Bene­dikt Jóhann­es­son, for­maður Við­reisn­ar, sæk­ist eftir því að verða fjár­mála­ráð­herra í rík­is­­­stjórn­ar­sam­starfi flokks­ins með Sjálf­stæð­is­flokki og Bjartri fram­tíð, fari svo að flokk­unum tak­ist að mynda stjórn. Unnið er eftir því að ljúka stjórn­ar­myndun fyrir viku­lok, segir í Frétta­blað­inu í dag.

Þor­steinn Vígl­uns­son og Þor­gerður Katrín Gunn­ars­dóttir frá Við­reisn sækj­ast bæði eftir því að verða ráð­herr­ar, að því er segir í frétt Frétta­blaðs­ins.

Eins og fram kom í gær í frétta­skýr­ingu Kjarn­ans hafa stjórn­ar­mynd­un­ar­við­ræður gengið vel og hratt und­an­farna daga. 

For­menn flokk­anna þriggja,  Bjarni Bene­dikts­son, Bene­dikt Jóhann­es­son og Ótt­arr Proppé, og eftir atvikum helstu trún­að­ar­menn þeirra, hafa fundað stíft í vik­unni til að klára myndun rík­is­stjórn­ar­inn­ar. Fyrir liggur að Bjarni Bene­dikts­son, for­maður Sjálf­stæð­is­flokks­ins, verður for­sæt­is­ráð­herra, og að sá flokkur fái helm­ing ráðu­neyta. Hin fimm ráðu­neytin munu skipt­ast á milli Við­reisnar og Bjartrar fram­tíð­ar, en eins og áður sagði er lík­leg­ast að Bene­dikt verður fjár­mála- og efna­hags­ráð­herra.