Gengi krón­unnar hefur styrkst mikið að und­an­förnu gagn­vart helstu við­skipta­myntum heims­ins. Gengi krón­unnar gagn­vart evr­unni hefur styrkst um ríf­lega 15 pró­sent á síð­ustu 10 mán­uð­um, og um fjögur pró­sent á und­an­förnum mán­uði. Evran kostar nú 120 krónur en fyrir rúm­lega ári kost­aði hún 150 krónur og um mitt ár 2014 154 krón­ur. 

Leita þarf aftur til fyrri­hluta árs 2008 til að finna sterk­ari stöðu krón­unnar gagn­vart evru heldur en nú er. Í júlí 2008 kost­aði evran 129 krónur en í febr­úar kost­aði hún 98 krón­ur. Eftir fall krón­unnar í mars­mán­uði 2008 var evran komin í 122 krónur og veikt­ist krónan svo jafnt og þétt fram að stjórn­lausu falli hennar eftir hrun bank­anna, í októ­ber 2008, og setn­ingu fjár­magns­hafta með lögum í nóv­em­ber sama ár. Þá kost­aði krónan 182 krón­ur.

Gengi krón­unnar gagn­vart Banda­ríkja­dal hefur einnig styrkst nokkuð en hann kostar nú 113 krón­ur, en fyrir ári kost­aði hann 136 krón­unn­ar.

Gengi krónu gagn­vart evru er mik­il­væg stærð í efna­hags­legum veru­leika Íslands, enda er utan­rík­is­verslun Íslands að lang­mestu leyti við Evr­ópu­þjóð­irn­ar. Sam­kvæmt tölum Hag­stof­unnar nam utan­rík­is­verslun Íslands við evr­ópska efna­hags­svæði í fyrra 489 millj­örðum króna, en til sam­an­burðar þá nam utan­rík­is­verslun Íslands inn á Banda­ríkja­markað 35 millj­örð­u­m. 

Í nýj­ustu Pen­inga­málum Seðla­banka Íslands er staða krón­unnar gerð að umtals­efni og sagt að hún hafi stuðlað að því að halda verð­bólgu í skefj­um, ásamt fleiri þátt­um. „Eins og rakið er í Pen­inga­málum 2016/3 virð­ist sem mik­ill við­skipta­kjara­bati und­an­farin ár, lítil alþjóð­leg verð­bólga, geng­is - hækkun krón­unnar og aðhalds­söm pen­inga­stefna hafi að miklu leyt­i haldið aftur af kostn­að­ar­á­hrifum launa­hækk­ana und­an­geng­inna miss­era. Hækki gengi krón­unnar hins vegar ekki frekar taka áhrif hennar smám saman að fjara út þegar líður á spá­tím­ann. Sam­kvæmt grunn­spá Pen­inga­mála verður verð­bólga komin í rúm­lega 3% um mitt næsta ár en nær hámarki í 3,8% á fyrri hluta árs­ins 2018. Hún­ ­tekur síðan að hjaðna á ný og er gert ráð fyrir að hún verði kom­in ­niður fyrir 3% á fyrri hluta árs 2019. Rétt er að und­ir­strika að óvissa um geng­is­þróun á næstu miss­erum er meiri en verið hefur und­an­ - farin ár í ljósi los­unar fjár­magns­hafta,“ segir í Pen­inga­málum.