Hæsti­réttur hefur ákveðið að frá byrjun árs 2017 verði upp­lýs­ingar um hags­muna­tengsl hæsta­rétt­ar­dóm­ara aðgengi­legar á heima­síðu rétt­ar­ins. Þetta kemur fram í til­kynn­ingu frá Hæsta­rétt­i. 

Upp­lýs­ing­arnar verða um eft­ir­far­andi meg­in­at­riði:

1. Auka­störf hvers og eins dóm­ara ásamt því hvort greiðsla komi fyrir þau og þá úr hend­i hvers. 
   
   
2. Fast­eignir í eigu dóm­ara sem ætl­aðar eru til ann­ars en eigin nota fyrir hann og fjöl­skyld­u hans. 
   
   
3.  Eign­ar­hluta í hvers kyns félög­um. 
   
   
4. Allar skuldir dóm­ara sem ekki tengj­ast bein­línis öflun fast­eignar til eigin nota. 
   
   
5. Aðild dóm­ara að félögum sem ekki starfa með fjár­hags­legu mark­miði.
   
   

Upp­lýs­ing­arnar munu mið­ast við stöð­una í árs­byrjun 2017 og verða fram­vegis upp­færðar um leið og til­efni er til, segir Hæsti­rétt­ur. Ef aðilar að ein­stökum dóms­málum telja sig þurfa að fá til­greindar upp­lýs­ingar um eitt­hvert atriði varð­andi dóm­ara í málum þeirra geta þeir beint fyr­ir­spurn til rétt­ar­ins um það.

Upp­lýst var um það í síð­ustu viku að fimm hæsta­rétt­ar­dóm­arar hafi átt hluti í Glitni á árunum fyrir hrun. Allir dóm­­ar­­arnir hafa samt sem áður dæmt í málum sem tengj­­ast Glitni, bæði fyrir og eftir hrun. Þar á meðal eru saka­­mál gegn starfs­­mönnum eigna­­stýr­ingar Glitn­­is. Dóm­­ar­­arnir lýstu ekki yfir van­hæfi í neinu þeirra mála.