Gunnar Bragi Sveins­son, land­bún­að­ar- og sjáv­ar­út­vegs­ráð­herra, segir að það hljóti að vera „mi­s­tök” að aðeins séu 300 millj­ónir í fjár­laga­frum­varp­inu fyrir árið 2017 sem eyrna­merktar eru Dýra­fjarð­ar­göngum á Vest­fjörð­u­m. 

Í sam­göngu­á­ætlun fyrir árin 2015 til 2018 sam­þykkti Alþingi að á árinu 2017 yrðu 1,5 millj­örðum varið til þess að hefja fram­kvæmdir á Dýra­fjarð­ar­göngum sem nú eru í útboðs­ferli. Ekki var þó útfært end­an­lega hvernig átti að fjár­magna þessa hluti eins og fjár­laga­frum­varpið ber með sér.

Gunnar Bragi gagn­rýnir þetta á Face­book-­síðu sinni og segir að „leið­rétta” þurfi þessa hlut­i. „Ég kann ekki skýr­ingu á þessu en mun beita mér fyrir því að þetta verði lag­fært hið fyrsta og tel full­víst að þverpóli­tísk sam­staða sé um það á þing­inu. Vest­firð­ingar hafa beðið alltof lengi eftir þess­ari gíf­ur­lega mik­il­vægu sam­göngu­bót og hlakka ég til þess að verða vitni að fyrstu skóflustung­unni strax á næsta ári!“ segir Gunnar Bragi.

Bjarni Bene­dikts­son sagði í Kast­ljósi í gær að ekki væri svig­rúm til að full­fjár­magna sam­göngu­á­ætlun eins og hún hefur verið sam­þykkt.  Sam­tals vantar fimmtán millj­arða upp á. Í fjár­mála­frum­varp­inu segir að það þurfi að skera sam­göngu­á­ætlun niður sem fyrr­nefndri upp­hæð, ef ekki koma til neinar breyt­ing­ar. Heild­ar­fjár­heim­ild til sam­gangna fyrir árið 2017 er áætluð tæpir 29 millj­arð­ar.