyr­ir­tækjum að ná mark­miðum sínum og leggja sitt af mörkum til hag­vaxtar og atvinnu­sköp­unar á Ísland­i.“

Styðja við nýsköpun

Hösk­uldur H. Ólafs­son, banka­stjóri Arion banka, fagnar samn­ingnum í til­kyn­ingu og segir bank­ann hafa lagt mikið kapp á að styðja við nýsköpun í atvinnu­líf­inu. „Við leggjum mikla áherslu á að styðja við hvers kyns nýsköp­un. Samn­ing­ur­inn við European Invest­ment Fund er liður í því og gerir okkur kleift að lána til lít­illa og með­al­stórra fyr­ir­tæki vegna fjár­fest­inga þeirra í nýsköpun – í víð­ustu merk­ingu þess orðs. Þessi samn­ingur gerir okkur kleift að lána á hag­stæð­ari kjörum en ella þar sem sjóð­ur­inn tekur á sig hluta þeirrar áhættu sem í lán­veit­ing­unni felst. Við erum spennt að kynna þessa nýj­ung fyrir íslenskum fyr­ir­tækjum sem eru að fjár­festa í nýsköp­un, vöru­þró­un, nýjum fram­leiðslu­að­ferðum eða sókn á nýja mark­að­i,“ segir Hösk­uld­ur.

Mark­miðið með ábyrgðum InnovFin fyrir lítil og með­al­stór fyr­ir­tæki er að hvetja fjár­mála­stofn­anir til að lána fyr­ir­tækj­um, með færri en 500 starfs­menn, til fjár­fest­inga og/eða fjár­mögn­unar rann­sókna, þró­unar og nýsköp­un­ar, með fjár­stuðn­ingi frá ESB. Fjár­fest­ing­ar­sjóður Evr­ópu velur fjár­mála­stofn­anir víðs vegar um Evr­ópu sem lýst hafa yfir áhuga á því að ger­ast milli­lið­ir.

Fjár­fest­ing­ar­sjóður Evr­ópu (EIF) er hluti af Evr­ópska fjár­fest­ing­ar­bank­an­um. Með InnovFin fást ábyrgðir og gagná­byrgðir fyrir fjár­mögnun að upp­hæð frá 25 þús­undum evra til 7,5 millj­óna evra til þess að auka aðgengi lít­illa og með­al­stórra nýsköp­un­ar­fyr­ir­tækja (með færri en 500 starfs­menn) að láns­fjár­magni. Fjár­fest­ing­ar­sjóður Evr­ópu stýrir verk­efn­inu með milli­göngu banka og ann­arra fjár­mála­stofn­ana í ESB-­ríkjum og öðrum aðild­ar­lönd­um. Fjár­fest­ing­ar­sjóður Evr­ópu tryggir milli­lið­ina fyrir hluta af því tapi sem kann að verða vegna lán­veit­inga sam­kvæmt áætl­un­inni.