VÍS hefur sent til­kynn­ingu til Kaup­hall­ar­innar þar sem greint er frá því að það hafi keypt 21,8 pró­senta hlut í Kviku banka og nemur heild­ar­kaup­verðið um 1.655 millj­ónum króna. Er kaup­verðið greitt að fullu með reiðu­fé, að því er segir í til­kynn­ingu.

Selj­endur á hlutum í Kviku eru Titan B ehf. (7,27%), Ingi­mundur hf. (6,61%), Fag­fjár­festa­sjóð­ur­inn Norð­ur­ljós (5,77%), Kvika banki hf. (1,27%) og M-804 ehf. (0,92%).



Sé mið tekið af verð­inu í við­skipt­un­um, er heild­ar­virði Kviku um 7,5 millj­arðar króna.

Eftir þriðja árs­fjórð­ung 2016 námu fjár­fest­ing­ar­eignir VÍS 34,4 millj­örðum og eignir sam­tals 47,8 millj­örð­um. Eigið fé félags­ins var 15,5 millj­arðar og eig­in­fjár­hlut­fall 32,4%. Hlut­hafar VÍS eru um 800 tals­ins, stórir og smá­ir. Líf­eyr­is­sjóðir eru þar umsvifa­mestir og eiga sam­tals um 42% hluta­fjár með beinum hætti.

Skúli Mog­en­sen, stofn­andi og for­stjóri WOW air, er eig­andi eign­ar­halds­fé­lags­ins Títan B. Skúli hefur verið á meðal stærstu eig­enda bank­ans allt frá því að hann leiddi hóp fjár­festa sem keyptu MP banka í apríl 2011. MP banki sam­ein­að­ist Straumi fjár­fest­inga­banka fjórum árum síðar undir nafn­inu Kvika.

Í til­kynn­ingu til kaup­hallar segir Jakob Sig­urðs­son að kaupin stuðli að dreif­ingu áhættu í rekstri félags­ins. „Starf­semi trygg­inga­fé­laga bygg­ist á tveimur meg­in­stoð­um; vátrygg­inga­starf­semi og fjár­fest­ing­ar­starf­semi. Auk þess að vera gott fjár­fest­inga­tæki­færi stuðla kaupin að dreif­ingu áhættu í eigna­safni félags­ins og þjóna þannig hags­munum VÍS vel til lengri tíma. Af því njóta bæði við­skipta­vinir og hlut­hafar góðs.“​

Sé mið tekið af gengi bréfa VÍS á mark­aði í dag nemur mark­aðsvirði félags­ins um 20 millj­örðum króna.