Nýkjör­inn for­seti Banda­ríkj­anna, Don­ald J. Trump, segir í við­tali við New York Times að það „geti ver­ið“ að mann­fólkið á jörð­inni eigi sök á hlýnun jarðar og hann seg­ist ætla að nálg­ast það með „opnun huga“ hvort Banda­ríkin ætli sér að draga sig út úr Par­ís­ar­sam­komu­lag­inu þar sem mark­miðið er að draga veru­lega úr mengun og vinna gegn hlýnun jarð­ar. Sam­tals hafa 195 þjóðir skuld­bundið sig til að vinna eftir sam­komu­lag­inu og hefur full­gild­ing þess farið fyrir þing þjóð­anna til sam­þykkt­ar, meðal ann­ars á Íslandi.

Þetta er í fyrsta skipti sem Trump opnar á mögu­leik­ann á því að vís­indi sem sýna að hlýnun jarðar sé af manna­völdum geti verið rétt. Í kosn­inga­bar­átt­unni marg­ít­rek­aði hann að Banda­ríkin myndu fara úr Par­ís­ar­sam­komu­lag­inu og að hlýnun jarðar væri bull og vit­leysa. 

Svo virð­ist sem þessi sjón­ar­mið Trumps hafi ekki rist djúpt því nú boðar hann að skoða málin með opnum huga. 

Það sama gildir um pynt­ingar við yfir­heyrslur en í kosn­inga­bar­átt­unni tal­aði hann fyrir því að það ætti að vera „sjálf­sagt mál“ að nota pynt­ing­ar­að­ferðir til að ná í upp­lýs­ingar frá hryðju­verka­mönn­um, þar á meðal köfn­un­arpynt­ingar með vatni (Wa­ter­bo­ar­ding). Hann seg­ist hafa skipt um skoðun eftir að hafa rætt málin við hers­höfð­ingja og sér­fræð­inga. 

Trump vinnur nú að því að setja saman starfs­lið sitt og fer vinnan fram í Trump turn­inum skammt­frá fjöl­miðla­torg­inu í New York borg, sem er við 59. stræti skammt frá horni Central Park vestan megin á Man­hatt­an.